⚡️ OKMK futbolchilari uchun ma’naviy-huquqiy targ‘ibot tadbiri o‘tkazildi

Bugun OKMK futbol akademiyasi binosida klub futbolchilarining ma’naviy-huquqiy savodxonligini oshirish hamda jamiyatda mas’uliyatli fuqaro sifatidagi qadriyatlarini mustahkamlashga qaratilgan uchrashuv bo‘lib o‘tdi.

Tadbirda Olmaliq shahar hokimining din ishlari bo‘yicha maslahatchisi Jamshid Pardayev, OKMK professional futbol klubi huquqshunosi Doniyor Yoqubov, OKMK futbol akademiyasi texnik direktori Sherzod Rayimdjanov hamda akademiya Ma’naviyat va ma’rifat yetakchisi Nodira Xolliyeva va OKMK futbol klubi futbolchilari ishtirok etishdi.

Suhbat davomida futbolchilar uchun zarur bo‘lgan huquqiy bilimlarni mustahkamlash, qonun ustuvorligi, ma’naviy va odob-axloq me’yorlariga rioya etish xususida so‘z bordi. Shuningdek, diniy va dunyoviy tushunchalarning mohiyati hamda «Jaholatga qarshi ma’rifat» g‘oyasi doirasida atrofimizdagi turli yot qarashlardan ogoh bo‘lish masalalariga alohida to‘xtalib o‘tildi. Mutaxassislar professional sportchining jamiyatdagi o‘rni, o‘zaro hurmat va yuksak intizom – maydondagi va undan tashqaridagi muvaffaqiyatning asosiy omili ekanini ta’kidladilar.

Ochiq va samarali muloqot tarzida o‘tgan uchrashuv yakunida futbolchilar o‘zlarini qiziqtirgan savollar bo‘yicha mutaxassislardan tegishli javob va tavsiyalarni olishdi.

🕊Telegram | 📱Instagram | 📺YouTube