✨1-oktabr – "Ustoz va murabbiylar" kuni

🍃 Ustoz - bilim va tajribasi, iste’dod va mahorati, insoniy fazilatlari, ko‘z nuri va qalb qo‘ri, butun borlig‘ini ayamasdan, ma’rifat yo‘lida beminnat fido qiluvchi zotdir.

💐Barcha ustozlarga sihat-salomatlik, baxt-u saodat, ezgu faoliyatingizda ulkan muvaffaqiyatlar, xonadonlaringizga fayz-u baraka tilaymiz.

🌷Hurmat bilan Fermerlar maktabi!

🤩Anor po‘stining yorilishi va ichki qismining chirishi sabablari

🍎Po‘stloqning yupqaligi, bir tup daraxtda hosilning me’yordan ko‘payib ketishi, ba’zi mikroelementlarning yetishmasligi, ob-havoning keskin o‘zgarishi.

🔫Pishib turgan anorni ko‘p sug‘orib yuborish ham po‘stloqning yorilib ketishiga sabab bo‘ladi. Shuning uchun bog‘bonlar meva sirtini namlab turishni tavsiya etishadi.

🟢Mevani terib olish va qadoqlash jarayonida me’yoridan ortiqcha yuklanishi - shikastlanish va sifati buzilishiga olib keladi. Saqlash jarayonida haroratning keskin ko‘tarilishi esa, ichki qismining chirishiga sabab bo‘ladi.

📌E’tiborli tomoni, agarda anor pishib yetilgan vaqtida yomg‘ir ostida qolib ketsa ham po‘stlog‘i chirib, yorilib ketishi mumkin. Bu esa, sifat buzilishiga va xaridorgirligini yo‘qolishiga olib keladi.

💬 Telegram | 📷 Instagram | 📱Facebook

🍂Kuz keldi — dalada ishlar tugamaydi, aksincha yangi mavsum boshlanadi!

🌻Kuz — kelgusi yil hosiliga zamin yaratadigan muhim davr. Aynan shu paytda to‘g‘ri tanlangan ekin va belgilangan ekish muddati mo‘l hosilning dastlabki qadamidir.

🌾Bug‘doy va arpa — kuzgi ekinlarning asosiy vakillari.
🧄Sarimsoq — sovuqni tuproqda o‘tkazib, bahorda jadal rivojlanadi.
🧅Piyoz — ayrim navlari kuzgi ekishga mos.
🥕Sabzi — kech kuzda ekilib, bahorda unib chiqishi mumkin.
🌱Ismaloq, kashnich va ukrop — salqin havoni xush ko‘radigan ko‘katlar.

💡Ammo ekin ekishning o‘zi yetarli emas! Hosilning poydevori — to‘g‘ri muddat, sifatli urug‘, unumdor tuproq va mos agrotexnik tadbirlardir.

📌Eslab qoling: kuzgi ekinda eng muhim masala — “Nima ekish?” bilan birga “Qachon va qanday ekish?” savoliga ham to‘g‘ri javob topishdir.

💬 Telegram | 📷 Instagram | 📱Facebook

🥔KECHKI KARTOSHKADAN MO‘L HOSIL OLISH UCHUN NIMALARGA E’TIBOR BERISH KERAK?

🌟Kechki kartoshkadan yuqori va sifatli hosil olish uchun ekishdan boshlab parvarishlashgacha bo‘lgan har bir jarayonni to‘g‘ri tashkil etish muhim.

🌱 Yer tayyorlash - ekin qoldiqlaridan tozalangan maydonni talab etilgan chuqurlikda shudgorlang va ekish uchun ariq-egatlarni sifatli tayyorlang.
🌡Ekish muddatini to‘g‘ri belgilang - Tuproq haroratini inobatga olib, kartoshkani maqbul muddatda ekishni tashkil eting.
💧Suv va o‘g‘itdan oqilona foydalaning - Suv resurslarini tejab foydalaning. 1–2-suv oralig‘ida mineral o‘g‘itlarni tavsiya etilgan me’yorlarda berish o‘simlikning yaxshi rivojlanishi va yuqori hosil shakllanishiga xizmat qiladi.
🌿Rivojlanish fazalarini kuzating - Kartoshkaning o‘sish va rivojlanish bosqichlarini muntazam nazorat qilib, har bir fazaga mos agrotexnik tadbirlarni o‘z vaqtida amalga oshiring.
🐞Zararkunandalarga qarshi kurashing - Gullashdan avval kolorado qo‘ng‘izi, simqurt va boshqa zararkunandalarga qarshi zaruratga ko‘ra, tavsiya etilgan preparatlar bilan himoya tadbirlarini o‘tkazing.
💦Gullash davrida sug‘orishga e’tibor bering- Kartoshka gullagandan so‘ng suvni belgilangan me’yorlarda berish, tuproq namligini me’yorda ushlab turish muhim.
❄️Sovuqdan himoya qiling - Kuzda qisqa muddatli sovuq havo kuzatilsa, ekinni duga ustiga tortilgan plyonka yoki agrovolokno (agrotola) bilan yopib, sovuq ta’siridan asrang.

💬 Telegram | 📷 Instagram | 📱Facebook

🍋Limonni zararkunanda va kasalliklardan qanday himoya qilamiz?

🤩Limon daraxtining sog‘lom rivojlanishi va sifatli hosil berishida zararkunanda hamda kasalliklarga qarshi o‘z vaqtida kurashish muhim ahamiyatga ega.

🦠Asosiy zararkunandalar: yumshoq soxta qalqondor, o‘simlik bitlari va kanalar. Zararlanish belgilari aniqlanganda o‘simlikni muntazam kuzatib, zaruratga ko‘ra tegishli himoya choralarini ko‘rish lozim. Purkashda, ayniqsa, barglarning pastki qismiga e’tibor qaratiladi, chunki ko‘plab zararkunandalar aynan shu joyda to‘planadi. Muhim: limon g‘unchalash va gullash davrida kimyoviy preparatlar bilan ishlov berish tavsiya etilmaydi. Himoya tadbirlarini ertalab yoki kechqurun, havo salqin paytda amalga oshirish maqsadga muvofiq.

🍃Qora kuyasimon zamburug‘ paydo bo‘lishi ko‘pincha so‘ruvchi zararkunandalar faoliyati bilan bog‘liq. Shu sababli kasallik alomatlarini bartaraf etish bilan birga uning asosiy sababini — zararkunandalarni ham nazorat qilish zarur.

🌳 Gommoz — yelim oqishi kuzatilganda zararlangan po‘stloq va yog‘och qismi sog‘lom to‘qimagacha ehtiyotkorlik bilan tozalanadi. Jarohatlangan joy dezinfeksiya qilinib, keyinchalik himoya qatlami bilan qoplanadi. Limon daraxtini muntazam kuzatish, zararkunanda va kasalliklarni dastlabki bosqichdayoq aniqlash — sog‘lom o‘simlik va sifatli hosilning muhim shartidir

⚠️O‘simliklarni himoya qilish vositalaridan foydalanishda faqat O‘zbekistonda ro‘yxatdan o‘tgan preparatlarning amaldagi yo‘riqnomasi, tavsiya etilgan me’yori va xavfsizlik talablariga rioya qiling.

💬 Telegram | 📷 Instagram | 📱Facebook

Rambutan haqida eshitganmisiz?

😍Rambutan dunyodagi eng mashhur tropik mevalardan biri bo'lib, o‘zgacha ko'rinishdagi "uzun tuklari" bilan ajralib turadi.

🌍 Asosan Malayziya, Tailand, Hindiston va Janubiy Amerika davlatlarida yetishtiriladigan bu mevaning qizil va tukli po‘sti ostida shirin ta'mga ega mayin va oppoq yumaloq mag'zi joylashgan. Tatib ko‘rish uchun albatta mevani o‘rtasidan ikkiga bo‘lish zarur.

🍭 Ushbu mevani asosan yangi uzilgan yoki shakar bilan konservalangan holda iste'mol qilish tavsiya etiladi.

‼️ Meva yetishtirilayotganda va uni tatib ko‘rayotganda o‘ta ehtiyotkor bo‘lish kerak, sababi – mevaning xom urug‘lari zaharli, ammo qovurilganlari zararsizdir.

⭐️ Xarid jarayonida asosan uning rangiga e'tibor qaratish tavsiya etiladi, chunki rangi qanchalik pushti bo‘lsa, ta'mi shuncha shirin va mazali bo'ladi.

💬 Telegram | 📷 Instagram | 📱Facebook

🍯Asal ham aynishi mumkinmi?

🐝Tabiiy asal ham ayrim holatlarda aynishi mumkin. Bunga, asosan, asalning to‘liq pishib yetilmasdan yig‘ib olinishi va tarkibidagi namlik miqdorining me’yordan yuqori bo‘lishi sabab bo‘ladi.

🌼Asalarilar o‘simlik gullaridan tarkibida taxminan 60% namlik bo‘lgan nektarni yig‘ib, uni qayta ishlash orqali asalga aylantiradi. Yetilish jarayonida asal tarkibidagi suv miqdori kamayib, 14–21% atrofida bo‘ladi. Shundan so‘ng asalarilar asal bilan to‘lgan uyachalarni mum bilan berkitadi. Bu asalning yetilganligini bildiruvchi muhim belgilardan biridir.

🤩Asal nima sababdan ayniydi?

Agar asalarichi asalni to‘liq yetilmasdan yig‘ib olsa, uning tarkibidagi namlik 21% dan oshishi mumkin. Bunday sharoitda asalning achish va aynish xavfi ortadi.

🍯Saqlash jarayonida asal 1–3 oy ichida kristallanishi va ayrim hollarda qatlamlarga ajralishi mumkin. Biroq kristallanishning o‘zi asal ayniganligini anglatmaydi.

🔎Aynigan asalning asosiy belgilari:
🟡 Asal yuzasida suyuq qatlam paydo bo‘lib, uning miqdori asta-sekin ortadi.
🟡Yuqori qismida ko‘pik hosil bo‘la boshlaydi.
🟡 Asalning odatiy ta’mi o‘zgarib, achish belgilari seziladi.
🟡 Rangi va tashqi ko‘rinishida o‘zgarishlar kuzatiladi.

⚠️Muhim! Asalda achish, ko‘piklanish va yoqimsiz hid kabi belgilar kuzatilsa, uni iste’mol qilish tavsiya etilmaydi.

💬 Telegram | 📷 Instagram | 📱Facebook

🌽Makkajo‘xori yetishtirishda nimalarga e’tibor berish kerak?

🌱Makkajo‘xori (Zea mays L.) — don va yem-xashak uchun yetishtiriladigan, yuqori mahsuldor, issiqsevar ekin.

🕯Fermerlar uchun muhim agrotexnik tavsiyalar:

🔼Tuproq tayyorlash: Yer kuzda 28–30 sm chuqurlikda shudgorlanadi.
🔼 Ekish: Tuproq harorati 10–12°C ga yetganda urug‘lar 5–8 sm chuqurlikka ekiladi.
🔼 Qator oralig‘i: Nav va yetishtirish texnologiyasiga qarab 60–90 sm qilib belgilanadi.
🔼Oziqlantirish: Azot, fosfor va kaliyli o‘g‘itlar tuproq tahlili hamda o‘simlikning rivojlanish bosqichiga muvofiq qo‘llaniladi.
🔼 Sug‘orish: Ayniqsa, ro‘vak chiqarish, gullash va don to‘lish davrlarida namlik yetishmasligiga yo‘l qo‘ymaslik zarur.
🔼 Hosilni yig‘ish: Don uchun to‘liq pishganda, silos uchun esa donning sut-mum pishish davrida yig‘ib olinadi.

📈Muhim! To‘g‘ri agrotexnika, muvozanatli oziqlantirish va suvdan samarali foydalanish makkajo‘xoridan yuqori va sifatli hosil olishning asosiy omillaridir.

🩵 Telegram | 📱 Instagram | 🌐Facebook

#Qonunchilikdagi_yangiliklar

🌱Issiqxona xo‘jaliklariga yangi soliq imtiyozlari va subsidiyalar beriladi!

🏛Prezidentning 2026-yil 13-oktabrdagi PQ–371-sonli qarori bilan issiqxona xo‘jaliklarini rivojlantirish, energiya tejamkor texnologiyalarni joriy etish va aholi tomorqalaridan samarali foydalanishni qo‘llab-quvvatlash choralari belgilandi.

📋Asosiy imtiyozlar:

✅1% ijtimoiy soliq — daromadining kamida 60 foizi issiqxona faoliyatidan shakllangan xo‘jaliklar uchun 2029-yilgacha;
✅50% soliq chegirmasi — 2027–2030-yillarda belgilangan talablarga javob beruvchi issiqxona xo‘jaliklarining yer va mol-mulk soliqlariga;
✅50% subsidiya — energiya tejamkor isitish texnologiyalaridan foydalanuvchi issiqxonalarning oktabr–mart oylaridagi elektr energiyasi xarajatlariga;
✅100 mln so‘mgacha subsidiya — Toshkent viloyatining ayrim tumanlarida tomorqa issiqxonalariga energiya tejamkor uskunalar o‘rnatish uchun;
✅200 mln so‘mgacha subsidiya — issiqxonachilikka ixtisoslashgan 50 ta mahalladagi oilalarga.

🏦 Imtiyozli kreditlar ham ajratiladi:

🔹Yangi “yashil” issiqxonalar tashkil etish uchun — 300 mln so‘mgacha;
🔹Mavjud issiqxonalarni modernizatsiya qilish uchun — 150 mln so‘mgacha.

🌿Mazkur imtiyozlar issiqxona xo‘jaliklarida energiya sarfini kamaytirish, ishlab chiqarish samaradorligini oshirish va aholi daromadlarini ko‘paytirishga xizmat qiladi.

🩵 Telegram | 📱 Instagram | 🌐Facebook

#mavsum2026

💥Jizzax dalalarida hosil barakasi!

🌿Jizzax viloyati Zafarobod tumanidagi “Baxmal” fermer xo‘jaligi dalalarida paxta yig‘im-terimi qizg‘in davom etmoqda.

🌱Fermer xo‘jaligi rahbari Xolmuradov Nematilla joriy mavsumdagi paxta hosili va dalalarda olib borilgan agrotexnik tadbirlar haqida o‘z tajribasi bilan o‘rtoqlashdi.

🌐Website|📝Telegram | 💻Instagram | 🎞YouTube

🍒Gilos qachon ekiladi: kuzmi yoki bahor?

🌳Mutaxassislarning ma’lumotiga ko‘ra, gilosni ekish uchun eng qulay mavsum kuz bo‘lib, ayniqsa oktabr–noyabr oylari ko‘chatlarning qish davomida bemalol ildiz otishi va bahorda tez unib chiqishiga imkon yaratadi. Bahorda — mart va aprel oylarida ham ekish mumkin, biroq havo harorati sovuq bo‘lmasligi kerak.

🍒Gilos ko‘chatlari bozorda ikki ko‘rinishda sotiladi. Tuvakli ko‘chatlar issiqxonada yetishtiriladi va ildiz tizimi shu idish ichida shakllanadi. Bu usul ko‘chatning ildizlari shikastlanishining oldini olib, uni yil davomida ekish imkonini beradi. Yalang‘och ildizli ko‘chatlar esa faqat kuz va bahor mavsumlarida sotiladi va maydon sharoitida o‘stirilgani bois iqlim tebranishlariga bardoshli bo‘ladi.

🇺🇿Mutaxassislar gilos bog‘larida meva hosilini ko‘paytirish maqsadida changlanish masalasiga alohida e’tibor qaratishni tavsiya qiladi. Sababi ayrim navlar o‘z-o‘zidan changlana olmaydi. Shu bois ekish hududida qo‘shimcha gilos daraxti bo‘lishi meva hosilini sezilarli oshiradi.

Ekish bo‘yicha amaliy tavsiyalar:
— ko‘chatlar quyoshli va shamoldan himoyalangan joyga ekiladi;
— tuproq juda og‘ir yoki haddan tashqari nam bo‘lmasligi kerak;
— ekish chuquri ildiz to‘pidan ikki baravar keng va uchdan bir qism chuqurroq bo‘lishi zarur;
— kompost va o‘g‘it aralashmasi ildiz otishni tezlashtiradi;
— ekilgach tayanch tayoqchalar yordamida ko‘chat tik holatda ushlab turiladi;
— dastlabki yillarda, ayniqsa yozda muntazam sug‘orish talab qilinadi.

✅Mutaxassislar gilos tarkibidagi tabiiy vitamin va antioksidantlar inson salomatligi uchun muhim ekanini qayd etib, undan olingan mahsulotlar immunitetni mustahkamlashi, yurak faoliyatini qo‘llab-quvvatlashi va ko‘rish qobiliyatiga ijobiy ta’sir ko‘rsatishini ta’kidlamoqda.

🩵 Telegram | 📱 Instagram | 🌐Facebook

#Agrobooks

🟢100 kitob to'plamining 9-kitobi. Qovoq yetishtirish.

📕Mazkur kitob sifatli va shirin qovoq yetishtirish sirlari, agrotexnik tadbirlar, zararkunandalarga qarshi kurashish choralari haqida to'liq ma'lumot beradi.

📚Ushbu qo‘llanma – "Agrobank" ATB tomonidan taqdim etilgan.

📥 Kitobni yuklab olish.

🌐Website|💬 Telegram | 📷Instagram | 📺YouTube

🇺🇿🤝🇫🇷 SIAL Paris 2026 xalqaro ko’rgazmasi davom etmoqda!

🌍 Avval xabar berganimizdek, Parijda bo’lib o’tayotgan nufuzli ko‘rgazmada Agrobank mijozlari — Baxmal Agro Star va Uzun Agro Star kompaniyalari o’z mahsulotlarini xalqaro xaridorlarga namoyish etishda davom etmoqda.

📱 Instagram 📱 Facebook 🖥Sayt

🇺🇿21-oktabr - O‘zbek tiliga davlat tili maqomi berilgan kun!

📖Xalqimiz tafakkurining tiniq ko‘zgusi bo‘lgan bebaho ona tilimizni asrab-avaylash va rivojlantirish bugungi kundagi eng sharafli vazifalardan biridir.

💐Ushbu qutlug‘ sana munosabati bilan barcha vatandoshlarimizni chin dildan tabriklaymiz.

🇺🇿O‘zbek tilining maqomi mustahkam bo‘lsin!

🌻Hurmat bilan “Fermerlar maktabi”

🩵 Telegram | 📱 Instagram | 🌐Facebook