❓ “PSG” o‘yinlarini tomosha qilganingizda, jamoaning eng katta ustunliklari nimalardan iborat deb o‘ylaysiz? Luis Enrique qo‘l ostidagi ularning o‘yin uslubida sizga nima yoqadi?

🎙 Pedri:

“PSGning ustunliklari juda ko‘p. Menimcha, ularning hujum chizig‘ida o‘yin taqdirini hal qila oladigan favqulodda futbolchilar bor.

Yarim himoyaga kelsak, ular o‘yin sur’atini nazorat qilishni va to‘pga egalik qilishni yoqtiradigan jamoa. Tarkibida Chempionlar Ligasida ketma-ket ikki marta g‘olib chiqishlariga katta hissa qo‘shgan ajoyib futbolchilar bor.

Men yangi gap aytayotganim yo‘q: ular juda kuchli jamoa va ertangi uchrashuvni biz uchun qiyinlashtiradi. Shu sababli, ularning xavfini kamaytirish va ularga munosib qarshilik ko‘rsatish uchun juda yaxshi o‘yin namoyish etishimiz kerak!”

www.FCB.uz – “Barça” muxlislari sayti!

Instagram | Telegram

❓ Siz avval “Barcelona”da Ousmane Dembélé bilan birga o‘ynagansiz va uning so‘nggi yillardagi rivojlanishini kuzatib kelgansiz. U “Oltin to‘p” sohibiga aylandi va “Manchester City”ga qarshi uchrashuvda ajoyib o‘yin namoyish etdi. Uning rivojlanishida sizni eng ko‘p hayratga solgan jihat nima?

🎙 Pedri:

“Menimcha, Ousmane Dembélé har doim menda katta taassurot qoldirgan futbolchi bo‘lgan. Uni mashg‘ulotlarda kuzatardim va u bajara oladigan ishlar oddiy futbolchining imkoniyatlaridan ancha yuqori ekanini ko‘rardim.

Men unga doimo ulkan salohiyatga ega ekanini va o‘yin taqdirini hal qila oladigan futbolchi ekanini aytardim.

Menimcha, u PSGga o‘tgach, iste’dodini to‘liq namoyon etib, haqiqiy darajasini ko‘rsata boshladi.

Albatta, “Barcelona”da ham o‘z imkoniyatlarini namoyish etgan, ammo ayrim paytlarda uning o‘yini biroz beqaror edi. Hozir esa u barqarorlik va ishonchlilikka erishdi. Aynan shu jihatlar uni “Oltin to‘p”ni qo‘lga kiritish darajasiga olib chiqdi.

❓ Luis Enrique’ning murabbiylik salohiyati haqida qanday fikrdasiz? Uning asosiy kuchli tomonlari nimalardan iborat? Uni o‘z ishida o‘ziga xos qiladigan jihatlar qaysilar?

🎙 Hansi Flick:

“U Chempionlar Ligasida ketma-ket ikki marta g‘olib chiqdi va uning jamoasi ajoyib futbol namoyish etmoqda. Menimcha, u favqulodda murabbiy va dunyodagi eng yaxshi mutaxassislardan biri.

Jamoasining o‘yin dinamikasi, yuqori sur’ati, pressing uslubi hamda futbolchilarning maydonda o‘z pozitsiyalarini muntazam o‘zgartirib, harakatlanishi menga juda yoqadi.

Uning jamoasi doimo turli xil yechimlarni taklif qiladi. Futbolchilar esa katta taktik moslashuvchanlik bilan bir nechta pozitsiyalarda o‘ynay olishadi.

Ayniqsa, bunday yuqori darajada o‘ynashlari meni hayratga soladi. Luis Enrique’ning so‘nggi yillarda klub va jamoa bilan erishgan o‘sishi hamda rivojlanishi tahsinga sazovor. U haqiqatan ham ajoyib ish qilmoqda!”

www.FCB.uz – “Barça” muxlislari sayti!

Instagram | Telegram

❓ Ertangi uchrashuvdan nimalar kutyapsiz? Uni Chempionlar Ligasining erta finali deb hisoblaysizmi yoki jamoangiz musobaqada qanchalik uzoqqa bora olishini ko‘rsatadigan sinov sifatida ko‘rasizmi?

🎙 Hansi Flick:

“Menimcha, ertangi uchrashuv biz uchun hozirgi darajamizni aniqlashga yordam beradigan navbatdagi ajoyib sinov bo‘ladi.

Jamoamdan xuddi so‘nggi 11 ta o‘yinda bo‘lgani kabi, o‘ziga ishongan holda, jasorat, jamoaviy ruh va hamjihatlik bilan harakat qilishini istayman.

Biz dunyoning eng yaxshi jamoalaridan biri, ehtimol, eng kuchlisi bilan o‘ynaymiz. Ularning so‘nggi ikki yildagi natijalariga qarasak, ularni dunyodagi eng kuchli jamoa deb atash mumkin.

Bu biz uchun haqiqiy saviyamizni ko‘rsatish, nimalarga qodir ekanimizni va qaysi jihatlar ustida hali ishlashimiz kerakligini aniqlash uchun ajoyib imkoniyat.

Menimcha, uchrashuv qanday yakunlanishidan qat’i nazar, undan jamoamiz haqida ko‘plab muhim xulosalar va saboqlar bilan qaytamiz!”

www.FCB.uz – “Barça” muxlislari sayti!

Instagram | Telegram

🚨🚨🎙 Hansi Flick: Raphinha asosiy tarkibda maydonga tushishga tayyor!

www.FCB.uz – “Barça” muxlislari sayti!

Instagram | Telegram

❓O‘tgan mavsumda PSG va “Barcelona” o‘rtasida kechgan, parijliklar g‘alabasi bilan yakunlangan uchrashuv barchamizning yodimizda. Hozirgi “Barcelona” o‘tgan mavsumdagi jamoangizdan qanchalik farq qiladi?

🎙 Hansi Flick: “Men uchun o‘tgan mavsum juda qiyin kechdi. Ammo bu mavsum boshidan buyon biz o‘zimiz istagan uslubda va jamoamizdan kutilgan darajada o‘ynay boshladik.

Menimcha, to‘p bizda bo‘lganida o‘zimizga bo‘lgan ishonchimiz ancha oshdi. Bundan tashqari, ko‘plab golli vaziyatlar yaratmoqdamiz. Shu sababli, hozirgi holatimiz o‘tgan mavsumdagidan butunlay farq qiladi, deb o‘ylayman.

Biroq ertangi uchrashuv — alohida o‘yin. Uning natijasini faqat maydonda sodir bo‘ladigan voqealar belgilaydi.

Menimcha, jamoamizdagi barcha futbolchilar ertaga PSGga qarshi o‘ynashdan mamnun. Chunki bu o‘z futbol falsafasiga ega, ajoyib murabbiy boshqarayotgan kuchli jamoa.

Bu biz uchun qanchalik kuchli ekanimizni va qanday darajaga yetib kelganimizni ko‘rsatish uchun katta imkoniyat bo‘ladi!”

❓ Qaysi uchrashuv muhimroq: “PSG”ga qarshi o‘yinmi yoki “Real Madrid”ga qarshi “El Clásico”mi?

🎙 Hansi Flick:

“Har doim navbatdagi uchrashuv eng muhimi hisoblanadi. Shu sababli, ayni paytda ertangi o‘yin biz uchun eng muhimidir!”

www.FCB.uz – “Barça” muxlislari sayti!

Instagram | Telegram

❓"PSG" jamoasida qanday o‘zgarishlar yuz berdi?

🎙 Hansi Flick:

“Menimcha, jamoa yanada yetuklashdi. Bu men uchun eng muhim farq, chunki so‘nggi yillarda futbolchilar birgalikda rivojlanib, yaxlit jamoaga aylandilar.

Ularning birgalikda erishgan yutuqlari ajoyib va bu har bir uchrashuvda yaqqol ko‘zga tashlanadi.

Hatto “Strasbourg”ga qarshi so‘nggi uchrashuvlarida ham ular o‘yinning so‘nggi o‘n daqiqasida vaziyatni o‘zgartira olishdi. Bu esa jamoaning qanchalik yuqori saviyaga ega ekanini ko‘rsatadi.

Ularning imkoniyatlari juda katta. Bu nafaqat asosiy tarkib futbolchilariga, balki zaxiradan maydonga tushadigan o‘yinchilarga ham tegishli. PSG har tomonlama ajoyib jamoa!”

www.FCB.uz – “Barça” muxlislari sayti!

Instagram | Telegram

❓ Ertaga faoliyatingizdagi 100-g‘alabani qo‘lga kiritishni maqsad qilganmisiz? “Parc des Princes” bu natijaga erishish uchun munosib maydon bo‘la oladimi? Shuningdek, hozirgacha qo‘lga kiritgan 99 ta g‘alabangiz orasida siz uchun eng qadrli va ahamiyatlisi qaysi?

🎙 Hansi Flick:

“Jamoamiz bilan birgalikda ish boshlaganimizda, menimcha, biz juda yaxshi tayyorgarlik ko‘rgan edik. Men va jamoam uchun katta bir yo‘l boshlandi. Hozirgi holatimizni va birgalikda bosib o‘tayotgan yo‘limizni juda qadrlayman.

Shuningdek, “Barcelona” muxlislari va shahar aholisidan ko‘rayotgan hurmat hamda mehrni juda qadrlayman. Bu haqiqatan ham ajoyib.

Menimcha, bularning barchasi o‘yin uslubimiz, futbolchilarimizning fikrlashi, maydondagi xatti-harakatlari va texnik mahorati bilan bog‘liq”.

www.FCB.uz – “Barça” muxlislari sayti!

Instagram | Telegram

❓ Bu uchrashuvda to‘pni nazorat qilish siz uchun qanchalik muhim? Markaziy maydonda Rodri, Pedri, Vitinha, Nuno Mendes va boshqa futbolchilar o‘rtasidagi kurashdan nimalar kutyapsiz?

🎙 Hansi Flick:

“Albatta, markaziy yarim himoya juda muhim, chunki u o‘yinning yuragi hisoblanadi. Ikkala jamoada ham texnik mahorati juda yuqori bo‘lgan ajoyib yarim himoyachilar bor. Aytganingizdek, to‘pni nazorat qilsangiz, raqibning gol urish imkoniyatlari kamayadi.

Biroq oxir-oqibat, eng muhimi — xatolarga yo‘l qo‘ymaslik. Ayniqsa, PSG hujumkor o‘yinda juda kuchli va bu ularning asosiy ustunliklaridan biridir. Biz ularga bunday imkoniyatlarni taqdim etmasligimiz kerak.

Shuning uchun to‘pni osonlikcha yo‘qotmasligimiz va keraksiz xatolardan qochishimiz lozim. Biz jasorat bilan o‘ynashimiz va butun uchrashuv davomida diqqatimizni eng yuqori darajada saqlashimiz kerak!”

www.FCB.uz – “Barça” muxlislari sayti!

Instagram | Telegram

www.FCB.uz – “Barça” muxlislari sayti!

Instagram | Telegram

Obbo Yamal e, o’yinda yutib Fermin ni gapirtirib videoga olibdi😂

www.FCB.uz – “Barça” muxlislari sayti!

Instagram | Telegram

🔙2012-yilning aynan shu kunida Lionel Messi “Barcelona” safida eng ko‘p het-trik qayd etgan futbolchi sifatida César’dan o‘zib ketgandi (15 ta). O‘sha uchrashuvda “Barcelona” safarda “Deportivo”ni 5:4 hisobida mag‘lub etgan.

www.FCB.uz – “Barça” muxlislari sayti!

Instagram | Telegram

O'yin oldidan yana bir yo'qotish. Julian Alvarez ham bugungi "PSG" "Barcelona" uchrashuvini o'tkazib yuboradi.