غير شكل وغير صوت وغير صوره
‏وغير طبع وغير ملح وغير عادي .

غير زين وغير غنج وغير فتنه
وغير طول وغير جسم وغير حلي.

حبي لك أكبر من ظنونك وتخمينك
‏ وأكبر من اللي على بالك ومن بالك .

أحيان ادور لي عن الربع مجناب
اطلع عن الديره واجي في طرفها

كان ودك في حياتك يحالفك النجاح
‏خل كل اهدافك الاوله فـ الاخره .

مايتعب السالين غير الذكريات
‏اللي تجي في وقت ماهو وقتها.

اول ايام المحبه مثل لطف الملوك
‏ واخر ايام المحبين مثل سيوفها.

تبي الكلام اللي عليه المواثيق !
‏فاقدك فقد ، الداخليه لـ نايف .

‏رعى الله عين ٍكل ماناموا السالين
‏تعاف المنام وكن جمر الغضى فيها .

ناخذ لنا فالوقت سجه و مشوار
‏بين الفياض اللي زهتها النواوير .

‏ماهوب عيب تعتذر من خطاياك
‏العيب والله صدتك وانت مخطي .

ومن زود ما اضحك مع العالم واجاملها
‏حتى الطقوع المصيّف قام ينصحني .

للراحلين انتبه تركع لاحبو الفراق
‏حنا نصلي على الموتى بليا ركوع.