‏احفظ لسانك عن الزلات والنمه
‏خل المخاليق للخالق يحاسبها .

‏ان لقيتو الخاطر ماش لاتشرهون عليه
‏مامعي صبر الصحابه ولا هدي النبي .

‏وجيه العرب سمحه لكن النفوس تشين
‏لا كثرت محاذيف الزمان ومغاليقه .

عليك السلام ومسيت بالخير وأما بعد
‏عسى العلوم فداك وترى فاقدك جدا.

غدا بي خياله بين قمَره وشبة الضوَ
و سرا بي مثل مسرا الهبوب الشمالية.

ماملكنا الا المقام الي تطيح الناس دونه
وماكسبنا الا الفعول اللي ترد العلم عنّا.

‏يالله عسى همومنا تواليهّا تباشير
‏وتنشرح صدورً الله عالم بأسرارها .

صباح الخير يا وجهٍ تقاسيمه تبشّر خير
‏وفيه من الرضا مايسعد الخافق ويرضيني .

مَن كثر ماصادمت صكات الأيام
‏نسيت وش طعم الحياه الحقيقيّ

 تمر السنين مرور الايام يالاهين
‏تدابيرها بيد الولي مالنا دبره.

‏عليك المنّ والسلوى وسلام الله و ظل الغيم
‏يا أَكثر من نقش اسمه على معظم تفاصيلي .

لعنبو جد المفارق وغربال السنين
‏و لعنبو طاري المحبه على من قالها .

السنين معجّزه والعرب متغيرين
‏والديار من الاجاويد قدهي خاليه .

نشينا باللمعزه على النقا والدين
‏ولاهمنا ضعيفً ربى على المهونه.