Toshkent Xalqaro Aeroporti

Shu aeroportimizni kasalxonaga o’xshataman. U yerdan yaqinlaringizni xursand kutib olasiz yoki yig’lab xayrlashasiz. O’rtasi yo’q.

Yetmaganiga kutuvchilarni ichkariga kirgazishmaydi — qishning qahraton sovug’ida ham, yozning chilla issig’ida ham. Nega shunaqa ekan-a?

4 yil ilgari men ham shu aeroportdan oilam bilan xayrlashib, 2 yil deganda qayta ko’rishgandim. Yo’l uzoq, narxlar qimmat edi.

Kuni kecha Varshava — Toshkent reyslari qo’yilganligi va narxlar arzonligini ko’rib xursand bo’ldik ($200).

Polshalik hamkasblarim O’zbekistonni ko’rgani borishga tayyorgarlik ko’rib turishibdi. O’zimiznikilar ham Yevropaga sayohat qilishlari hamda xorijdagi farzandlari oldiga borib-kelib turishini oson qildi.

2024-yil uchun sayohat rejalarini tuzavering #keloorasla

2023-yilda stolimdagi o’zgarishlar:
- yorug’roq xona 💡
- mexanik klaviatura ⌨️
- qo’shimcha monitor 🖥️

32” 4K monitor Google’dan tuhfa bo’ldi, klaviatura esa do’stimdan

🎯 Keyingi 48 hafta uchun reja

Nega sayohat qilish oldidan “e’lon” qilaman?

Maqtanish uchun deb o’ylasangiz, adashasiz.

Xorijdagi do’stlarim, do’stlarimning do’stlari va ularning do’stlari bilan uchrashish imkoni bo’ladi. Ularning davlat/shahar haqidagi fikrlari, hikoyalarini eshitaman — ko’proq o’rganaman.

1-2 yilda Varshavadan ko’chaman. Qaysi shaharga ko’chishni hali ham qaror qilib bo’lmadim. O’rganishda davom etamiz.

Du-bye!

Dubaydan so'ngi 5 kunda olgan ba'zi taasurotlarim:

1. Dubayga kelib yo kambag'alligingizni tan olasiz yoki axmoqligingizni isbotlaysiz. Narxlar binolaridek baland.

2. Londonga qaytgandek bo'ldim, bunga tarixiy va siyosiy sabablar bor ekan (Britaniya mustamlakasi bo'lgan).

3. Tinch va xavfsiz*: katta va ko'p millatli shahar uchun juda noyob fazilat. O'g'irlik darajasi: 0.

4. Texnika arzon, 42 uchun iPad oldim.

5. Qishda Yoz topdim.

Bonus: Metrosi Toshkentni eslatadi.

80/20 Qoidasi (Pareto Prinsipi)

Oddiy prinsip:

80% natija 20% harakat bilan erishiladi.

Ishni boshlab olish qiyin. Ammo boshlashdan ham uni yakunlash qiyinroq.

Yaponlarda qiziq maqol bor:

Ishni 95% yakunlagan bo'lsang, demak uni endi yarmiga kelibsan

Shaxsiy blogim 80% tayyor
Dasturchi hikoyasi 80% tayyor
42.uz express kursi 80% tayyor
Faang tayyorgarligim 80% tayyor
Universitetdagi tezisim 80% tayyor

Ular 100% tayyor bo'lishini kutganimda, 5x vaqt sarflagan yoki ulardan faqat bittasini qilgan bo'lardim.

Hozir ham maqolani tugallashim ko'proq vaqt olyapti. 80% holatida chop qilib qo'ya qolaman. Agar nima demoqchiligimni 80% tushungan bo'lsangiz, shuni o'zi kifoya.

20/80 Qoidasi (Pareto Prinsipi)

Qolgan 20% natija 80% harakat bilan keladi.

(=4 marta ko'proq mehnat bilan)

Ko'pchilik shu 20% uchun kurashadi. Yutish siri ham shunda – ozgina yaxshiroq bo'lish (marginally better).

Yaxshiroq dasturchi bo'lish uchun quyidagilar bilan qancha shug'ullansangiz shuncha kam:
- Mantiqiy fikrlash
- Effektiv muloqot qilish
- Yaratuvchanlik ko'nikmasi

Qolgan 20% o'sish uchun 4 karra ko'proq mehnat qilishga arziydi. Sohada o'rtacha bo'lish foydasiz bo'lib qoldi.

Global iqtisodiyot eng yaxshilarni ko'taradi – 1% yaxshiroq yechimni 100 karra ko'proq mukofotlaydi.

Davr shunaqa – mahallani programmisti degan narsa yo'q endi (4 marta qattiqroq ishlang).