انت لا من جيت في صدري تنقّا
كل ضلع من ضلوعي لك عطيه

مافيه احد كامل بكل المجالات
‏فالشعر تلقى اصلي وتلقى تجاري

‏حتى ولو نكتب من الحكمه ابيات
‏ابياتنا ماهي صحيح البخاري.

خذاني عليك الليل و اتعبني التفكير
‏لياليك من بدّ الليالي لها وحشه.

عزيز النفس ما يقبل محبة بابها مسدود
‏ولا يمشي على دربٍ يذل الراس ويضره

مايوجعك غير الردود البارده
‏على الكلام اللي كتبته من ضمير

لاطرا طاريه والناس حولي سامرين
‏لخبط الافكار عندي وكرّمت وسريت

أن جيت من طيبك مجمّل ومشكور
‏وأن رحت ما تكثر عليك الحسايف

الحسافه كانت على صدق الشعور
‏ولا انت من رخصك ماعليك حسوفه

أنا الاسف وأنا الغلطان
‏و أنا الواجد عليك أدري

‏اما نكون اثنين بنفس الغلا
‏ولا نكون اغراب والدنيا نصيب

اي والله اني عزيز النفس يامقفي
‏ونفسي ليا عافت الحاجه تخليها

ماينام اللي يشوف الذكريات بعينه
‏لو يغمض كل صوره مايبيها مرت

السهر مفتاح باب الذكريات
‏دام لك ماضي تحبه نام بدري

غرك زمانك ياهوى البال واقفيت
‏وارخصت نفسك بعد ماكنت غالي

‏وأن شفتني ما أسوي اللي تسويه
‏ماني بخايف منْك خايف من الله

خذني من الليل والتفكير والعزلة
‏الحق على اللي بقا لاياخذه حزني

بكاك الشجّاع إللي دموعه على مركاه
وهي ما تطيح إلا من الحاجه الكبرى.

‏ابي لي مهرة ماعسفت صغيره و بنت حصان .
‏ ابوها الـي يفك المشكلة و يزبن الجاني .

الظن يوجع راعيّ الظن لا خاب
والنفس لا عافت من الشي عافت.

‏يا بخت عين إللي تربع يقهويك
‏مع مدة الفنجال يلمس يمينك.