Ustozim Jahongir aka bilan Super Dispatchda xayrlashgan edik.

Amazonda ular bilan yana ko’rishib turganimdan juda xursandman.

Bollar, biz yutdik!

Kecha uyga qaytayotib, yo’lda 10 daqiqacha BMW saloni oldida mashinalarga qarab turgandim. Bugun esa BMW reklamalarini ko’rib turibman.

3 yilcha ilgari Google Home ishlatishni boshlagandim. Oldida ko’p aksirib yuborganim sabab bo’lsa kerak, 2 soatcha o’tib YouTubeda klinika reklamasi chiqa boshlagandi.

Facebookda ko’rganlarimni aytmasam ham bo’ladi. Ishonchim komil, Instagramni 1 yil ishlatgan bo’lsangiz, u sizni sizdan ham yaxshiroq biladi.

Agar mahsulotdan foydalanish uchun pul to’lamasangiz - siz mahsulotsiz.
Shunaqa gaplar.

Meta 11 ming
Google 12 ming
Amazon 18 ming
Microsoft 10 ming
kishini ishdan haydadi.

«Keyingi 5 yilda minglab o‘zbeklar gigant ayti kompaniyalarda ishlaydi» degan edim kun.uz dagi intervyuda.

Shu bashoratni 3 yilga o'zgartirmoqchiman. Lekin nega?

Butun dunyoda FAANG kompaniyalari ishchilarini qisqartirayotgan bir paytda, Varshavada ular yangi ofislarini ochmoqda.

Ilgari FAANGda ishlash uchun avval AQShga borishingiz kerak bo'lgan bo'lsa, endi ko'proq imkoniyatlar Yevropada bo'ladi. Chunki buyerdagi dasturchilar "arzonroq". Google Varshavada katta bir binoni sotib oldi, Amazonda Polshani o'zida 6ta offisi bor - yana ko'payadi.

AQShga viza muammo bo'lganligi uchun O'zbekistondagi dasturchilarga qiziqish bo'lmagan. O'zbekistondan Yevropaga olib kelish ancha osonroq va bizning bozorga qiziqish ancha ko'payadi.

Tayyor turing!

Bakalavr diplomisiz ham ishga olgandi.

Endi har 6 oyda talabaligimni tasdiqlovchi hujjat so’rayapti. Bitirib olgunimgacha tinch qo’ymasa kerak.

Yevropaning ko’p davlatlarida, xususan Polshada ham ishlash uchun bakalavr diplomi kerak.

Universitetda o’qishga 7 sabab:
azimjon.com/universitetda-oqishga-7-sabab

Hech bo’lmasa shu sabab uchun o’qing

Amazonda ishlash xuddi puldan qiynalib turgan startupda ishlashga o’xshaydi, juda ziqna (frugal).

Facebookda ishlashdan hech narsani sog’inmasamda, ovqatlarini sog’inarkan odam. Ayniqsa apelsin sharbatini.

Xullas, o’sha talabalar kuylaydigan musiqa…

Dasturchi sifatida o’sish uchun bir sirim bilan bo’lishaman:
Juda ko’p xato qilaman.

Bugun ishda bir xato qilib qo’ydim. Uni tuzataman deb undanam kattaroq xato qildim. O’zimni juda yomon his qilishni boshlagandim…

Men bilan ishlayotgan produkt menejer butun jamoaga “Azim is doing stellar job…” deb xabar yuboribdi. Nima? Nega?

ITda ishlash qiziqda - olov yoqib o’chirsangiz hammani e’tiborida bo’lasiz. Olov yoqmasangiz hech kim borligingizni ham bilmaydi.

Olov yoqib turing 🔥

Nega O'zbek tili?

2019-yil Astana shahriga borgandik. Odamlar orasida "rehmet"dan boshqa hamma gap rus tilida gapirilayotganini, farzandlariga yoshligidan faqat rus tilida gaplashayotganligini ko'rib rosa hafa bo'lgandim.

1 oy o'tib Varshavaga keldim. Bu yerda ham bir Qozog'istonlik inson bilan tanishib, biroz vaqt birga ishlagandik. "Nega qozoq tilini bilmaysan" desam, maktabda yaxshi o'qitmagan degandi. Lekin oiladachi?

Yevropadagi hamma davlatda o'zini tili bor. Hamma ingliz tilini bilsa ham, kutubxonalari o'zlarini tilidagi kitoblar bilan to'la. Konferensiyalari ham o'zlarini tilida bo'ladi.

Men ham ilgari ingliz tilida blog yozardim. Polshaga kelib, bizning ham tilimiz polyak tilidek rivojlangan bo'lsa qanday zo'r bo'lardi deb rosa orzu qilardim. O'zimdan boshladim: o'sha kundanoq hamma maqolalarimni o'zbek tilida yozishni boshlagandim.

3 yil to’ldi.

Hali ham shu fikrdaman:
- Umuman olganda menga yoqdi
- Lekin osmoni musaffo emas…

Bu mening ishim emas men uchun yangi ish.

O'sish uchun birinchi sirim bilan bo'lishgandim. Bugun ikkinchisi bilan bo'lishaman.

Amazonda oxirigi 5 oy davomida ishda backendchi (Java), frontendchi (Vue), devops(AWS) va hatto QA ham o'zim bo'ldim. Endi data engineering bilan shug'ullanyapman 🥲

Super Dispatchda DevOps bilan shug'ullanadigan alohida injiner bo'lmagan, hozir ham bo'lmasa kerak.

Google Cloudni o'rganib, millionlab daromad keltiradigan infrastrukturani to'liq o'z bo'ynimga olgandim - bu mening ishim emas demasdan, bu men uchun yangi ish deganman.

PDP aloqaga chiqib dasturlash bo'yicha kurs yozib berishimni so'ragandi. Unda ham bu mening ishim emas demasdan, bu men uchun yangi ish deganman.

YouTube kanal yuritish ham xuddi shunday bo'lgan. Suratga olish, video tahrirlash mening ishim emas demasdan - bu men uchun yangi ish deganman.

Qobig'ingizdan chiqing, o'zingizni kashf qiling!

Uchinchi sir - dangasaman.

Dasturlashga qiziqib qolishimga dangasaligim sabab bo'lgan. Dasturlashda kam ish qilib, kutilgan natijaga erishadiganlar doim yaxshi taqdirlanadi.

2016-yil YLDP nomli tashkilot respublika insholar tanlovi o'tkazgan edi. 12ta viloyatdan 3000dan ortiq insholar kelgandi. Bir do'stim shu insholarni viloyatlarga ajratib chiqishi kerak edi.

Kuni bo'yi ishlab atiga 300tacha inshoni ajratganidan so'ng mendan yordam so'radi. 10 daqiqada kod yozib, 1 soniya ichida har birini o'zizni papkasiga ajratib berdim. Xursandligidan baqirib yuborgandi.

Bunaqa vaziyatlar ko'p bo'gan. Linuxda bash'dan foydalanish zo'r qo'l keladi. Yaqin kunlarda bash bo’yicha kurs chiqaraman.

To'rtinchi sir - dangasa emasman.

Har doim ham qisqa yo'l topilavermaydi - mehnat va mashaqqatdan boshqa yo'l yo'q. Belni bog'lab qattiq ishlash kerak.

2019-yil qo'shimcha daromad uchun bir loyiha olgandim - koreys tili bo'yicha test martkazi yaratish kerak edi. Buyurtma beruvchiga wifi orqali tarmoq tuzishni taklif qilsam ham, xavfsizlik uchun simli tarmoq yaratish kerak deb shart qo'ygandi.

50tacha kompyuterdan tashkil topgan tarmoq yaratgandik (video). Qo'llarimiz qavarib ketgandi - ertalabgacha ishlagandik. Uyerdagi ishni tugatib, to'g'ri uxlagani super dispatchdagi ishimga ketgandim. Qiziq xotiralar qolgan.

8 soatlik ish va universitetdagi o'qish bilan cheklanib qolmaslikka harakat qilaman. Hozir jprq ustida ishlayapman, yaqin kunlarda texnik bilimlarimni ulashishni boshlayman.

Yuragimiz Turkiya va Suriyadagi yaqinlarini yo'qotganlar bilan 💔

Esingizdami?

Ilgari o’yin-kulgu (entertainment) uchun ham aql ishtatish kerak edi. Hozir raqsga tushiladi.

Hozir Alexa’da ishlayapman. Bolalarga salbiy ta’siri haqida o’rganayotgan edim. Alexa bilan katta bo’layotgan bolalarda ijtimoiy qobiliyatlarda noqisliklar bo’lishi mumkin ekan.

Hullas, agar bolalar uchun eng xavli texnologiya qaysi desangiz Tiktok degan bo’lardim. Yaqinda ChatGPT orqali har bir ijtimoiy tarmoq foydalanuvchilarining o’rtacha IQsini “hisoblashgan” edi - tiktok eng quyida…

Yana bir semestrga yakun yasadik

Bu semestr eng oson semestr ekan - 4ta fan o'qidik va 3tasiga qatnashish majburiy emas edi.

Yagona foydali bo'lgan fan - kompyuter grafikasi bo'ldi, eng qiyini ham.

"Software engineering"ga oid fanlar - loyiha menejmenti va IT tizimlari fanlarini eng keraksiz fanlar qatoriga qo'shgan bo'lardim - to'liq rasmiyatchilik.

Internet texnologiyalari fanida nodejs va react o'rganib loyiha qurish kerak edi, men esa 5 yil ilgari jQueryda yozgan loyihamni taqdim qildim.

Endi bir oy ta'til 🏖️

Amazonda odatiy kun…

Bugun Polshada “Semiz Payshanba” - shirinlik yeyishadi.

Hamkasblarim bilan O’zbekistondan kelgan shirinliklar bilan bo’lishgandim.

Ular: bugun sizlarda ham semiz payshanbami?
Men: bizda har doim semiz payshanba.

p.s Parvardani sevib qolishdi.

Dasturchilar Leetcode va GitHubdagi har kunlik progresini ko'z-ko'z qilishni yaxshi ko'rishadi.

Men ham o'tgan oy - yil boshida bir urinib ko'ray degandim. Men uchun bu usul ishlamasligi qaroriga keldim. Lekin nega?

1. Biz robot emasmiz. Cronjob yaratib qo'yishning imkoni yo'q. Kutilmagan ishlar chiqib qoladi.

2. Bir kun o'tkazib yuborsangiz o'zingizni yomon his qilasiz va progresga qaytib olish uchun kuch yo'qotasiz.

3. Har kuni bitta masala yechishdan ko'ra har hafta 3 kun 3tadan masala yechish qulayroq va ko'proq natija beradi.

Xullas,
Bu progres:
🟩🟩🟩🟩🟩🟩🟩

Bu ham progres:
🟩🟩🟥🟩🟩🟥🟩