Iste’molchi Miyya

X narsani olganimda, Y ishni qilaman.

Misol uchun:
Kompyuter olganimda dasturlashni o’rganaman;
Krossovka olganimda yugurishni boshlayman;

Bunday fikrlashni o’zimda ham o’zgalarda ham ko’p kuzataman.

X narsani olganingizda Y ishni qilishga ishtiyoq qolmaydi. Chunki endi miyya iste’moldan xursand - yetarlicha dopamin olib bo’ldi. Ish qilgisi kelmaydi.

Buni o’zgartirish mumkin:
X narsa olganimda, Yni yaxshiroq qilaman.

Kompyutersiz ham dasturlashni o’rganishni boshlash mumkin;
Sport krosovkasiz ham yugurishni boshlash mumkin;

Keyinsi safar bunday vaziyatga tushganingizda ongli ravishda qaror qabul qiling.

Iste’moldan emas, bajargan ishingizdan xursand bo’ling.

Teskari Qonun

O’rgatsangiz, bilimingiz ko’payadi;
Ehson qilsangiz, mulkingiz ko’payadi;
Harakat qilsangiz, kuchingiz ko’payadi;

Xullas, ko’proq bering - ko’proq olasiz.

Amazon ofisida yangi o’yinchoq 🤖

Dasturchilar xursand bo’lishi uchun ko’p narsa kerak emas. Pitsa yetishmayapti xolos :)

9 yil ilgari bitiruvchilikdagi rejalarim:

1. Reja: Westminster litseyiga kirish
- Natija: imtihondan yiqilib, Sirojiddinovga kirdim

2. Reja: Litseyni bitirib Diplomatiya universitetiga topshirish
- Natija: Dasturlashga qiziqib qolib, Inhaga kirdim

3. Reja: Universitetni bitirib iqtisodchi bo’lish
- Natija: Universitetni tashlab dasturchi bo’ldim

Har doim ham biz xohlagandek bo’lavermaydi. Harakatni to’xtatmasangiz - yaxshirog’i bo’ladi.

Odamlar Nima Deydi

Ikki mahalladosh abiturient o’qishga topshirish uchun Toshkentga kelib, biri diplomatiya universitetiga, ikkinchisi agrar universitetiga topshiradi.

Armiyada 1 yil xizmat qilgan abiturientlar testlarni zo’r “yechib”, diplomatiyaga kirish ballarini yuqorilashtirib yuboradi.

Tahmin bilan 100 bal to’plagan abiturient o’qishga kirib, 200 baldan oshiq to’plagan talaba esa imtihondan yiqiladi.

Mahalladagilar hech narsadan xabari yo’q - gapirishni boshlashadi. O’zi bu bola o’qimasdi - yiqiladida, bu bola o’qirdi - ana o’qishga byudjetga kiribdi degan gaplarni qilishni boshlaydi.

Kimning ota-onasi yuzi yorug’ bo’lib, kimning-ota onasi yuzi yerga qaraydi.

O’qishdan yiqilgan yigit yana bir yil kutishni xohlamaydi va AQShga universitetga topshiradi. O’zi ham ishonmaydigan Stanfordga to’liq grantga o’qishga kirib, Amerikaga ketadi (grin kardsiz).

Hikoya qahramoni - Ulug’bek akaning shaxsan o’zlaridan bu hikoyani eshitib, ich-ichimdan nega biz katta ishlar qila olmasligimizga amin bo’ldim. Nega yiqilishdan qo’rqishimiz, nega katta rejalar qila olmasligimiz - hammasi shu jamiyat qarashlariga borib taqalarkan.

@fikrlog