Xabaringiz bor, kecha Farxod Mannopov operatsiya paytida olamdan o'tdi. Oila a'zolariga hamdardlik bildiraman. Alloh rahmatiga olsin.

Burnim ortidan ko'p yil aziyat chekganman. Oxirigi marta frontit bo'lib qolib, Toshkentdagi 1-sonli shifoxonaga borganimda, peshonamni "yormoqchi" bo'lishgan. Jaxlim chiqib, shifokor bilan janjallashib chiqib ketgandim.

Keyin Polshaga kettim - sovuq joylar. Burnim bitaverardi, 1 yil rinoksil spreyda yurdim (tavsiya qilinmaydi). Toshkentga qaytganimda havo quruqligi tufayli bo'lsa kerak, burnim to'liq bitti. Hech qaysi spreyga ochilmadi.

Shifokorga ko'ringanimda burnimdagi chig'anoqlar shishib ketganligini hamda suyagi qiyshiq ekanligini aydi. To'g'irlash yo'li - operatsiya. Rozi bo'lishga majbur edim. Boshimga berayotgan og'riq tufayli hech narsa qila olmasdim.

Do'stimning otasi LOR shifokori ekan. Operatsiya haqida so'rasam, bir necha kun oldin bir shifoxonada 2 kishi ketma-ket operatsiya jarayonida o'lib qolganini, shifokor tanlashda ehtiyot bo'lish kerakligini aytdi. Vahimaga tushdik.

Operatsiya qildirish qaroriga keldim. Avvaliga "oddiy"dek ko'ringan operatsiya (1 kunda shifoxonadan chiqadi deganiga oddiy deb o'ylagandim), jiddiy tus oldi.

Ertalab 10da ko'zimni yumib va kechgi soat 8da o'zimga kelganimni eslayman. Keyin 1 oy uyda bo'ldim. Kuchli narkoz bo'lgan ekan, bir necha oy xotiram bilan muammolar bo'ldi. Ba'zi odamlarning ismlari, so'zlar esimga kelmay qoldi.

Allohga shukur, operatsiya yaxshi o'tib, 1.5 yildan buyon burnim bitmadi, xotiram bilan esa haligacha muammolar kuzataman. Har bir olayotgan nafasim uchun shukur aytaman.

O'zingnizni ehtiyot qiling.

YouTube statistikasiga ko'ra, kuzatuvchilarimning 0.4%ini ayollar tashkil qilarkan 🤯

Ularni bugungi bayram bilan tabriklayman 🥳

*Turkiyada 3 haftadan so’ng*

Sekin CVni yangilab:
Iye, turk tilini bilarkanmanku…

Sayohat qilishning asl oltin qoidasi:

⚠️ Pul, passport, telefon va buyumlaringizga ehtiyot bo’ling - o’g’irlatib qo’ymang.

Kuni kecha Istanbulda oila a’zolarimdan biri telefonini o’g’irlatib qo’ydi. Yana sal turib, do’stim hamma narsasi solingan ryugzagini o’g’irlatib qo’yibdi.

❓Xorijda o’g’irlikdan jabrlanganda nima qilish kerak?

0️⃣ Panika qilmang.
Muhimi o’zingiz omonsiz. Apple mahsulotingiz qayerdaligini ko’rsatib turgan bo’lsa ham, o’g’rining izidan bir o’zingiz bormang.

1️⃣ Politsiyaga xabar bering.
Telefonni topib bera olishmadiyu, lekin politsiya mashinasida, sirenalar bilan mazza qilib shahar aylandik.

2️⃣ Elchixonaga murojaat qiling.
Passport yo’qolgan holatda 30 kunga yaroqli hujjat tayyorlab berishadi. Politsiya aralashgan bo’lsa ishingiz tezroq bitadi.

“Ogoh bo’ling - ogohlik davr talabi” deydiyu Toshkent metrosida 🙂

Sizda ham shunday bo’ladimi?

Yoqimli, qiziq voqealar bo’layotgan bir payt uyg’onib ketdim - qarasam Varshavadaman.

Huddi tushdek oilam bilan Turkiyadagi sayohatimiz nihoyasiga yetdi. Bugungi kunim xuddi 3 yil oldingi Varshavadagi birinchi kunimdek o’tdi - sog’inchda.

Sog’inish qiziqda.
Vaqtga nisbatan sog’inish grafigi qanday bo’larkan deb o’ylab qoldim.

Oddiy o’ylab qarasak, chiziqli o’sadigandek ko’rinadi - ko’proq vaqt o’tgan sari ko’proq sog’inasiz. Lekin menimcha buning aksi to’g’ri - boshida eng ko’p qiynalasiz va sekin ko’nika boshlaysiz. Chiziqni ko’tarib turmasangiz, bir kun kelib sog’inmay qo’yasiz.

Sog’inib turing.

Meta yana 10 ming kishini ishdan haydadi.
Amazonda ham bu jarayon hali oxriga yetgani yo'q.

Bu "layoff"lar menga ham ta'sir qilmasdan qolmadi. Bugun ertalab menejerim bilan shoshilinch majlis bo'ldi. Keyingi hafta men uchun ular bilan oxirigi hafta bo'larkan 🥲

Yaxshi yangilik ham bor. Amazon Polshada ishga olishni to'xtatgani yo'q. Hozirgi jamoam AQShda va ko'p layofflar ham ko'proq aynan u yerda bo'lyapti. Meni Polshadagi jamoaga o'tkazishadigan bo'ldi. BMW va boshqa mashinalardagi embedded systems ustida ishlar ekanman, ko'p C++ ishlatishar ekan.

Xullas, bu mening ishim emas demasdan - bu mening yangi ishim deb yana yangi sarguzashtlarni boshlab olamiz.

Jurnalistdek his qildim

Kecha do'stimiz Javohirdan intervyu oldim.
Suhbatni tugatib, keyin ovqatlangani bordik. Ovqatlanib o'tirib, Javohir qiziq voqealarni aytib berdi.

Men:
- Nega shularni videoda aytmadingiz?

Keyin borib videoni qaytadan yozdik, to'liq.

🎤 Mikrofon ushlashni bilasizmi?

2018-yil Garage48 xakatonida Estoniyadan kelgan hakamlardan bu ajoyib usulni o'rganganman.

To'rt barmog'ingiz bilan mikrofonni ushlaysiz va bosh barmog'ingizni iyagingizga qo'yasiz - rasmdagidek.

Natijada, mikrofon bilan bo'ladigan eng katta muammoni yechasiz - ovoz har doim bir xil balandlikda chiqadi. Mikrofon juda yaqin ham, uzoq ham ketib qolmaydi.

Sinalgan usul.

Teskari Psixologiya

Nimadirni yo xohlab qilamiz, yo majburligimizdan qilamiz. Bir paytda ikkalasi bo'lishi qiyin. Majburiy qilib qo'yilgan narsalar avtomatik tarzda yoqimsiz tuyulishni boshlaydi. Xuddi o'sha yo'qlama bilan boshlanadigan dars kabi.

Universitetda 3 yildan buyon ma'ruzalarda qatnashish majburiy bo'lmagandi. Ko'p ma'ruzalarga o'zim xohlab kirardim va mazza qilib tinglardim. Faqat bugun emas. Bugun bir ma'ruzaga kirishim majburiy, kirmasam fandan yiqilaman. Aynan o'sha fandan ko'ra yoqimsizroq fan yo'q men uchun.

Sport majburiy bo'lsa qarshilik qilmasdim. Lekin uni ham aylanib o'tsa bo'ladi. O'sha ma'ruzaga kirib ham boshqa ishlarimni qilib o'tirsam bo'ladi. Lekin muammo ham shunda. Majburiy qilishdan ma'no nima unda?

Majburiy qilish qaysidir tarafga manfaat olib keladi.

Faraz qiling, ma'ruzangizga atiga 2 kishi keldi, nima qilasiz?
Keyingi safar ma'ruzani qiziqroq qilib o'tasizmi yoki majburiy qilib qo'yasizmi?

Tanlov o'zimizda.