بتعرف قيمتي باكر و تتمنى تعيد الأمس
‏و أجزم لك ما يمرك مثلي لو تصبر دهر

خذاني عليك الليل و اتعبني التفكير
‏لياليك من بدّ الليالي لها وحشه.

‏ ‏اصبر على الهجران قدر المستطاع
‏احمل همومي للخلا واشري وابيع

هبوب الذاكرة سَاقت مخايِيل التوجّد سوق
ونشت فوق الأطلال القديمه داخل أعماقي .

سيّروبي صوب خلّي ترى حالي سقيم .

‏جبرني الزمان وصرت بمفارقك مجبور
‏ولا اوحيت نفسي غير واقف على بابك.

‏ودّي أتعب في سنعهم على صافِ الحديد
‏لو ما أحصل عندهم غير فنجال قهوة.

امر شارعهم واسلم على البيت واقول
ليتنا نرجع احباب واهالييناا ولايـَف.

‏ليت جيلي جيل شيباني اللي ماغدو
‏مـع تفاهات الزمن والعقول الباليه

ما يزيل إعماس راسي و يبعد كل ضيق
‏غير تمره من يمينش وفنجال قهوة .