🟡 SURXON 1:2 DINAMO 🔵

⚽️ Humoyun Sherbo'tayev, 90+3

🎙Uchrashuvdan keyin Anvar Gʻofurovning matbuot anjumanidagi fikrlari


— Bugungi uchrashuv haqida fikrlaringiz?

— Assalomu alaykum. Bugun kuchli raqibga qarshi maydonga tushdik. O‘yin mazmunan ham, kurashlar nuqtai nazaridan ham qiziqarli kechdi. “Dinamo” jamoasi uchrashuvga puxta tayyorgarlik ko‘rgan ekan. Shunga qaramay, futbolchilarimiz ham maydonda bor kuch va imkoniyatlarini ishga solishdi. Afsuski, ayrim vaziyatlarda omad biz tomonda bo‘lmadi. Jamoamga minnatdorlik bildiraman, ular oxirigacha kurash olib borishdi. Futbolda yaratilgan imkoniyatlardan unumli foydalana olmasangiz, raqib bundan foydalanadi va natija shunga yarasha bo‘ladi. Kelgusi uchrashuvlarda vaziyatlardan samarali foydalanib, g‘alaba qozonishga harakat qilamiz.

— Tarkibdagi yo‘qotishlarga qaramay, jamoa mavsumning ikkinchi qismini yaxshi boshladi va Andijondan g‘alaba bilan qaytdi. O‘tgan o‘yin bilan taqqoslaganda, bugun jamoaga nima yetishmadi, deb o‘ylaysiz?

— Balki Andijon bizdan bunday o‘yin kutmagandir. Bugungi raqibimizni tajribali mutaxassis Vadim Karlenovich boshqarmoqda. Ularni hurmat qilaman. “Dinamo” bizga qarshi juda yaxshi tayyorgarlik ko‘rgan ekan. Shunga qaramay, qiyin kechgan o‘yinda ham bir qator xavfli vaziyatlar yaratdik. Afsuski, ulardan unumli foydalana olmadik. Bu ham futbolning bir qismi.

— Bugun ikki yaxshi jamoa maydonga tushdi. Bunday uchrashuvlarda individual mahoratga ega futbolchilar hal qiluvchi rol o‘ynaydi. “Dinamo” safida bu vazifani Xojimirzayev bajardi. “Surxon”da esa Chineduning o‘rnini bosadigan futbolchi hali topilmagani sezildi. Bu fikrga qanday qaraysiz?

— Bu fikrda jon bor. Albatta, jamoani yaxshi hujumchi tark etdi. Lekin futbol davom etamiz va biz bu vaziyatdan chiqish yo‘lini topishimiz kerak. Balki yosh futbolchilarimizdan biri o‘zini ko‘rsatar, balki tarkibni yangi hujumchi bilan kuchaytiramiz. Har qanday holatda ham bu muammoni hal qilish ustida ishlaymiz.

— Jamoa uy uchrashuvlarini Termizda oʻtkaza olmayapti ikkinchi mavsumda qaysi stadionda oʻtkazadi?

— “Uyda hatto devorlar ham yordam beradi”, degan gap bejiz aytilmagan. Bugungi uchrashuvda ham buning guvohi bo‘ldik. Nominal mezbon bo‘lganimizga qaramay, stadiondagi muxlislarning asosiy qismi “Dinamo”ni qo‘llab-quvvatladi va bu o‘yinga o‘z ta’sirini ko‘rsatdi. Muxlislarning qo‘llab-quvvatlashi futbolchilarga qo‘shimcha ruhiy kuch bag‘ishlaydi.
Biz ham imkon qadar tezroq Termizga qaytib, o‘z muxlislarimiz qarshisida o‘ynashni istaymiz. Ammo ob-havoning keskin issiq bo‘lishi maydon maysasiga salbiy ta’sir ko‘rsatdi. Yuqori harorat sabab maydonga sepilgan urug‘lar kuyib ketgan. Shu bois hozircha uy uchrashuvlarini Termizda o‘tkazishning imkoni yo‘q. Vaziyatni imkon qadar tezroq bartaraf etib, muxlislarimiz bag‘riga qaytish uchun barcha zarur choralarni ko‘ryapmiz.

Bizni ijtimoiy tarmoqlarda kuzatib boring🔂
📱telegram 📱instagram 📱YouTube

Bugundan boshlab Fan Club faoliyatidan butunlay chiqdim.

Shuncha vaqt bor kuchim bilan xalq va jamoa uchun harakat qildim. Afsuski, buning evaziga ko’p hollarda faqat tuhmat, asossiz gaplar va e’tirozlarni eshitdim.

Hech kimni ayblamoqchi emasman, lekin har narsaning ham chegarasi bo’ladi. Endi Fan Club ishlari menga tegishli emas. Kim qanday yo’l tutishni istasa, o’zi hal qiladi.

Vaqti kelib hammasi o’z o’rniga tushadi. Mehnatimizni qadrlagan insonlarga chin dildan rahmat.

📱 @FCSURXONTERMIZ ⭐️