Googleda odatiy kun

https://t.me/fikrlog/1643

2023-yilda yozgan maqolalarim

Yanvar:
⁃ O’sish Siri
⁃ Nega O'zbek Tilida Yozaman
⁃ Bu men uchun yangi ish

Mart:
⁃ Mikrofon Ushlashni Bilasizmi?
⁃ Birinchi Biznesim

Aprel:
⁃ Kanareyka Hikoyasi
⁃ Kasal bo'lmang.
⁃ Toshkeniston

May:
⁃ Lotereya - Yolg'on Umid
⁃ Iste’molchi Miyya
⁃ Teskari Qonun
⁃ 10 yil Oldingi Rejalarim
⁃ Odamlar Nima Deydi
⁃ Internetning "yaxshi" insonlari

Iyul:
⁃ Qayerdansiz?

August:
⁃ 1-Avgust Esingizdami?
⁃ Muvaffaqqiyatni Kechiktiring
⁃ Ko’p Ishlilik
⁃ Tayanch (Leverage)
⁃ Zerikish Foydasi
⁃ Ortga 1 Qadam, Oldinga 2 Qadam
⁃ Marshmellow Testi 🍬

Sentabr:
⁃ Amazonda 365 kun
⁃ Yuguring!
⁃ O’zgalarga Solishtirmang!
⁃ Shofir bilimi (yodlangan bilim)
⁃ Google'dan Offer Oldim

Oktabr - Dekabr:
⁃ Dasturchidek Fikrlang.
⁃ Komediya ko'rib yig'laganmisiz?
⁃ So’zdan so’zning farqi bor
⁃ Raqamli Gigiena
⁃ G’oyalarni Ulashing

Kecha kechgi payt Vitamin D sotib olgandim, bugun quyosh chiqib turibdi… 🤷‍♂️

Qadoqlangan qurutni o’zingiz bilan olib yurish xavfsiz ✅

Kontekst: t.me/fikrlog/1477

Ulg’ayish haqida

Yosh bilan odam ulg’ayadida deb qo’yamiz. Faqat tanagina yosh bilan ulg’ayadi, miyya rivojlanishi esa qanchadir vaqtdan keyin yoshga bog’liq bo’lmay qoladi.

Ota-onasi puli bilan o’qishga keyin ishga kirib, uylantirib qo’yilgan 30 yoshli inson bilan 10 yoshida otasi Rossiyada bo’lganligi uchun oilasiga o’zi g’amxorlik qilayotgan yigitni qanday taqqoslaysiz, aslida kim ko’proq ulg’aygan?

O’zbekiston shunaqa joy, u yerda 30 yoshli bolalar va 10 yoshli erkaklarni uchratishingiz mumkin.

Ulg’ayish masuliyat bilan keladi. Masuliyatsiz insonlar huddi bolalardek, necha yosh bo’lsa ham.

Eng xavfli inson - dam olmagan inson

Deyarli har kuni kimdur Toshkent-Surxondaryo yo'lida avtohalokat tufayli bu dunyodan ko'z yumadi.

Yoshligimda sportchilar ketayotgan avtobus jarlikdan og'anab ketganligi, sevib musiqalarini eshitadigan "Bojalar" guruhi a'zosi Mo‘min Oripov ham Surxondaryodan qaytishda yo'lda avtohalokatda vafot etganligi tasodif emas. O'zim ham Surxondaryoga bormaganimga 5 yil to'ldi, hozir ham borishga xavfsirab turaman.

12 soatlik yo'l. Hech kim 6 soatdan 2ga bo'lib, biroz dam olib yetib borishni istamaydi. 2 soat ertaroq yetib borishni hayotidan ustun ko'radi - 10 kishi hayoti ustidan (ko'p hollarda 2 ta mashina to'qnashadi). Uxlamasdan ishga chiqqan dispetcherlar samolyotlarni qulatadi, dam olmagan haydovchilar ko'plar hayotiga zomin bo'ladi.

Dasturchilar ham dam olishi kerak. Ular dam olmaganda pul topish uyoqda tursin, milliardlar yo'qotiladi. Kechqurun soat 3da hamkasbim serverdagi xatolikni tuzataman deb 5 yillik fayl, ma'lumotlarini o'chirib yuborgandi. Agar texnik direktorimiz Farhod aka versiyalashni yoqib qo'ymaganlarida, biz bilgan Super Dispatch kompaniyasi hozir bo'lmasdi.

24/7 ishlashingizni istayotgan ish beruvchilardan uzoqroq yuring. Vaqtingiz uchun emas, qobiliyatlaringiz uchun ishga olsin.

milliardlar yo'qotiladi

Bilmasdan tosh otib qo'ydim shekilli...

Toshkent Xalqaro Aeroporti

Shu aeroportimizni kasalxonaga o’xshataman. U yerdan yaqinlaringizni xursand kutib olasiz yoki yig’lab xayrlashasiz. O’rtasi yo’q.

Yetmaganiga kutuvchilarni ichkariga kirgazishmaydi — qishning qahraton sovug’ida ham, yozning chilla issig’ida ham. Nega shunaqa ekan-a?

4 yil ilgari men ham shu aeroportdan oilam bilan xayrlashib, 2 yil deganda qayta ko’rishgandim. Yo’l uzoq, narxlar qimmat edi.

Kuni kecha Varshava — Toshkent reyslari qo’yilganligi va narxlar arzonligini ko’rib xursand bo’ldik ($200).

Polshalik hamkasblarim O’zbekistonni ko’rgani borishga tayyorgarlik ko’rib turishibdi. O’zimiznikilar ham Yevropaga sayohat qilishlari hamda xorijdagi farzandlari oldiga borib-kelib turishini oson qildi.

2024-yil uchun sayohat rejalarini tuzavering #keloorasla

2023-yilda stolimdagi o’zgarishlar:
- yorug’roq xona 💡
- mexanik klaviatura ⌨️
- qo’shimcha monitor 🖥️

32” 4K monitor Google’dan tuhfa bo’ldi, klaviatura esa do’stimdan

🎯 Keyingi 48 hafta uchun reja

Nega sayohat qilish oldidan “e’lon” qilaman?

Maqtanish uchun deb o’ylasangiz, adashasiz.

Xorijdagi do’stlarim, do’stlarimning do’stlari va ularning do’stlari bilan uchrashish imkoni bo’ladi. Ularning davlat/shahar haqidagi fikrlari, hikoyalarini eshitaman — ko’proq o’rganaman.

1-2 yilda Varshavadan ko’chaman. Qaysi shaharga ko’chishni hali ham qaror qilib bo’lmadim. O’rganishda davom etamiz.