"Men optimistik kayfiyatdaman. Ko'rib turganimdek, futbolchilar tiklanishgan va bu o'yinga tayyorlar."

"O'ylashimcha, "El Clasico" — bu o'ziga xos narsa. Bu bizning sportimiz butun dunyoga taqdim eta oladigan eng yaxshi o'yin. Uni butun dunyo tomosha qiladi. Turli madaniyat va avlodlarga mansub millionlab odamlarni aynan mana shu uchrashuv birlashtiradi. Bu ajoyib. Garovlar juda katta. Bor-yo'g'i uch ochko olish mumkin, lekin yakunda gap undan ancha kattaroq narsa haqida ketmoqda. Bu voqeaning bir qismi bo'lish — fantastika. O'ylashimcha, jamoamdagi barcha bu o'yinni intiqlik bilan kutmoqda va biz qanday o'ynashni xohlayotganimizni ko'rsatmoqchi. Gap shunda. Menimcha, biz tayyormiz. Men o'z jamoamga ishonaman va ularning imkoniyatlariga ishonchim komil."

: "Men o'ziga bo'lgan ishonchi yuqori jamoani ko'rishni kutyapman. Avvalo, qanday klub bilan to'qnash kelayotganimizni yodda tutishimiz kerak. "Real Madrid" — ajoyib futbolchilar o'ynaydigan va ajoyib murabbiy ishlaydigan buyuk klub. Men bu raqibni aynan shunday qabul qilaman. Ularda ayniqsa maydonning so'nggi uchinchi qismida ulkan mahoratga ega fantastik futbolchilar bor. Ular o'zlariga ishonishadi deb o'ylayman. So'nggi o'yinlarda ham ular maydonning bu hududida qanchalik kuchli ekanliklarini ko'rsatishdi. Biz bunga e'tiborli bo'lishimiz va tayyor turishimiz kerak. Ertaga bizga aynan shu narsa kerak bo'ladi."

"Yo'q. Men hakamga to'liq ishonaman. Bu yerdagi ko'rib turganlarimdan kelib chiqib, hakamlik darajasini ijobiy baholayman. Biz barchamiz bu fantastik tomoshaning bir qismimiz va bir-birimizni hurmat qilishimiz juda muhim. Hakam ham buning bir qismi. Men bunga aynan shunday qarayman va bunday masalalarni muhokama qilishni xohlamayman."

"Albatta, ta'sir qildi. Biz buni futbolchilar bilan muhokama qildik. O'sha o'yinni tahlil qildik va ko'p jihatdan haqiqatan ham yaxshi o'ynaganimizni tushundik. Biroq, biz yaxshilashimiz kerak bo'lgan jihatlarni ham ko'rdik. Bu muhim. Biz jamoa sifatida rivojlanishimiz kerak. Ertaga dunyoning eng yaxshi jamoalaridan biriga qarshi o'ynaymiz, shuning uchun bu rivojlanish, o'z imkoniyatlarimizni sinab ko'rish, o'z kuchimizni isbotlash va jamoa sifatida oldinga navbatdagi qadamni tashlash uchun ajoyib imkoniyatdir."

"Men uni juda qattiq hurmat qilaman. Agar shuncha yillar davomida jamoalarni eng yuqori darajada boshqarsang va doimiy ravishda muvaffaqiyatlarga erishsang, bu sening qanchalik yuqori saviyada ekanligingdan dalolat beradi. U buni o'zi ishlagan har bir klubda isbotlagan. Men Germaniya terma jamoasida Löwning yordamchisi bo'lib ishlagan paytlarimda, u bilan bir marta Madriddagi uchrashgan edim. Biz u yerga tashrif buyurgandik, chunki u yerda terma jamoamizning bir nechta futbolchilari bor edi. Shuni ayta olamanki, u bilan ishlagan terma jamoaning har bir futbolchisi u haqida juda katta hurmat bilan gapirardi. Men ham huddi shunday fikrdaman. U ulkan muvaffaqiyatlarga erishgan kasbdoshim. U ajoyib hamkasb."

"Ha. Biz hech qanday tavakkalga qo'l urishni xohlamaymiz. Bilaman, hozir bunday vaziyat uchun eng qulay vaqt emas, lekin biz bunga ko'nikishimiz kerak. Daniga keladigan bo'lsak, u so'nggi paytlarda haqiqatan ham juda yaxshi formada edi, jumladan jismoniy jihatdan ham, o'tgan mavsumda esa ajoyib o'yin darajasini ko'rsatgandi. Yakunda jarohat olgan vaziyatida uning biroz omadi kelmadi. Biz buni qabul qilishimiz kerak. Albatta, u xursand emas, chunki endi u ko'plab o'yinlarni o'tkazib yuboradi. Bu biz uchun ham qiyin vaziyat, chunki bu pozitsiyada Fermin va Dani borligi bizga ulkan salohiyat bag'ishlaydi. Shuning uchun uning yo'qligi jamoada bilinadi."

"Biz standart vaziyatlar ularning kuchli tomonlaridan biri ekanligini bilamiz, Arda Güler esa bu borada eng yaxshilaridan biri. Albatta, ularda jismoniy jihatdan juda kuchli bo'lgan yuqori saviyali futbolchilar ham bor. Bugun biz buni muhokama qildik va mashg'ulotlarda bu ustida ishladik. Bunday vaziyatlarda biz Parijdagi o'yindagidan ko'ra ancha yaxshiroq himoyalanishimiz kerak. Bugun aynan shu narsa ustida ishladik va umid qilamanki, ertaga buning natijasini ko'rsatamiz."

"Biz doimo o'zimizga e'tibor qaratamiz va u yoki bu futbolchi "Barcelona"ga qanday ta'sir o'tkaza olishiga qaraymiz. O'ylashimcha, Rodrini safiga qo'shib olish imkoniyati paydo bo'lganda, klubdagi barcha uning bizga juda katta yordam berishiga va oldinga navbatdagi qadamni tashlashimizga imkon beruvchi muhim bo'lakka aylanishi mumkinligiga yuz foiz ishonch hosil qilgan edi. Menimcha, ushbu mavsumning dastlabki o'yinlarida uning jamoaga va butun klubga qanchalik katta ta'sir o'tkazganini ko'ra oldingiz. U biz bilan ekanligidan juda xursandman. Pedri bilan birgalikda u bizga maydon markazida eng yuqori darajadagi o'yinni taqdim etmoqda. Aynan shuning uchun u bu yerda va o'ylashimcha, barcha bundan mamnun."