84-daqiqada burchak zarbasidan keyin jamoamiz darvozasi oldida xavfli vaziyat yuzaga keldi. Lekin so‘nggi pallada to‘p darvoza ustuni yonidan o‘tib ketdi.

88-daqiqada Diyor Xolmatovning zarbasidan keyin to‘pni maydon egalari posboni Umidjon Ergashev qaytarib maydon tashqarisiga chiqarib yubordi.

89-daqiqada mezbonlarning navbatdagi hujumidan so‘ng to‘pni jamoamiz darvozaboni Shukron Yo‘ldoshev qaytardi.

90-daqiqada jamoamiz tarkibida so‘nggi o‘zgarish yuz berdi. Husayn Norchayev o‘rniga Joel Kojo zaxiradan maydonga tushdi.

Uchrashuvning asosiy vaqtiga to‘xtalishlar uchun 4 daqiqa qo‘shib berildi.

90+1-daqiqada mezbonlarning navbatdagi hujumidan so‘ng, to‘p darvoza to‘siniga tegib qaytdi.

90+2-daqiqada Joel Kojo urganchliklar darvozaboni Umidjon Ergashev bilan yakkama-yakka vaziyatga chiqdi. Ammo so‘nggi pallada to‘p darvoza ustuni yonidan o‘tib ketdi.

Uchrashuv yakunlandi. Unda jamoamiz 2:1 hisobida g‘alaba qozondi.

Eʼtiboringiz uchun rahmat, aziz muxlislar! Sizlar bilan doimo g‘alabali onlarda g‘oyibona diydorlashish nasib etsin, ilohim!

Jamoamiz aʼzolari bugungi g‘alabani muxlislar bilan birgalikda shunday tarzda nishonlashdi.