ياجعل من عسرت مطالبيه تهون
‏وياجعل من له منوةً يلحق مناه .

اعظم نعم ربي على العبد الإسلام
‏لو ماحصل له غير الإسلام يكفيه .

من كثر ماجربت واقبلت واقفيت
‏ قولة هلا من لايودك مهونه .

نحيا حياة احرار راضين النصيب
‏ونموت ما تاطى لنا الدنيا طرف .

‏ان فعلنا نفعل الطيب فيّ سر وجهر
‏ماندور من ورا الناس شكر ولا مديح .

‏ثقيلـ عقل زين مَعاني جميل طبِوع
له أطباع من بين المخاليُق مقبوله .

‏دخيلك ترفق ترا تحت الجُلود قلوب
‏رثع فيها الزمان المرّ وخيب هقاويها .

‏لا حداك الشوق خل التلفّات وتعال
‏المكابر بين الأحباب شيطانٍ رجيم .

‏استحيت من المشاريه ومعاتب جفاك
‏واقتنعت إن الغلا ما يجي عرض وطلب .

‏ماتجيك الطعنه الا من يدين الصديق
‏مثل ماتحذر عدوك صديقك أحذره '.

ودك ان اللي تحبه ييدري انك تحبه
م يشب النار في كبدك وهو م يدري .

حدّتني مقادير الدهر والليالي العوج
على جمرةٍ مالي على لمسها حاجه .

‏وتمشي بي الدنيا وحنا بعد ماشين
‏ولاادري على وين المقادير تحداني .

الشتاء جاي وجايب معه ألف قصه
الله يعين اللي ما نسى جرحه العام .

غمضي عيونك لاجاتك الذكرى
تباهي وقولي انك حالفه م تذكرينه.

‏لو اني عرفت انسى مثل ماعرفت احب
‏ماحملني القلب الشقي حمل مااطيقه .

ياجعلني فدوتك يايمه عسى عمرك طويل
‏ياقرب من الدمعة على عيني قبل لـ اهلها