Uyda server ko'tarishning yomon tarafi – u sayohat qilganingizda o'chib qoladi.

Nega uyda server ko'tarishga to'g'ri keldi?
Axir bulut borku ☁️, yetmaganiga Google Cloudda ishlasam. G'alatimasmi?

Cloud42 loyihasini AWS yoki Google Cloudda yuritganimizda hozirgi yuklanishni ko'tarish uchun oyiga $744.45 to'lagan bo'lardik, atiga 32GB tezkor xotira va 32ta CPU uchun 🤷‍♂️

Shunda yechim sifatida anchadan beri ishlatmayotgan yuqori parametrli kompyuterimni jprq orqali serverga aylantirib, unda Cloud42'ni yuritishni boshlagandim. Muhimi Varshavada internet/svet o'chib qolmaydi.

Bugungacha yaxshi ishlab turgandi, nima jin urdi – o'chib qoldi. Merfi qonuni – "Anything can go wrong, will go wrong". Server ham shu sayohatga chiqishimni kutgan.

Bunday bo'lishi mumkinligini kutgandim, Google Cloudda uni replikasini yasab, muzlatib qo'ygandim. Hozir uni yuritib qo'ydim – 3 kunda bankrot bo'lmaymiz deb umid qilaman.

Singapurga bo’lgan sayohat nihoyasiga yetdi. Homiylik uchun Google’ga rahmat.

Sayohatdan olgan taasurotlarim:

1. Singapur emas, Singarich

2. Okean suvi sho’r, juda sho’r

3. Baland binolari ko’p, daraxtlari undan ko’proq

4. Singapurdan Istanbulgacha samaloyotda 11 soat, 35 daqiqa

5. Borish kelish uchun umimiy 30 soat osmonda o’tkazyapman. Arzidi.

Ruhiy To'siq (Mental Barrier)

Hozir @fikrlog ni ochib, nimadir yozaman deyman. Shundoq kamerani tayyorlab, video olaman deyman. Loyihani ochib, kod yozaman deyman. Ammo...

Nega shunchaki qila olmaymiz? Miyyamizda qanday to'siqlar bor?

Menimcha eng katta to'siq – o'zimizga aytadigan yolg'on:

Keyinroq "zo'r" qilaman.

Kelajak haqida o'ylash – fantaziya qilish degani. Kelajakda hamma narsa ideal, hamma narsa zo'r. Ammo hozir bu – reallik, hech qachon ideal emas, har doim kamchiliklari bor. Ularga rozi bo'lishimiz kerak.

Eng yaxshi vaqtni kutmang.
Eng yaxshi vaqt o'tgan yili edi.
Keyingi eng yaxshi vaqt esa – hozir.

Ingliz tilidan 3 oldim.

3 soat sarflab olingan 3, 5 oy sarflab olingan 5dan yaxshiroq ©️

Bejizga @lazyprogrammer emasman ☕️

O', G' va Tutuq belgisi 🤢

@qirikki dagi Express UX kursida 400dan ortiq sahifa, 200dan ortiq rasm va videolar bor. Hammasi Notionda. Har birini qo'lda 42ga kiritib chiqish juda ko'p vaqtimizni olardi, baxtga ko'ra dasturlashni bilamiz.

Ammo katta bir muammoga duch keldik. ~10% holatda yozgan kodimiz ishlagisi kelmadi. Maxsus belgilar mavjudligi tufayli. utf-8 ham, unicode ham yordam bermadi. Nega deysizmi? Chunki belgilar fayl nomlarida edi.

Notion har gal ' belgisi o'rniga ’ yozib ketarkan. Oddiygina ’ oldida Bash ham, Python ham ojizlik qildi.

Dasturlashda shunaqa ikir-chikirlar ko'p. Oddiy odam uchun ' va ’ farqi yo'q. Dasturchi esa 6 soat sochini tortib, muammoni izlaydi. 4 soatda qo'lda kiritib qo'ygan bo'lardik, ammo endi keyingi kurslar uchun bu jarayon 1 soniya oladi xolos.

O', G', Ch, Sh muammosi

Faraz qiling siz sinf jurnali uchun maktab o'quvchilari ismlarini tartiblayapsiz. Tartiblash haqida video ham tayyorlgandim.

Aytaylik, Charos ismi Doniyor, Eldor ismlaridan yuqorida chiqib qolyapti. Nega? Chunki siz tartibashda ingliz alifbosidan foydalanyapsiz. C harfi D dan oldin keladi. O'zbek tili alifbosida esa Ch eng oxirigi harflardan.

Afsuski dasturlash tillarida “O'zbek alifbosidan foydalan” deya olmaymiz. Qonuniyatni o'zimiz yozishimizga to'g'ri keladi.

Bu muammo haqida avvalroq o'ylab ko'rgandim va bir kuni shu savolni Bloomberg'da texnik suhbatdan o'tayotganimda berib qolishdi. Albatta, undan keyin Bloomberg ishga taklif bergandi.

Shu masalani axiri Leetcode'dan izlab topdim - masala "o'zga sayyoraliklar alifbosi" deb nomlangan ekan 🥲

G’oya kelib qoldi.

O’ylab qarasam so’ngi 6 yil davomida qatnashgan barcha texnik suhbatlardagi savollar esimda ekan, hatto bergan javoblarim ham.

Facebook, Amazon, Google, Bloomberg, Yandex, Toptal, Super Dispatch, Workly...

Ularni youtube.com/@azim da ulashaman. Obuna bo’lib qo’ying

Shu oy universitetni bitirib olgach ✊