اترك الدنيا بظهري تسّوي اللي تبي
لاذكرت أنك امامي نسيت اللي وراي .

وعلموه ان المشاعر للغلا مرهونه
‏يعلم الله ما حوا صٌدري وفي وجداني.

يفز الليل لامريت به ساري
‏يسايرك القمر ويخف من ضّيه .

تجفل وانا ياريم ماني عدوك؟
‏شفني مغامر في ودادك واداريك.

وانا والله ماتهنى ف حلو النوم
ورفيقي عليه هموم الايام ملتمه.

سلامي على وجه الرضا والجناب الزين
‏وسلامي على اللي لا عطى العهد وفا به.

ياجعل من عسرت مطالبيه تهون
‏وياجعل من له منوةً يلحق مناه .

اعظم نعم ربي على العبد الإسلام
‏لو ماحصل له غير الإسلام يكفيه .

من كثر ماجربت واقبلت واقفيت
‏ قولة هلا من لايودك مهونه .

نحيا حياة احرار راضين النصيب
‏ونموت ما تاطى لنا الدنيا طرف .

‏ان فعلنا نفعل الطيب فيّ سر وجهر
‏ماندور من ورا الناس شكر ولا مديح .

‏ثقيلـ عقل زين مَعاني جميل طبِوع
له أطباع من بين المخاليُق مقبوله .

‏دخيلك ترفق ترا تحت الجُلود قلوب
‏رثع فيها الزمان المرّ وخيب هقاويها .

‏لا حداك الشوق خل التلفّات وتعال
‏المكابر بين الأحباب شيطانٍ رجيم .