Учрашувнинг иккинчи бўлими бошланди!

Ўзбекистон Суперлигаси.

19-тур.

“Нефтчи” - “Қизилқум” 2:1 #LIVE

(Иккинчи бўлим)

Голлар: Билолхон Тошмирзаев, пен-11 (1:0), Жавоҳир Қаҳрамонов, 21 (2:0), Самандар Шукуруллаев, 27 (2:1)

#НефтчиҚизилқум

Пенальти! Учрашув бош ҳаками энди “Нефтчи” дарвозаси томон 11 метрлик жарима зарбаси белгиламоқда.

Гол! Элгужа Лобжанидзе пенальтидан ҳисобни тенглаштирди.

Ўзбекистон Суперлигаси.

19-тур.

“Нефтчи” - “Қизилқум” 2:2 #LIVE

(Иккинчи бўлим)

Голлар: Билолхон Тошмирзаев, пен-11 (1:0), Жавоҳир Қаҳрамонов, 21 (2:0), Самандар Шукуруллаев, 27 (2:1), Элгужа Лобжанидзе, пен-70 (2:2)

#НефтчиҚизилқум

Учрашувнинг сўнги дақиқаларига келиб ўйиндаги шиддат янада ортди.

Бугун “Ўзбекистон” ўйингоҳига ташриф буюрган мухлислари драматик руҳда ўтаётган ажойиб футбол учрашувига бевосита гувоҳ бўлмоқдалар.

Вуууҳ! Азизбек Амонов ўйинга сўнги нуқтани қўйиши мумкин эди! “Нефтчи” ҳужумчисининг бош билан йўлланган зарбаси дарвоза устуни ёнгинасидан ўтиб кетмоқда!

Учрашувнинг иккинчи бўлимидаги тўхталишлар учун бош ҳакам томонидан 9 дақиқа қўшиб берилди.

Азизбек Амоновдан навбатдаги зарба! “Қизилқум” посбони тўпни эгаллаб олишга муваффақ бўлди.

Сўнги дақиқалар “Нефтчи” вакиллари томонидан ташкил этилаётган ҳужумлар кетма-кетлигида ўтмоқда.

Қандай вазият! Билолхон Тошмирзаев қаҳрамонга айланиб кетиши мумкин эди! Унинг жарима майдони ичкарисидан йўллаган зарбаси бир озгина ноаниқ чиқди!

Учрашув якунланди. Драматик руҳда ўтган учрашувда 2:2 ҳисобидаги жанговор дуранг натижа қайд этилмоқда.