Bugun Google da birinchi suhbatimni olaman.

Suhbat oluvchi tarafda bo'lish ham qiziq, ham mashaqqatlarga boy. Ilgari ham ko'p suhbatlar olganman. 2 yil ilgari xulosalarimni ushbu maqolada yozgandim:

https://azimjon.com/100ta-intervyu-nima-orgatdi

Yaqinda Varshavaga kelgan Vohid aka aytyapdilar:

Bakalavr diplomisiz Googlega job offer olsa bo’ladimi?

- Teoriyada ha bo’ladi.
- Praktikada esa bunday xolatlarni ko’rmaganman.

Google'ga va Amazon'ga diplomsiz ishga offer olgan men:

Balki men ko'rinmasdirman

Avtomatlashtiring

Hech qachon qo'lda 6 daqiqa qilish mumkin bo'lgan ishni qo'lda qilmang.

O'rniga 5 soat sarflab, uni avtomatlashtirish uchun kod yozing.

Masalan: https://t.me/fikrlog/s/22

📅 Uzoq Kutilgan Uzoq Stream

⏰ Ertaga - yakshanba, soat kunduzgi 12:00dan kechgi 12:00 ga qadar 12 soatli stream bo’lib o’tadi.

⁉️ Stream davomida algoritmik masalalar, loyiha yaratish va savol-javoblar bo’lib o’tadi.

📍 Manzil: youtube.com/@azim

Nega yutmayapti?

Grin karta o’ynadi, omad shouni o’ynadi. Jesko-yu peskolarni yedi. Hamma testga Bni belgilab chiqdi. Xbet cho’ntagini qurutdi.

Nega yutmayapti?

Chunki qatnashuvchilar ko’p - o’ta ko’p. Millionlar bilan omadni sinayapti.

Atrofda boshqa lottareyalar ham bor, yaxshilab qarang.

Birinchi ish topish ham lottareya, Google’ga kirish ham lottareya, Startup qilish ham lottareya.

Muhimi bu lottareylarda yutish-yutmaslik o’z qo’lingizda.

Hakatonga keldim. 40-50 kishi, 10tacha guruh bor. Yutuq butun jamoa uchun Singapurga bepul sayohat va uyerda final yutuq 180 ming AQSh dollari. Yutushingiz ehtimolligi 10%. Nega uyerga borib lottareya o’ynamaymiz?

Varshavada IT sohasida o’qiyotgan yoki ishlayotgan hamyurtlarimiz uchun guruh yatatgandik. U yerda shunga o’xshash imkoniyatlar bilan bo’lishib turamiz - 80 kishidan ortiq a’zolari bor. Afsuski shu guruhdan qariib 1 kishi ham kelmadi.

Kamroq qatnashuvchilari bor lottareyalarda qatnashing, yutishingiz ehtimolligi yuqoriroq bo’ladi.

Yutish o’zingiz qo’lingizda bo’lgan lottareyalarda qatnashing, harakatda bo’lasiz.

Hayit ayyomingiz muborak 🌙

YouTube kanalimni 10 ming kishi kuzata boshladi.

@Fikrlog hamda Linkedin'da 8 ming, @LazyProgrammer da esa 7 ming kishi, 42.uz da 6 ming foydalanuvchi.

30 kishi oldiga chiqib bir she'r aytishni o'zi qancha qiyin. Endi 10 ming kishiga nimadir deyishni o'ylayvering. Tasavvur qilishni o'zi qiyin.

Yozish fikrlashni charxlaydi. Fikrni g'oyaga, g'oyani amalga aylantiradi. Ulashsangiz, ergashadiganlar bo'ladi.

Yaxshilik uchun yozing, yarating, ulashing.

Demak Re'ja Bunday.

Keyingi 12 soat ichida https://tirikchilik.uz/azim sahifasida donatlar qabul qilamiz. (Tushgan barcha pulni + o'zimdan yana shuncha qo'shib) keyin uni Google orqali https://www.palestinercs.org/en ga donate qilamiz.

Demak 100 so'm yuborsangiz, men o'zimdan 100 qo'shib Google'ga, Google unga 200 so'm qo'shib Benevityga, Benevity esa 400 so'mni palestinercs.org tashkilotiga yuboradi va bu tashkilot Falastinga yordam sifatida tibbiy yordam va oziq-ovqat yuboradi, InshaAlloh.

Sarhisob.

12 soatda 660 kishidan 21 960 964,25 UZS pul yig’ildi.

O’zimdan yana shuncha qo’shib, palestinercs.org ga yuborish uchun Google’ning ichki tizimidan yuborib qo’ydim.

Ma’lumot uchun, Google’da ishlaydigan 4100 kishi hozirgacha palestinercs.org ga 2.7 million AQSh dollari donat qilgan va Google har bir ishchisi uchun 10 ming AQSh dollarigacha match qiladi - o’zidan shuncha qo’shadi.

Hisoblash va yuborishdan lavlahar:
- t.me/fikrlog/s/24
- t.me/fikrlog/s/25

Tilimiz Qadriyatlarimizni Ko'rsatadi 

Britaniyada juda ko'p yomg'ir yog'adi. Natijada ingliz tilida "yomg'ir yog'ayapti" deb 107 xil usulda aytish mumkin.

So'zlarni og'irligi bor - ularni kimdirni tasvirlashda ishlatsak ularni maqtayotgan yoki kamsitayotgandek tuyuladi, yetmaganiga bu so'zlar ruscha.

Masalan, kimdir navbatni buzib o'tib, ishini tezda hal qilsa uni - shustri (epchil - ijobiy) deymiz. Yoki kimdir kamroq pul sarflasa uni jmot (qurumsoq - salbiy) deymiz. Tejamkor degan so'zimiz bo'lsada, uni hech qachon eshitmaysiz - eslab ko'ring qachon kim uchun ishlatdingiz.

Bolalikdan bizni tasvirlashda ishlatalidigan so'zlar bizni hayot davomida kim bo'lishimizni belgilaydi. Oddiy shunaqa so'zlarimiz tufayli ko'p katta xarajatlari bilan maqtanadigan maqtanchoqlar, mansabidan foydalanayotgan o'g'ri-shustrilar paydo bo'ladi. Moliyaviy savodxonlik dam oladi tilimiz oldida.

Ko'proq tillar o'rganing, firklashingiz kengayadi.

Ingliz tilida “vijdon” so’zi yo’q.

“Conscience” ya’ni tahminan “ong” deb tarjima qilinadi.

Bizda shu so’z borligidan xursandman. Shu so’zni ham “ruscha” qilib yubormasak bo’ldi.

Ha aytgancha, yaqin orada Google mahsulotlari O’zbekcha o’qishni va eshitishni boshlaydi. Biz yoshlar bilgandik, kutgandik mana shunday o’zgarishlar bo’lishini.

Muammo Ko'p Narsani Xohlashimizda

Sog' odamning xohishlari ko'p, bemorning istagi esa yagona. So'glom bo'lsangiz, qorning to'q bo'lsa va yashashga joyingiz bo'lsa, demak sizning ham orzularingiz ko'p.

Ammo... ko'p orzu qilish eski orzularni unutilishga oboradi. Instagramga kirib, har kuni 1 xovuch orzular yig'ib chiqib, kechagilarini unutasiz. Ertaga kirib bugunlarini unutamiz. Orzularni ichkiyimdek almashtiramiz. Orzular orzuligicha qolib ketaveradi.

Orzu o'g'rilarimiz. Kimdir nimagadir erishsa, o'sha narsa orzuyimizga aylanadi. Boks, shaxmat, futbol hammasi bir orzu bo'lib ko'tariladi-yu keyin darrov natija ko'rinmagach tashlab yuboriladi. Dasturlashda ham shunday. Endi dasturlashni boshlaganlar, men hali Googleda ishlayman deb boshlab, 3 oydan keyin orzusini esidan chiqaradi.

Orzu qilmang - natijani fantaziya qilib, matvatsaga ishonib ish boshlamang. Qiyinchilik tanlang. Ertami-kechmi qiynalasiz. Qiynalmayapsizmi? Demak keyinroqqa surib yuribsiz. Qiyinchilikni tanlang, kamroq xohlaysiz.

Kamroq xohlang.

Ko'proq xohlang [kuchliroq ma'nosida]

Xohish insonning eng muhim hissiyotlaridan biri. Miyya xohlaganida ko'proq dofamin oladi, xohlagan narsani qo'lga kiritganidan ko'ra. G'alatiya?

Endi faraz qiling: hech narsani xohlamaysiz - na o'rningizdan turishni, na borib bir ish qilishni. Dam olib ham hech qanday zavq olmayapsiz. Unda Jahongir akaning "Nega men yalqovman" maqolasi yordam berishi mumkin. U ham yordam bermasa psixologga uchrashing - yordam so'rash ojizlik emas, yordam so'ray olmaslik ojizlik.

Depressiya degan g'alamis bir kasallik bor. Uni payqash oson - xohish hisi qolmaydi. Afsuski bu mavzuga kelganimizda, shundoq aylanib o'tib ketamiz.

Xullas oddiygina xohishni o'zi ham ne'mat ekanligini, hech narsani xohlamaslik kasallik ekanini anglang. Unday insonlarni uchratsangiz, yordam bering, yordamga yuboring.

Fikrlog tugatilishi

Bugun qiyin bir qarorni qabul qilyapman: @fikrlog da boshqa fikrlar bo'lmaydi, maslahatlar, tavsiyalar ham.

Hazillar, sayohatlar, sarguzashlar va ko'rgan-kechirganlarim haqidagi blog & vloglar bilan ilinib turaman. Keyingi oy "residence permit" (propiska) tayyor bo'ladi, ungacha ham Polsha ichida sayohat qilib turaman.

Fikrlog nomi o'rniga keyinroq yaxshiroq nom topamiz.

Fikrlogdagi fikrlar kamayishi amallar ko'payishiga olib keladi deb umid qilaman:

@qirikki da ko'proq darslar
@lazyprogrammer da "Dasturchi Hikoyasi" davomi, ilmiy va kasbiy bilimlar bilan ulashish.

Yetarlicha fikrladik, turib amal qilamiz.

Fikrlog (2022 - 2024)

2 yil ichida 100ga yaqin maqola va postlar yozdim, foydali bo'ldi degan umiddaman. Bu kamida 100 soat fikrlash, mulohaza qilish va o'zbek tilida "bu so'z nima bo'lardi" deb o'tkazildi.

Fikrlogda o'qigan eng yoqtirgan maqolangizni yoki satrlar bilan bo'lishing.

Boshlab beraman: t.me/fikrlog/1780