2020-yil vs 2023-yilda dasturlash

Muvaffaqqiyatni Kechiktiring

Erta kelib qolgan omad aslida omadsizlik ekanligiga ko'p marta amin bo'ldim.

2017-yil Inhada dasturlashni endi boshlagan 2 talaba juda sodda mobil ilova yaratadi va Play Marketda 100+ming marotaba yuklab olinib, mo'may daromad keltirishni boshlaydi.

Ularga ko'pchilik havas qilardi, shaxsan men ham - bir kuni ular bilan gaplashib qolmagunimgacha.

Bilimlarini oshirish uchun junior sifatida ish boshlashadi. Ammo 1 hafta ishlagandan so'ng ishdan ketishadi. Loyihadan haftasiga passiv kelayotgan $1000, oyiga 300-400$ uchun ishlashga yo'l qo'ymaydi.

1-2 oy o'tib Play Market "copyright" muammolari tufayli dasturni o'chiradi va passiv daromad kelishi to'xtaydi. Pul ham tugaydi.

2020-yil ishga kirish uchun ularning biridan suhbat oldim. Afsuski suhbatdan achinarli darajada yiqildi va shunda bo'lgan voqeani aytib bergandi.

Eng muhimi vaziyatdan xulosa chiqarib o'z ustida ishladi, YBKYda ham eng aktiv talaba edi. Hozir Yevropada katta kompaniyada dasturchi bo'lib ishlaydi.

Over Employed | Ko’p Ishlilik

Juniorlar birinchi ishini topa olmay yurganida, ba’zilar bir paytda 10ta ishda ishlaydi. Xuddi ko’p xotinlilik kabi bu ham bahsli mavzu (controversial).

Menda ham bu mavzuda biroz tajriba bor. Polshaga 2020-yil payshanba kuni kelganman, shanba kuni rasmiy bazmga bordim (bir do’stim majburlab obordi). U yerda har ikki kishidan biri "men dasturchiman" deb aytardi.

Startupda ishlaydigan bitta bola "bizga topshir" deb hech qo'ymadi. Emailimni so'radi - yozib berdim. Emailimni ko'rib, "gmail" "azimjon"dan keyin kelishi kerak deb rosa bahslashdi. Hay mayli deb tajriba uchun ishga topshirib ko'rdim.

Pandemiya boshlanib qoldi. U paytlar super dispatchda part-time ishlardim, pandemiya tufayli oyliklar muzlatilinib, full-timega o'tish imkoni bo'lmadi. Bu orada 2-marta o'qishdan ketishga ulgurdim.

Ikkinchi ish uchun ayni payt kelgandek tuyuldi. Shunday qilib, 2ta ishda ishlashni boshladim.

Ko'p oylik, ko'proq vazifalar, tezroq o'sish. Yillik qo'ygan moliyaviy rejalarimga 3 oyda erishib oldim. Keyin hammasi yoqimsiz tuyula boshladi. Ish qilgim kelmay qoldi. Yuqoridagi postdagi kabi, men ham ishlashni xohlamay qoldim. Keyin esa o'zlari bo'shatib yuborishdi. 2ta (bir xil) ishda ishlash men uchun emas ekan degan fikrga kelgandim.

Leverage | Tayanch

Savdolashish san’atini o’rganing. Eng foydali qobiliyat.

11 yoshimdan uyga bozorni o’zim qilardim. Savdolashib, narxini kelishib olardim. Korzinka? Pfft, Farxadskiy!

Yuqorida Polshaga kelib 2-ishimni topganim haqida yozgandim. Ular oyiga 3.5k zł taklif berishgandi. Meni yo’qotadigan hech narsam yo’q edi, qiziqishga savdolashib ko’rdim.

16k zł ga rozi bo’lishimni aytdim, yo’q deyishlarini bilib. Ular 5k taklif qilishdi - rozi bo’lmadim, 15k so’radim. 8k ga chiqarishdi…

Axiri 14k ga kelishdik. Qanday qilib? Tayanchni ishga solib.

“Leverage” nima bo’lishi mumkin? Hozir ishlab turgan ishingiz yoki boshqa kompaniya bergan taklif. Har doim leverage/tayanch qidiring.

Eng muhimi, qadringizni biling.

Zerikish Foydasi

Qattiq zerikkanmisiz? Nima qilishni, qayerga borishni bilmaysiz.

Ko'pchilik bunday paytlarda serial ko'radi, o'yin o'ynaydi, ijtimoiy tarmoqda vaqtini o'tkazadi - o'zini chalg'itadi.

Inhani tashaganimda, Polshaga ko'chganimda, ishdan haydalganimda menda ham shunday bo'lgandi. Tabiiy hissiyot.

Bunday paytlar bo'lib turishi kerak. Zerikishingiz kerak. Yangi fikrlar, g'oyalar, maqsadlar ayni shu payt keladi. TikTok buni o'g'irlashiga yo'l qo'ymang.

Zerikib turing.

Ortga 1 Qadam, Oldinga 2 Qadam

Ortga qaytishga ko'pchilik or qiladi. O'zimdan kichiklar bilan o'qimiyman, bu narsalarni "bilaman" deyishadi.

Bilasizmi nega ko'plar matematikani yaxshi bilmaydi? Chunki bilmagan narsasi ortda qolib ketgan. 8-sinf bola 5-sinf kitobini olib o'qiganini ko'rganmisiz?

Universitetdan ketgach, 3 yil o'tib yana qaytdim. Boshida 8-sinf bolaga 5-sinf kitobini berib qo'ygandek tuyuldi. Ko'p narsani anglab o'qidim. Boshqacha bo'larkan.

Dasturlash ham matematikadek. Bilimlar bilimlar ustiga quriladi. Fundament yaxshi bo'lmasa, baland bino qurib bo'lmaydi.

Bizda hammani narsani "yoshi" belgilangan. Universitet yoshi, uylanish yoshi, ishlash yoshi. Shuning uchun bu fikrlash bilan "ortga qaytish" deb atayapman.

Hech narsaning erta kechi yo'q. Bog'chada yaxshi o'qimaganman demasangiz bo'ldi.

This is fine

Yaqin kunlarda @qirikki loyihasiga start beramiz, tayyor turing!

1-sentabrgacha ulgurishga harakat qilyapmiz — an’anaga tayangan holda.

Marshmellow Testi 🍬

Bolaga hoziroq bitta yoki ertaga ikki konfet beraman deb taklif qilib ko’ring.

Ko’pchiligi hoziroq bitta olishni xohlaydi. Ertaga ikkita olishni abzal ko’rganlaridan esa, ishbilarmon tadbirkorlar chiqadi.

Bu voqeadan bir oy o’tib, PDP Python bo’yicha dars o’tish taklifi bilan chiqdi. 2 xil taklif: 50/50 foydani bo’lish yoki bir martalik to’lov. Foydani bo’lishishga kelishib kursni chiqardik.

Boshida hech qancha sotilmadi. Biroz vaqt o’tib PDP kursni to’liq sotib olish uchun taklif berdi, rozi bo’lmadim. Keyin platforma xarajatlari, marketing, ishchilarga maosh va shunga o’xshash sabablar keltirdi - rozi bo’ldim. Modulni 1.5k ga baholab sotib yubordim.

Bir yil o’tmasdan 1000dan ortiq talaba sotib olibdi, yana ancha qimmat narxga. Hozir qancha talaba olgan bila olmayman. Lekin kimni ko’rsam sizning o’quvchingizman deydi.

Konfetni esa o’sha kuni yebo’lgandim.

Qachondir "why I left Amazon" degan video tayyorlasam kerak 😮‍💨 (hali ketmadim)

Shopen aeroporti, Varshava

Daryo uzunligini boshidan oxirigacha bo’lgan masofasiga nisbati ~Pi (3.14)ga teng.

Myunxin, Germaniya
(ps. fotograf kamina)