OKMK FK 2:1 «Xorazm»

OKMK jamoasi O‘zbekiston Kubogi 1/8 final uchrashuvida «Xorazm»ni 2:1 hisobida mag‘lub etib, chorak final yo‘llanmasini qo‘lga kiritdi! 🔥

Uchrashuvning dastlabki daqiqalarida jamoalar ehtiyotkor harakat qildi. OKMK bir necha bor xavfli hujumlar uyushtirib, hisobni ochishga yaqin keldi. 60-daqiqada esa hakam tomonidan belgilangan penaltini Siavash Haqnazari aniq ijro etib, jamoamizni oldinga olib chiqdi — 1:0.

«Xorazm» 87-daqiqada hisobni tenglashtirib, uchrashuvni yanada keskinlashtirdi — 1:1. Biroq so‘nggi daqiqalarda OKMK bosimni oshirdi. VAR ko‘rigidan so‘ng jamoamiz foydasiga yana bir penalti belgilandi. 90+9-daqiqada Siavash Haqnazari imkoniyatdan unumli foydalanib, dublini rasmiylashtirdi va OKMKga muhim g‘alabani taqdim etdi — 2:1

Shu tariqa, OKMK FK O‘zbekiston Kubogining chorak final bosqichi ishtirokchisiga aylandi.


🔴 O’zbekiston kubogi. 1/8 final.
⚽️OKMK FK — 🟡«Xorazm» 2:1
Gollar: Siavash Haqnazari (60, pen), (90+9, pen) — Umidbek Sultonov (87)

Bosh hakam: Umidjon Rahimjonov
Yordamchi hakamlar: Sardor Sodiqov, Abdurahmon Shukurullayev
Zaxira hakami: Sanjar Nazarov
VAR: Doston Rahmonov
AVAR: Shohnur Yo'ldoshev
Nazoratchi: Baxtiyor Tog'aev
Komissar: Diyor Xotamqulov

OKMK: 23.Hamidullo Abdunabiyev, 4.Mirjamol Qosimov, 5.Giorgi Papava, 6.Avazbek O'lmasaliyev, 7.Dilshodbek Ahmadaliyev, 8.Abubakr Rizo Turdialiyev, 9.Aziz Xolmurodov, 17.Nodirbek Abdurazzoqov, 19.Ahmadullo Muqimjonov, 27.Urosh Koyich, 88.Siavash Haqnazari

Zaxira: 1.Muhammad Ubaydullayev, 3.Shahzod Toirov, 10.Asadbek Sobirjonov, 11.Ali Abdurahmonov, 21.Hazratjon Tursunqulov, 22.Saidafzalxon Ahrorov, 28.Arihiro Sentoku, 30.Abror Sarimsoqov, 77.Ivan Peshich.


"Xorazm": 77.Umidjon Ergashev, 5.Abbosjon Otaxonov, 6.Nurjahon Muzaffarov, 9.Sardor Azimov, 10.Rafael Tavares, 12.Maksim Shiryayev, 22.Sunnatulloh Hamidjonov, 34.Suhrob Izzatov, 79.Azizjon Ahrorov, 88.Abror Xo'sinov, 96.Rafael Sabino Dos Santos

Zaxira: 33.Nikolo Stoshich, 3.Ravshonbek Sultanov, 7.Timur Ismoilov, 11.Danila Ejov, 17.Daniil Nugumanov, 23.Sarvar Bekchanov, 41.Ismandiyor Ummatov, 55.Azizbek Pirmuhammedov, 71.Umidbek Sultonov.

Ogohlantirishlar: Ahmadullo Muqimjonov (31), Avazbek O’lmasaliyev (76), Asadbek Sobirjonov (90+1) — Nurjahon Muzaffarov (73), Sunnatulloh Hamidjonov (77), Abbosjon Otaxonov (90+13)

🕊Telegram | 📱Instagram | 📺YouTube

Vali Sultonovning OKMKga qarshi o’yindan so’ng bildirgan fikrlari

— O'yin haqida fikringiz?
— Uchrashuv juda chiroyli va qiziqarli kechdi. Avvalambor Olmaliq jamoasini g'alaba bilan tabriklayman. Bazan chempionatda ham shunday qiziq o'yinni ko'rmasligimiz mumkin. Bir so'z bilan aytganda, muxlislarga yoqadigan futbol kechdi desa bo'ladi.

— Bundan 13 kun avval "Xorazm" shu stadionda OKMK mehmoni bo'lgandi. Albatta, shu o'yinni ham ko'rib chiqqan bo'lishingiz tabiiy. O'sha bahs bilan solishtirganda nimalarni o'zgartira oldingiz?
— To'g'ri savol berdingiz. Jamoani kecha qabul qilib oldim va endi birinchi mashg'ulotni o'tkazdik. Bugun esa Kubokda rasmiy uchrashuvda maydonga tushdik. Afsus, to'liq tarkib bilan o'ynay olmadik, 6-7 nafar futbolchimizda jarohat bor va ular uyda qolishgan. Ko'rsatilgan o'yin uchun futbolchilarga rahmat aytaman, oxirigacha kurash olib bordik.

Mirjalol Qosimovni juda hurmat qilaman, buni ko'pchilik biladi, u kishini o'zimga ustoz deb hisoblayman. Shogird ustozdan o'tmasa, shogird emas deyishadi-ku, bugun shunga yaqin kelgandik. Olmaliq jamoasiga O'zbekiston Kubogida omad tilab qolaman.

🕊Telegram | 📱Instagram | 📺YouTube

Mirjalol Qosimovning “Xorazm”ga qarshi o’yindan so’ng bildirgan fikrlari

— O'yin haqida fikringiz?
— Ikki jamoa ham g'alaba uchun harakat qildi. O'z imkoniyatlarimizdan foydalanib keyingi bosqichga chiqdik. Kubok bahslari bitta o'yindan iborat bo'lgani uchun yarimta vaziyatni ham golga aylantirishga to'g'ri keladi. Kecha ko'rdik, "Andijon" jamoasi 2:0 hisobida oldinda bora turib uchrashuv 2:2 hisobida tugadi va "Andijon" penaltilar seriyasida g'alaba qozondi.

Bugun "Xorazm" jamoasi ham jangovor o'yin ko'rsatdi, oxirigacha kurash olib bordi. Qiziqarli o'yin bo'ldi deb hisoblayman. Keyingi bosqichga chiqqanimizdan xursandman. Endi chempionatning navbatdagi turiga hozirlik ko'ramiz. Stadionga kelgan muxlislarga ham o'z minnatdorchiligimizni bildiramiz.

— O'yinga bir kun qolganida "Xorazm"ga yangi murabbiy tayinlandi. Bu sizning tayyorgarligingizga qanday ta’sir qildi?
— Albatta, o'yindan oldin har bir detalni inobatga olamiz. Raqib safida bugun ayrim yetakchilar o'ynamadi va boshqalar o'zini ko'rsatishga harakat qildi. Bu o'z navbatida boshqa o'yinchilarga imkon beradi. Bugun Kubokka xos bo'lgan dramatik o'yin guvohi bo'ldik.

🕊Telegram | 📱Instagram | 📺YouTube

🥳Tug’ilgan kun muborak, Mirjalol Qo’shoqovich!

Bugun, 17 sentabr o’zbek futboli afsonasi, OKMK jamoasi bosh murabbiyi — Mirjalol Qosimov tavallud topgan kun.

Jamoamiz bosh murabbiyi bugun 56 yoshni qarshi olmoqda! Shu munosabat bilan OKMK ahil jamoasi nomidan Mirjalol Qosimovni tug’ilgan kun bilan tabriklaymiz! Murabbiyimizga sog’liq, baxt va hamisha omad yor bo’lishini tilaymiz!

Tavallud kun muborak, AFSONA!

@fcokmk⚽️

🔴 Bugun soat 11:00 da O‘zbekiston kubogining finalga qadar bo‘lgan juftliklari aniqlanadi. Qur'a tashlash marosimini quyidagi havola orqali kuzatib borish imkoniga egasiz

🟢 https://youtu.be/pDzWI-3PYuM

♻️ Artel | 💙 Uzcard | ⚫️ Apex | 🔴 Coca-Cola | 🔵 BMB | 🟠 Allplay

🔴 O‘zbekiston kubogi. Qur'a tashlash marosimi

Suratda musobaqa setkasi ko‘rsatib o‘tilgan bo‘lib, mos ketma-ketlikda va tartibi bo‘yicha chorak final juftliklari aniqlab olinadi. Yarim finalda birinchi va uchinchi juftlik g‘oliblari o‘zaro hamda ikkinchi va to‘rtinchi jutlik g‘oliblari o‘zaro kurash olib boradi.

🟢 https://youtu.be/pDzWI-3PYuM

♻️ Artel | 💙 Uzcard | ⚫️ Apex | 🔴 Coca-Cola | 🔵 BMB | 🟠 Allplay

🔴 O‘zbekiston kubogi. Chorak final.

⚽️OKMK raqibi 🔵Guliston

🥳Tug’ilgan kun muborak, Aziz Xolmurodov!

Bugun ⚽️OKMK FK jamoasi hujumchisi — Aziz Xolmurodovning tavallud ayyomi.

⚽️OKMK futbol klubi ahil oilasi nomidan futbolchimizni tug’ilgan kun bilan tabriklaymiz va sog’lik, baxt hamda omad yor bo’lishini tilaymiz!

🕊Telegram | 📱Instagram | 📺YouTube