Kunimiz chegaralangan, 24 soat vaqt bor xolos. Shuv-shuv o‘taveradi.

Bir kunda ham ish (Google), ham o‘qish (PJAIT) va qo‘shimcha (Qirikki, Code42, Marvin) loyihalarga ulgurish qiyin. Yetmaganiga Fikrlogda ham nimadir yozish kerak.

Miya tana vaznining 2.5%ni tashkil qilsada, 25% energiyani aynan miya sarflaydi. Ovqat hazm qilish esa yaxshigina kuch olib qo‘yadi. Shuning uchun ovqatlanib bo‘lib mizg‘ib olgingiz keladi.

4 yildan buyon 1.5-2 mahal ovqatlanaman. Kechga odatda faqat meva bilan yengil tamaddi qilaman. Hozir qornim och, lekin ishdan keyin ham 3-4 soat o‘tirib diqqat bilan Qirikki darslari ustida ishlay oldim. Kechgi ovqat yeganimda ishlay olmasdim - shaxsiy kuzatuvim.

Hozirgina yaqin do'stim yozib qoldi

Amerika, Angliyani orzu qiladiganlar uchun eslatma bo'ldi...

Katta shaharlar - katta, juda katta!

Bu voqea Londonda sodir bo'ldi. Londonda men ham bir qancha vaqt yashaganman, ammo hech ham bunaqa yomon vaziyatga duch kelmagandim.

Parijga borib, yurak hovuchlab yurgandik. Turadigan joyimizni oldindan o'rganmasdan borgan ekamiz, juda yomon taasurot bilan qaytgandim 0/10

Katta shaharlarning hammasida "yomon" mahallalar bor. Londonda ham, Parijda ham, Nyu Yorkda ham. Tinch mahallalarda uy narxi qimmatroq yuradi. To'g'rirog'i notinch mahallalar notinchligi uchun arzon.

Postdagi "eslatma" uyerga bormaslik uchun eslatma emas, balki ehtiyot bo'lish uchun eslatma. Katta shaharlarda imkoniyatlar ko'p. Eng yaxshi narsalar ham, eng yomon narsalar ham aynan o'sha yerda.

Ko’rayotgan reklamalaringizni ko’rsating, kimligingizni aytaman.

Tasodifan sizga yo’llangan reklama ko’rib qolasiz va bu hech qanday tasodif bo’lmaganiga amin bo’lasiz.

Kuni kecha bir shaharga bilet sotib oldim, endi shu shaharda kompaniya ochishga yordam beradiganlarni reklamasini ko’ryapman.

Nega ketayotganligimni aniq tahmin qila olishi odamni qo’rqitadi. Balki tasodifdir deb qo’ya qolamiz.

Ha aytgancha, Google ishchilari ham YouTubeda reklama ko’rarkan.

So’zdan so’zning farqi bor

So’zlar hayotimizda muhim ro’l o’ynaydi. Masalan:
- Obedga makaron yedim
yoki
- Pasta bilan tushlik qildim

Ikkisi ham bir xil narsani anglatsada, ikki xil his beradi.

Ishda, o’qishda qilgan ishlaringizni ham chiroyliroq tasvirlay olsangiz ishingiz qadri oshadi. Rezyumeda ham.

“yaxshi” so’zi ko’p narsani anglatishi mumkin. Iloji boricha bu so’zdan foydalanmaslikka harakat qiling. O’zbek tilida har bir gapda “yaxshi”ni topish mumkin. Misol uchun: yaxshimisan? yaxshiman.

AQShda tadqiqot o’tkazishgan: oilada ishlatiladigan so’zlar soni va daromadi bir biriga bog’liqligi aniqlangan. Demak boy bo’lmoqchi bo’lsangiz, lug’at boyligingizni oshirishingiz kerak (kitob o’qib).

Raqamli Gigiena

Parollaringizni ich kiyimdek tuting:
- Hech kimga ko’rsatmang
- Tez tez almashtirib turing
- Ko’rinadigan joyga qo’ymang

Dasturchi sifatida gigiena qoidalari yanada ko’payadi. Ularni o’rganib, amal qiling.

2017-yil Quest42 loyihasini ishga tushirganimda 500ga yaqin odam ro’yhatdan o’tgandi. Parollarini ochiq (hashlamasdan) saqlardim.

Tasodifiy 4-5ta akkount email va parolini olib Google akkountiga kirib ko’rgandim, ko’pchiligida ishlagandi. Hech qachon turli saytlarda bir xil parol ishlatmang.

Googleda xavfsizlikka qattiq qaraladi. Treyninglarning birida HACKING GOOGLE bir epizodini ko’rib, hatto Googleni ham buzish mumkinligiga amin bo’ldim. Siz ham ko’ring, kiberxavfsizlikka qiziqib qolasiz.

Ko’pchilik g’oyamni ulashsam o’g’irlashlari mumkin deb o’ylashadi.

G’oya - arzon, qimmati - harakat, mashaqqat va intizom. G’oya qiymatga ega bo’lganida, g’oyalar bozori bo’lardi.

G’oyalaringizni atrofdagilar bilan ulashing - kamchiligi bo’lsa aytishadi, maslahati bo’lsa berishadi, tajribasi bo’lsa ulashadi, yoqsa esa ergashadi.

Shunaqa g’oyalar ustida ishlangki, ularni kim bo’lsayam, sizmi yo boshqa, amalga oshirsa jamiyatga foydasi tegsin - hamma uchun manfaatli bo’lsin.

Peshqadam bo’lish aslida qiyin - sinalmagan g’oya katta risk. O’xshab qolsa darrov raqobatchilar paydo bo’ladi. Qancha mehnat ketgan bo’lsa, nusxalash shuncha qiyin bo’ladi.

Ko’chirish ham san’at. Sinalgan g’oyalardan birini olib qayta yaratishga urinib ko’ring. Shunda g’oya hech qanday qiymatga ega emasligini anglab yetasiz. Muhimi harakat, mashaqqat va intizom.

G’oyangizni ixtiro deb sanasangiz, patentlashingiz mumkin.

Patentlash insoniyat rivojlanishini asrlar orqaga tortgan, hozir ham toradi - monopoliyaga zamin yaratadi.

Amazonda qilgan ishlarimdan birini patentlagan edik, olamshumul ish bo’lmasa ham. Nima uchun patentlash kerakligini tushunib yetmagandim.

Katta kompaniyalar patentlashni yaxshi ko’radi. Oracle’dagi advokatlar soni dasturchilardan ko’proq. Arimsoqdan qolgan Java ni ortidan sudma-sud yuradi, qizig’i shu tilni o’zi yaratmagan, balki sotib olgan.

Nokidada 6G ustida ishlaydigan olim bilan ko’rishib qolgandim. Har oy 3-4ta patent chiqaraman, shunga qarab ishimiz unumdorligi o’lchanadi degandi.

Google ko’p texnologiyalarni ochiq rivojlantirishi uchun xurmat qilaman. Androiddan tortib, hozir men ishlayotgan Kubernetes’gacha ochiq kodli va insonlar hayotini yaxshilash uchun katta hissa qo’shyapti.

Googleda odatiy kun

https://t.me/fikrlog/1643

2023-yilda yozgan maqolalarim

Yanvar:
⁃ O’sish Siri
⁃ Nega O'zbek Tilida Yozaman
⁃ Bu men uchun yangi ish

Mart:
⁃ Mikrofon Ushlashni Bilasizmi?
⁃ Birinchi Biznesim

Aprel:
⁃ Kanareyka Hikoyasi
⁃ Kasal bo'lmang.
⁃ Toshkeniston

May:
⁃ Lotereya - Yolg'on Umid
⁃ Iste’molchi Miyya
⁃ Teskari Qonun
⁃ 10 yil Oldingi Rejalarim
⁃ Odamlar Nima Deydi
⁃ Internetning "yaxshi" insonlari

Iyul:
⁃ Qayerdansiz?

August:
⁃ 1-Avgust Esingizdami?
⁃ Muvaffaqqiyatni Kechiktiring
⁃ Ko’p Ishlilik
⁃ Tayanch (Leverage)
⁃ Zerikish Foydasi
⁃ Ortga 1 Qadam, Oldinga 2 Qadam
⁃ Marshmellow Testi 🍬

Sentabr:
⁃ Amazonda 365 kun
⁃ Yuguring!
⁃ O’zgalarga Solishtirmang!
⁃ Shofir bilimi (yodlangan bilim)
⁃ Google'dan Offer Oldim

Oktabr - Dekabr:
⁃ Dasturchidek Fikrlang.
⁃ Komediya ko'rib yig'laganmisiz?
⁃ So’zdan so’zning farqi bor
⁃ Raqamli Gigiena
⁃ G’oyalarni Ulashing

Kecha kechgi payt Vitamin D sotib olgandim, bugun quyosh chiqib turibdi… 🤷‍♂️

Qadoqlangan qurutni o’zingiz bilan olib yurish xavfsiz ✅

Kontekst: t.me/fikrlog/1477

Ulg’ayish haqida

Yosh bilan odam ulg’ayadida deb qo’yamiz. Faqat tanagina yosh bilan ulg’ayadi, miyya rivojlanishi esa qanchadir vaqtdan keyin yoshga bog’liq bo’lmay qoladi.

Ota-onasi puli bilan o’qishga keyin ishga kirib, uylantirib qo’yilgan 30 yoshli inson bilan 10 yoshida otasi Rossiyada bo’lganligi uchun oilasiga o’zi g’amxorlik qilayotgan yigitni qanday taqqoslaysiz, aslida kim ko’proq ulg’aygan?

O’zbekiston shunaqa joy, u yerda 30 yoshli bolalar va 10 yoshli erkaklarni uchratishingiz mumkin.

Ulg’ayish masuliyat bilan keladi. Masuliyatsiz insonlar huddi bolalardek, necha yosh bo’lsa ham.

Eng xavfli inson - dam olmagan inson

Deyarli har kuni kimdur Toshkent-Surxondaryo yo'lida avtohalokat tufayli bu dunyodan ko'z yumadi.

Yoshligimda sportchilar ketayotgan avtobus jarlikdan og'anab ketganligi, sevib musiqalarini eshitadigan "Bojalar" guruhi a'zosi Mo‘min Oripov ham Surxondaryodan qaytishda yo'lda avtohalokatda vafot etganligi tasodif emas. O'zim ham Surxondaryoga bormaganimga 5 yil to'ldi, hozir ham borishga xavfsirab turaman.

12 soatlik yo'l. Hech kim 6 soatdan 2ga bo'lib, biroz dam olib yetib borishni istamaydi. 2 soat ertaroq yetib borishni hayotidan ustun ko'radi - 10 kishi hayoti ustidan (ko'p hollarda 2 ta mashina to'qnashadi). Uxlamasdan ishga chiqqan dispetcherlar samolyotlarni qulatadi, dam olmagan haydovchilar ko'plar hayotiga zomin bo'ladi.

Dasturchilar ham dam olishi kerak. Ular dam olmaganda pul topish uyoqda tursin, milliardlar yo'qotiladi. Kechqurun soat 3da hamkasbim serverdagi xatolikni tuzataman deb 5 yillik fayl, ma'lumotlarini o'chirib yuborgandi. Agar texnik direktorimiz Farhod aka versiyalashni yoqib qo'ymaganlarida, biz bilgan Super Dispatch kompaniyasi hozir bo'lmasdi.

24/7 ishlashingizni istayotgan ish beruvchilardan uzoqroq yuring. Vaqtingiz uchun emas, qobiliyatlaringiz uchun ishga olsin.

milliardlar yo'qotiladi

Bilmasdan tosh otib qo'ydim shekilli...