To’xtang, nima uchun o’qiysiz?
Nima uchun talaba bo’lgansiz?

❌ Mardikor bo’lmaslik uchun, odamday yashash uchun o’qiyapmiz.

✅ Biz shu millat uchun o’qiyapmiz. Uning taraqqiyoti uchun, ertasi uchun o’qiyapmiz va uning uchun o’lyapmiz.

https://www.youtube.com/watch?v=PYNopQErSuQ

Google’dagi O’zbek hamkasblarim ko’payib borayotganligidan xursandman.

Ular 5 yilda 1000ta bo’ladi deb qo’ygandim - 2 yil oldin. Hozir Googleda yurtdoshlardan atiga 27 kishi bor, yolg’onchi bo’lib qolmay - yordam qilinglar.

Bugun Javohir Google’dan yozda amaliyot o’tish uchun taklif oldi. Shvetsariyaga. Bu boshqa Javohir - o’tgan kungi va o’tgan yilgi boshqa, 1 yilda 3-si bilganlarimdan.

2 yil avval Javohir Varshavaga o’qishga kelgandi, o’qish qiyin PJAIT ga. Ham o’qib, ham ishlab ham bir paytda bilim ulashib keldi. Dasturlash bo’yicha ish chiqmaganida, o’qishni davom ettirish uchun boshqa ishlar ham qildi. Ammo chekinmadi.

Qiyinchilikdan keyin albatta osonlik keladi.
Ishoning.

2 yil deganda bugun YouTube kanalim foydaga kirdi.

Chiroqni sotdim 💡

Soat ertalab 2:22

Kecha ertalab 11:15da bir qumursqa (bug) ortidan tushgandim. Tushlik qilishni ham unutib, muammo nimadaligini qidirib 14 soat sarflabman (8+ soat).

Muammo nimadaligini topdim. Qizig’i bu vazifa meniki emas. Googledagi bir hamkasbim yordam so’ragandi.

Dasturlashni tashlab, fermerlikka o’tsammi deb turgandim.

Yechim topdim. Mazzaa!

Chiziqdan chiqma!

Nega? Chizib qo’yilganku.

Nega? Chunki bu qoida, amal qil.

Nega? Chunki ilgari kalamushlar yozmalarni kemirganda aynan shuncha qismi o’qishga yaroqsiz bo’lib qolgan. Bu chiziq uni oldini olish uchun o’ylab topilgan.

- Uyimda kalamush boqmayman, chiziqdan chiqaman.
- Mana, Ona tilidan 3 baho.

Chiziqdan yana chiq, ko’rasan nima bo’lishini.

Oq tun, Varshava

Soat kechgi 8 — hali ham kun yorug’.
1-2 oyda kechgi 9-10da ham yorug’ bo’lib turadi.

Qishda esa buni aksi — kunduzi soat 3 bo’lmasidan qorong’u tushadi.

Videoni Meta ko’zoynaklarida 🤓 oldim.

Googledagi hamkasbim shirinlik pishirib kelibdi. Ustidagi rasm haqiqiy san’at asari.

Gilos Tanlash | “Cherry Picking”

Haqiqatni aytib aldash usuli.

Ingliz tilida qiziq ibora bor. Bu ibora huddi gilosni birma-bir tanlash kabi, istalgan narsani foyda ko’zlab tanlash o’rnida qo’llaniladi.

Misol uchun, o’quv markazlari IELTSdan yagona 8 olgan o’quvchisi ko’rsatib, 5000ta 5 olgan o’quvchilarini yashiradi.

IT o’quv markazlari minglab talabalari orasidan qisqa vaqtda ishga kirgan 2 kishini ko’rsatib, sizda yolg’on tasavvur uyg’otadi.

Bugun ma’lumotdan ko’p narsa yo’q. Istalgan narsa haqida faqat yaxshi yoki yomon ma’lumot yig’ib, video, post tayyorlab qarashingizni o’zgartirish mumkin.

Savatga boqing - bitta gilos yaxshiligini ko’rib butun savatni ham shunday ekan deb o’ylamang.