Ustizdan sovuq suv quygandek bo'ladi

Esingizda bo'lsa olcha hikoyasi haqida aytib bergan edim.

Yana bir voqea esimga tushdi: 8-sinfdaligimda maktabimizdan faol o'quvchilarni, xususan meni ham, Chilonzor hokimiyatidagi Kamolot tashkilotiga taklif qilishgan. Boshqa maktablardan ham bir qancha o'quvchilar kelgandi – yakshanba kuni.

Qo'limizga yuzlab flayer berib, odamlar gavjum joyga borib tarqatasizlar deyishgan. Ko'pchilik uyiga qaytib ketgan, men esa guruh bilan avtobusda ippodromga yo'l olganman.

Flayer tarqatishni nimasi qiyin, baribir tashlab yuborishadi - bir yo'la o'zimiz tashlab yuborsak bo'ladiku. Yo'q, flayer berish oldidan sharti bor edi. Har bir notanishga "ustozingizga qo'ng'iroq qilib, flayerdagi tabrikni ayting" deyish sharti. Juda kam insonlar qo'ng'iroq qilish buyoqda tursin, biz bilan gaplashgan.

Bugun 42da kurs olgan, ammo dars qilmaganlarga yozib, qo'ng'iroq qilib muammo nimadaligini so'rayapmiz. Tadqiqotda boshqa kattaroq muammo topdik deb o'ylayman - sotsiofobiya.

Sotsiofobiya - haqiqatdan ham bor bo’lgan potensialini namoyish etishdan cheklab qo’yuvchi ruhiy buzulish

Yuqoridagi postdagi vaziyatda menda yana oldingidek ustimdan sovuq suv quygandek tuyildi. Qiyin bo'lsada bu ishni qilishim kerak edi.

Chiniqing.

Jabrdiydalik mentaliteti (Victim mentality)

Hammamiz ham qiyinchilik ko'rganmiz, kammi ko'pmi. Ularni eslaganda o'zimizni jabrdida yoki qaxramon qilib eslaymiz. O'rtasi yo'q.

Jabrdiydalik mentalitetidagi insonlarni topish oson: ular har doim kimdur/nimadurni ayblashadi, nolishadi.

Hayotingiz ham bir hikoya. Nolib hikoyada o'zingizni jabrdiydaga aylantirasiz. Qahramon bo'lish uchun esa to'siqlardan o'ting, hech kimni ayblamang.

Hayotda qiyin vaziyatlar ko'p bo'ladi. Ularni kulib yoki nolib eslashingiz mumkin.
Masalan menda:
- Ko'chada flayer tarqatganman notanish insonlar bilan gaplashishni o'rganganman.
- Universitetda o'qishga sponsorim bo'lmagan kasb-hunar o'rganib, kechroq xorijga o'qishga borganman.
- Pulim bo'lmagan ingliz tili va dasturlashni mustaqil bepul o'rganganman.

Noling Qaxramonligingizni isbotlang.

Do’stlar,

Shuni mamnuniyat bilan aytamanki, mening 4 yil Polshadagi musofirchikda o’tkazgan vaqtim besamar ketmadi:

- Bugun universitetni bitirdim, 5ga (with honours).

Universitetni bitirganligim menga boshlagan ishimni tugata olishimga mustahkam ishonch berdi, diplom ham.

2017-yilda o’qishni Toshkentdagi Inha universitetida boshlaganman. Afsuski moliyaviy va boshqa sabablarga ko’ra o’qishdan ketdim. Oson qaror bo’lmagan.

2018-yil o’qish uchun Rossiyaga yo’l olgandim. Taqdir qilmagan ekan, universitetidan yiqilib, O’zbekistonga qaytgandim. Qaytib kelib birinchi NewMaxda, keyinroq SuperDispatchda ish boshladim.

2019-yil Polshaga o’qishga topshirib kelmoqchi bo’lganimda viza jarayoni cho’zilib, kechroq chiqib, universitet o’qishdan chetlatdi.

2020-yil qayta topshirib, Varshava Texnologiyalar Universitetiga kelgandim. Pandemiya boshlanib qolib, o’qish ham qolib ketgandi, WUT noto’g’ri tanlov bo’lgan ekan.

Axiri, Polsha-Yaponiya IT akademiyasiga kirib, jprq bo’lmasdan bir joyda tahsil olib, o’sib, rivojlanib, miyyani bir joyga qo’yib:
- 2021-yil Facebook
- 2022-yil Amazon
- 2023-yil Google
o’qish paytida ishga taklif oldim.

6.5 yil deganda boshlagan ishimni - universitetni tamomladim ✊

Aytgancha, Googleda ham bayram: 1-mart butun dunyodagi barcha Googlechilar uchun “Global Reset Day” ekan. Mazza qilib dam dars olamiz.

Hamkasbim rasm yubordi, uzoqdan ko'rib qolgan ekan (2019-yil iyul)

Ertalab ish boshlashdan oldin Hamid Olimjon metro yaqinidagi favvora yonida 10 daqiqa turib, o'y-hayollarimni bir joyga jamlashga, uzoqroqqa qarashga, rejalar tuzishga harakat qilardim.

9dan 5gacha ishlash orzular, maqsadlaringizni esdan chiqaradi. 1 yil ishlab buni yaxshi his qilgandim. Super Dispatchda ham 1 yil ko'z ochib yumguncha o'tib ketgandi. Nimadir qilmasam hech narsa o’zgarmasligini bilardim.

Qulay muhitga o’rganib qolish oson. Ertalab issiqina o’rinda yotaverish oson bo’lgani kabi. Ammo sovuq suv sizni uyg’otadi, qiynasa ham.

Uyg’oning

🌙️️️️

Googleda TL (tech lead) bilan suhbat

TL: o’tgan hafta atiga 1ta CL (o’zgarish) qilibsan
Men: Uzur janob

TL: bu jamoamizning 100% natijasi
Men: Rahmat janob

TL: haftada 1ta CL juda kam
Men: Uzur janob

TL: Ammo sen yuborgan o’sha CL katta hissa qo’shdi
Men: Rahmat janob

(Janob ism o’rniga ishlatildi)

IQ level 150

Natural Habitat

Google ofisiga ko’p guruh-guruh mehmonlar keladi. Bizni kuzatib o’tib ketishadi. Zoparkdagidek.

Shuni printerdan chiqarib osib qo’ydim. Ana edni men ularni o’qib-kulishlarini kuzataman. Tables have turned.

Nom bering.

Loyiha qurish, unga nom berishdan boshlanadi. Siz ham loyihasiz: ota-onangizning loyihasisiz - tug’ilganingizda nom berishgan, vaqt ajratishgan, mehr berishgan.

Nom berganda uni qanday eshitilishiga ahamiyat bering. Loyihalar nomiga mos bo’ladi.

Bir do’stimiz 2017-yil Payme kabi kartadan kartaga pul o’tkazish uchun loyiha boshlagandi. Loyiha boshida “Secure Pass” keyin qisqarib “SPass” bo’ldi - O’zbek tilida “Espas” deb o’qila boshladi. Shu nom bilan $100k investitsiya olgandi. Nomiga mos bo’lib, espaslik ham qilindi - pullarni hammasi hindistonlik sohta dasturchilarga sovirildi.

Jprq loyihasi ham hazilomus nomlarga misol. Ammo uni faqat dasturchilar ishlatganligi uchun bu nom yarashgan nazarimda. Nomiga mos bo’lib, loyihadan ko’p jprqlar foydalandi.

42 loyihasi nomlanishi ham qiziq bo’lgan. Ilgari esingizda bo’lsa “Azimjon Academy” nomi bilan loyiha qilgandim. Nom faqat menga bo’glanib qolganligi va juda uzunligi tufayli uni qisqarib:
- “AZ” -> “4Z” -> “42” (logotipda yaxshiroq ko’rinadi).

Nom berdingizmi? Endi mehr bering.