Bugun ishda Toshkentlik Artyom aka bilan tanishdim. 2013-yil Varshavaga ko’chib kelgan ekanlar, ilgari men ham ishlagan NewMax Technologiesda ishlagan ekanlar.

Amazon kabi katta kompaniyalarda O’zbekistonliklar ko’payayotganligidan xursandligimizni aytib, bodringlik pitsadan bahramand bo’ldik.

Yalqov emasman
lekin ba’zida men 🦥

Kuni kecha bir tadbirda O’zbekistonning Polshadagi konsuli bilan ko’rishdik. Bobur aka meni ilgari Facebookda, hozir Amazonda dasturchi bo’lib ishlaydi deb tanishtirdilar.

Konsul bunday yoshlar ko’payayotganligidan xursandligini aytib, yordamchisidan mening telefon raqamimni olib qolishni so’radi. Kompyuterimiz buzilib qolsa telefon qilamiz dedi 😭

Windows kompyuter ishlatmayotganimga 8 yil to’ladi yaqinda. Lekin bu kompyuter tuzata olmayman degani emas.

Bir do’stim kompyuterdan internetga kira olmayotganlidan shikoyat qilib keldi. Bir necha oydan buyon kompyuterini ishlatmagan ekan. Qizil rangda “kompyuter vaqti internet vaqtidan ortda qolgan” degan yozuvni chiqargan ekan. Kompyuter vaqtini to’g’irladik - ishlab ketdi.

Oddiy foydalanuvchi:
- Vahimaga tushadi
- Yordam so’rashga oshiqadi
- Muammo nima desangiz - “ishlamayapti” deydi

Kompyuter ham jonvor, ko’p hollarda muammo nimaligini o’zi aytib turadi, o’qib ko’ring qizil rangda bo’lsa ham. Uzoq borsa o’chirib yoqing - 99% muammo yechimi.

Eng muhimi printerlar davridan o’tib olganimizdan, sodda mobil telefonlar murakkab kompyuterlar o’rinini egallaganligidan barcha dasturchilar quvonsa kerak, shu qatorda men ham.

2 yil o’tib yana uyda studio yaratdim.
- “Bu ancha yaxshimi endi?”

Messengerim Ishlamay Qoldi

Yozda Facebook Messengerda stajirovka o’tagan edim. Yozgan kodimni tekshirish uchun akkountimni development serverga ulab qo’ygandim, ketish oldi production serverga qaytarish esdan chiqibdi.

Shu serverni o’chirishganga o’xshaydi, 90 kunda o’chadi deb aytishgandi. Bitta xabar kelgan kimdandir, shuni o’qiy olmayapman. O’zim qaytib borib, to’g’irlab kelsammikan-a?

Ha aytgancha, Facebookda - staging, beta degan narsalar yo’q. Kod to’g’ri productionga ketadi. Lekin qancha foydalanuvchiga ochib yuborishni belgilasa bo’ladi.

Sizda ham shundaymi?

O’ylab qarasam, hafta kunlarini tasavvur qilishda maktab kundaligidan foydalanar ekanman. Ya’ni, kunlarni sanashda ushbu ketma-ketlikdan foydalanaman:

1 | 4
——
2 | 5
——
3 | 6

Bu yerda:
1 = Dushanba
2 = Seshanba …

Bu usulning kamchiligi - yakshanba ko’rinmaydi.

Ovoz bering:
👍 - ha, menda ham shunday
🤣 - yo’q, menda unaqa emas

Bugun tushlik qilgani Manty restoraniga bordim. Bir inson ingliz tilida gapirib osh buyurtma qildi. Aytishicha, Krakov shahridan Varshavaga aynan osh yeyish uchun kelibdi.

Bir kun kelib osh ham hotdog-u pitsalar kabi xalqaro taomlar safidan joy olsa ajabmas. Lekin vegetarian, ananaslik oshlar ham paydo bo’lishi meni havotirga soladi 😅

Ish bilan bo’lib soat 2:50 bo’lib ketganini sezmay qolibman, keyin 2:00da uxlashga yotdim. Vaqt sayohati deb atasangiz ham bo’ladi.

Qanday qilib? Bu hodisa - “Daylight Saving” deb ataladi. Yevropada vaqt qishda bir soat orqaga surildi. Bundan maqsad, kunni uzaytirish. Qishda quyosh juda erta botadi.

Har yili oktabrda soat millari ikki marta 2:00 bo’ladi - bir soat ortga suriladi, martda esa umuman 2:00 bo’lmaydi - bir soat oldinga o’tadi.

To’liq video: youtu.be/lwVAB5TKzDY