OKMK safarda “Mash’al”ni mag‘lub etdi

O‘zbekiston chempionati doirasida OKMK jamoasi safarda “Mash’al”ga qarshi maydonga tushdi. Murosasiz kechgan uchrashuvda jamoamiz 1:0 hisobida g‘alaba qozonib, muhim uch ochkoni qo‘lga kiritdi.

Uchrashuvning dastlabki daqiqalaridan OKMK futbolchilari to‘p nazoratini o‘z qo‘llarida saqlab, raqib darvozasi tomon hujumlar tashkil etishdi. Birinchi bo‘lim davomida jamoamiz bir nechta xavfli vaziyatlarni yuzaga keltirdi. Xususan, 40-daqiqada Ivan Peshichning bosh bilan yo‘llagan zarbasi gol bilan yakunlanishiga mezbonlar darvozaboni Vladislav Rusanov to‘sqinlik qildi.

Tanaffusdan so‘ng murabbiylar shtabi tomonidan amalga oshirilgan o‘zgarishlar jamoamizning hujumkorligini oshirishga qaratildi. Ikkinchi bo‘limda ham OKMK futbolchilari raqib darvozasi oldida vaziyatlar yaratishda davom etishdi.

Uchrashuvning 83-daqiqasida jamoamizning sa’y-harakatlari o‘z samarasini berdi. Zaxiradan maydonga tushgan Asadbek Sobirjonov raqib darvozasini ishg‘ol qilib, hisobni ochdi — 0:1.

Bahsning qolgan daqiqalarida futbolchilarimiz qo‘lga kiritilgan ustunlikni saqlab qolishdi. Hakam tomonidan ikkinchi bo‘limga qo‘shib berilgan to‘rt daqiqa davomida ham hisob o‘zgarmadi.

Shu tariqa, OKMK jamoasi safarda “Mash’al” ustidan 1:0 hisobida g‘alaba qozonib, o‘z hisobiga navbatdagi uch ochkoni yozib qo‘ydi.


Superliga. 24-tur.
«Mash’al» — OKMK FK 0:1
Gol: Asadbek Sobirjonov (84)

Bosh hakam: Olim To'ychiboyev
Yordamchi hakamlar: Danil Yatsenko, Shohruh Maqsudov
Zaxira hakami: Sardor Salohiddinov
VAR: Asker Najafaliyev
AVAR: Baxtiyorxo'ja Shavkatov
Nazoratchi: Viktor Serazitdinov
Komissar: Diyor Xotamqulov

"Mashal" — 73.Vladislav Rusanov, 5.Komiljon Tojiddinov, 6.Javohir Ubaydullayev (8.Sardor Abduraimov,46), 11.Mahmud Jo'raboyev (66.Isomiddin Nusratov, 14) (38.Sunnatulla Yarashev,81), 19.Tohir To'xtasinov, 24.Ifeani Ifeani, 67.Og'abek Abdirahimov, 76.Firdavs Jovliyev, 87.Muhammadali Boymurodov (2.Zafar Akramov,52), 88.Ahrorbek Rahimov (28.Ergash Ismoilov, 46), 99.Bobir Asqarov.

Zaxira: 35.Doston To'xtaboev, 36.Javohir Abdulazizov, 63.Pavel Bureev, 71.Sherxan Gafurov.

OKMK — 23.Hamidullo Abdunabiyev, 4.Mirjamol Qosimov (Siavash Haqnazari, 63) 5.Giorgi Papava, 6.Avazbek O'lmasaliyev (30.Abror Sarimsoqov, 46), 9.Aziz Xolmurodov, 13.Eldor Begimov, 21.Xazratjon Tursunqulov (17.Nodirbek Abdurazzoqov, 46), 22.Saidafzalxon Ahrorov (9.Ahmadullo Muqimjonov,69) 28.Arihiro Sentoku, 44.Abror Karimov, 77.Ivan Peshich (10.Asad Sobirjonov, 46)

Zaxira: 35.Javohir Ilyosov, 11.Ali Abdurahmonov, 26.Faridjon Abdullayev, 27.Urosh Koyich

Ogohlantirish: Avazbek O'lmasaliyev (17)

@fcokmk