صباح الخير يا وجهٍ تقاسيمه تبشّر خير
‏وفيه من الرضا مايسعد الخافق ويرضيني .

مَن كثر ماصادمت صكات الأيام
‏نسيت وش طعم الحياه الحقيقيّ

 تمر السنين مرور الايام يالاهين
‏تدابيرها بيد الولي مالنا دبره.

‏عليك المنّ والسلوى وسلام الله و ظل الغيم
‏يا أَكثر من نقش اسمه على معظم تفاصيلي .

لعنبو جد المفارق وغربال السنين
‏و لعنبو طاري المحبه على من قالها .

السنين معجّزه والعرب متغيرين
‏والديار من الاجاويد قدهي خاليه .

نشينا باللمعزه على النقا والدين
‏ولاهمنا ضعيفً ربى على المهونه.

‏يا شين اللزوم اللي ما ياتي على حله
وياشين انتظار العجل من واحد ريض .

‏جعل اليوم من تباشيره وزين علومه
‏مايوصف فرحته غير السجود لربي .

‏مرحبا يا غاية الروح يالزول العجيب
‏من ضميرٍ مغرمٍ فيك ويبين غلاه .

‏ساس البلا حظ الكفو دايم عويق
‏وحظ الردي يمشي على ما تهيأ . .

‏صوتك على سمعي مثل دقة العود
‏سولف على كيفك ودندن بعودك .

‏يقل قدر الشخص لا كثر هرجه
‏لله درّ اللي خذا الطيب بسكات

من ساقه الحظ لين يصبّح بوجهك
‏يشوف خير الصباح الليّ يقولونه .

القلب النقي أحلى من الوجه الجميل
‏وطهاره الضمير أجمل من ثياب الحرير .

السنين معجّزه والعرب متغيرين
‏والديار من الاجاويد قدهي خاليه .

قلّ حال وقلّ حيل وقلّ حول وقلّ حيله
ذي مواري راعي الفرقا وخامسها ندامه .