Bomdod namozi: hamma uxlayotganda Alloh bilan yolg'iz gaplashishlikdir.

Unutmang.
Tuproqning tagida Allohga tavba qilishni xohlayotgan milyonlab inson borligida, siz tavba qilishga hali ham fursati borlardansiz.

Duolarim qabul bo'lishiga to'siq bo'layotgan barcha gunohlarimni kechir Allohim..

Amiyn

Keling har hafta hayotimizga bir savob amal qo'shaylik.

Masalan bu hafta harkuni 3 marotabadan #SayyidulIstigfor ni o'qishni boshlaylik:

اَللَّهُمَّ أَنْتَ رَبِّي لاَ إِلَهَ إِلاَّ أَنْتَ، خَلَقْتَنِي وَأَنَا عَبْدُكَ وَأَنَا عَلَى عَهْدِكَ وَوَعْدِكَ مَا اسْتَطَعْتُ أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ وَأَبُوءُ بِذَنْبِي فَاغْفِرْلِي فَإِنَّهُ لاَ يَغْفِرُ الذُّنُوبَ إِلاَّ أَنْتَ.

O'qilishi:
“Allohumma anta Robbii laa ilaha illaa anta, xolaqtanii va ana ’abduka va ana ’alaa ahdika va va’dika mastato’tu. A’uzu bika min sharri ma sona’tu, abuu laka bi ni’matika 'alayya va abuu bizambii fag‘firlii fainnahu la yag‘firuz-zunuba illa anta".

Ma'nosi:
“Allohim! Sen mening Robbimsan. Sendan boshqa iloh yo‘q, faqatgina Sen borsan. Meni Sen yaratding. Shubhasiz, men Sening bandangman. Kuchim yetgani qadar Senga bergan so‘zimda turishga harakat qilyapman. Yo Robbim, qilayotgan gunohlarimdan Sendan panoh tilayman. Menga lutf etgan ne’matlaringni e’tirof qilaman. Gunohlarimni ham e’tirof etaman. Yo Robbim! Meni mag‘firat et. Zero, Sendan boshqa meni mag‘firat qiladigan iloh yo‘q”.

Fazilati:
Ushbu istig‘for haqida Rasululloh sollallohu alayhi vasallam shunday deganlar: “Har kim ixlos bilan, savob va fazilatiga ishongan holda, bu duoni ertalab o‘qib, oqshomga yetmay o‘lsa, u inson Jannatiydir. Agar savob va fazilatiga ishongan holda ixlos bilan oqshom o‘qib, tongga yetmay o‘lsa, u inson ham jannat ahlidandir”.

Buhoriy rivoyati

Imom Rabboniydan so'radilar:
Allohdan qo'rqib hech kimning dilini og'ritmaymiz. Shunda ham hech kim bizni yaxshi ko'rmaydi. Buning sababi nimada?
Imom Rabboniy shunday javob qildilar:
Yaxshi ko'rmaydilar emas, yaxshi ko'rolmaydilar. Chunki Alloh sevgan qulini hammaga ham sevdirmaydi.

Noto'g'ri uslub, to'g'ri so'zning jallodidir.

Ibodatning Allohga foydasi bo'lmaganidek, isyonning ham Allohga zarari yo'q. Ibodatlarni, yaxshilikni buyurib, yomonliklarni taqiqlashi barchasi bizlar uchundir.

Ibn Ataulloh Iskandariy Rohimahulloh

Zikrda qalbingiz huzurli emas deb, hijobingizni tasattur bilan o'ramadim deb, namozingizni 5 vaqt o'qiyolmadim deb, 30 kun to'liq ro'za tuta olmadim deb, ming so'm sadaqa qilgani uyalaman deb, tavba qilsam ham yana gunoh qilaman deb bu amallarni aslo tashlab qo'ymang. Siz keyinchalik to'kis ado etaman deb reja qilib yurgan paytingiz o'limning sizga qachon kelishi noma'lum.
Chunki hech bir amalsiz g'ofil bo'lish, amalni qilib uning ichida g'ofil bo'lishdan yomonroqdir.

Fikrat

Qizlarini o'qitmaydigan millat, o'g'illarini ma'naviy yetimlikka mahkum qilgan hisoblanadi.

Nurettin Topçu

Dunyoni bersalar ham ikki ko'zingizni bermaysiz.
Lekin ikki ko'zingizni berganga qullik qilmaysiz..

Namozda bir kishiga salom bersak namozimiz buziladi. Lekin namozda tahiyyot bilan Payg'ambirimiz sollallohu alayhi vasallamga salom berish vojib hukmidadir. Alloh Taolo Payg'ambarimiz alayhissalomni qanchalar yaxshi ko'radiki, namozda tahiyyot bilan Ular sollallohu alayhi vasallamga salom berdiryapti..

"sevgi yosh tanlamaydi" deyish o'rniga "o'lim yosh tanlamaydi" deganimizda balki hozir hammasi boshqacha bo'lar edi..

Zerikdim..
Zerikdim, Tahajjudsiz tunlardan-u Bomdodsiz ottirgan tonglardan zerikdim. Zikring bo'lmagan bu qalbdan zerikdim. Yo Alloh, Sensizlikdan men juda zerikdim. Dunyo ortidan quvishdan, uni o'ylab yurishdan, Sendan uzoq insonlardan zerikdim. G'iybat taraluvchi suhbatlardan, Sendan chalg'ituvchi soxta do'stlardan, tartibsiz o'tgan kunlardan, bekor, bedor o'tgan tunlardan zerikdim. Dangasalik, tanballik, faxshga to'la ko'chalar-u, undan tiyila olmayotgan ko'zlardan zerikdim. Yo Alloh, Sensizlikdan men juda zerikdim. Har gal tavba qilib o'sha gunohni yana va yana takrorlashdan zerikdim. Bilganlarimga bir foiz ham amal qilmaslikdan, shunday bo'lsa ham ne'matlaringga ko'mib tashlashingga loyiq shukr qilmasligimdan zerikdim. Yo Alloh, Sensizlikdan men juda zerikdim..

©iamsayyoh

Kemaning suzishi uchun, suvga ehtiyoji bor. Ammo suv, kemaning ichiga kirsa, uni cho'ktiradi. Kema uchun suv nima bo'lsa, inson uchun dunyo ham shudir.

Hazrati Mavlono

Ey haqiqatdan bexabar inson..
Agar Alloh, tavba qilganni qabul qilmaganida edi, har kuni u gunohkorga ne'matlar yuborarmidi?! Gunoh qilgan bo'lsangiz tavba eshigi har doim ochiq; to'xtamang, tavba qiling. Bu eshik yopilmaydi.

Dunyoga cho'kib ketibsiz, ammo sizga dunyodan foyda yo'q. Chunki din, dunyoga cho'kish bilan qo'lga kiritilmaydi. U bilan, bu bilan o'zingizni chalg'ityapsiz. Chalg'ishni bas qiling. Agar dunyoga chalg'ishni bas qilmasangiz keyin o'zingiz afsuslanib qolasiz.

Bu haftadan harkuni 10 marotabadan shu salovatni o'qishni boshlaylik:

اَللَّهُمَّ صَلِّ عَلَى مُحَمَّدٍ وَ عَلَى آلِ مُحَمَّدٍ كَمَ صَلَّيْتَ عَلَى إِبْرَاهِيمَ وَ عَلَى آلِ اِبْرَاهِيمَ إِنَّكَ حَمِيدٌ مَجِيدٌ. اللَّهُمَّ بَارِكْ عَلَى مُحَمَّدٍ وَ عَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إنَّكَ حَمِيدٌ مَجِيدٌ.

O'qilishi:
Allohumma solli ‘ala Muhammadiv-va ‘ala ali Muhammad, kama sollayta ‘ala Ibrohima va ‘ala ali Ibrohim, innaka hamidum-majid. Allohumma barik ‘ala Muhammadiv-va ‘ala ali Muhammad, kama barokta ‘ala Ibrohima va ‘ala ali Ibrohim, innaka hamidum-majid.

Ma'nosi:
Allohim, Ibrohim alayhissalomni va u zotning oilalarini yaxshilik va rahmatda qilganing kabi, Muhammad sollallohu alayhi vasallamni va u zotning oilalarini ham yaxshilik va rahmatda qil. Albatta, Sen maqtovli ulug' Zotsan. Allohim, Ibrohim alayhissalomni va u zotning oilalarini barokatli qilganingdek, Muhammad sollallohu alayhi vasallamning va u zotning oilalarini ham barokatli qil. Albatta, Sen maqtovli va ulug' Zotsan.

Fazilati:
Abu Dardo roziyallohu anhudan rivoyat qilinadi:
Nabiy sollallohu alayhi vasallam: "Kim menga tong otganida 10 ta va kech kirganida 10 ta salavot aytsa, Qiyomat kuni shafoatimga erishadi", dedilar.

Imom Tabaroniy rivoyati.

Inson ajoyib bo'larkan..

Namoz o'qimaydi, Qur'on o'qimaydi, duo qilmaydi; keyin esa "Baxtli bo'la olmayapman" deydi.

• Namozda hayot bor.
• O'lim bor namozlarimizni o'qiylik.
• Allohni unutganlar kabi bo'lmang.

Abu Bakr Forisiyga, "Ruhning xotirjamligi nimada?" deb so'rashganida U kishi shunday javob qildilar:
"O'tmish va kelajak zamon bilan o'ralashib qolishni bas qilishlikdir".