Tish oldirganlar uchun eslatma

4 oyda 4ta aql tishlarimni oldirdim — xatolarimni boshqalar takorlamasligi uchun ularni shu yerda qoldiraman.

Tish oldirganda “dry socket” ya’ni “quruq teshik” degan kasallik bor. Oqibatida milk hosil bo’lmay, yarasi bitmay qoladi — og’riq to’xtamaydi, oylab! 😓

“Dry socket” nimadan bo’ladi?
Meni vaziyatimda ko’p tupurishdan bo’ldi.

Qon ekan deb uni tupurib yuborish kerak emas, qon yarani bitishi uchun eng kerakli material.

So’rish asosiy sabab bo’ladi. Tortib tupurish, trubocha orqali yoki butulkadan ichish, chekish, kuchli chayqash va h.k.

Shifokor emasman, ammo na qilay.
Og’riqlar qo’limga tutqazdi qalam.

Aql nima?

Tilimizdagi "aql" so'zi arabcha 'ql" (ر-ق-ل) "bog'lash" so'zidan olingan.

Ammo aql nimani bog'laydi?
5 sezgi a'zolarimizdan kelgan signallarni bog'laydi desak bo'ladimi?
Yoki, aql olgan bilimlarni bir-biriga bog'lab, hayotga tadbiq qiladimi?

Ko'chma ma'nosidan ko'ra haqiqiy ma'nosi haqida o'ylab ko'raylik.
Nega bog'laymiz? Masalan otni boshqarish uchun bog'laymiz.

Aql ham shu bog'lanish kabidir va u nafsga bog'langan.

Nafsni
yo boshqaradi,
yo boshqariladi.

Fikrlashda Nuqsonlar (1-qism)

Fikrlashdagi eng katta nuqson – fikrlamaslik.

Fikrlamasdan qilingan qarorlar – maqtanish uchun, havas uchun, hamma qilgani uchun qilinadi.

Fikrlamaydigan jamiyatda orzular o'xshash bo'ladi.
Hamma bir-biriga qarab ish tutadi, ko'r-ko'rona ko'chiradi.

Hammani o'ziga solishtiradi.
O'zining vaziyatidan kelib ish tutmaydi.

Fikrlang.

Fikrlashda Nuqsonlar (2-qism)

Yana bir nuqson – his bilan fikrlash.

Hissiyotlar qurshovida qolganda, aql ojizlik qilib qoladi. “Sevib” qolganda, qo’lga ko’p pul tushganda, jaxl chiqib g’azablanganda, tushkunlikka tushganda…

Aql bilan ish tutish faqatgina mantiqqa tayanish degani emas, balki hissiyotni jilovlay olish degani hamdir.

EQ > IQ dan muhimroq vaziyatlar ko’p.

Qamoqda o’tirgan ko’p “aqlli” insonlarda aql bilan emas, balki ko’proq hissiyotni boshqarishda muammo bor.

Hissiyotni jilovlang.

Fikrlashda Nuqsonlar (3-qism)

Yana bir nuqson - kechiktirib fikrlash.

Bugun qilaman, ertaga o’ylayman — shiori ostidagi amallar.

Qarz - yirik misol.
Bugun olaman, ertaga to’layman deb fikr yuritish katta bir illat - kambag’allikka obib boruvchi yo’l.

Kelajakdagi o’zingizga sarmoya qoldiring, qarz emas.
Qarz - o’tmishingiz sizga qilishi mumkin bo'lgan xiyonat.

Oldin o’ylang.

Fikrlashda Nuqsonlar (4-qism)

Yana bir nuqson - qisqa muddatli fikrlash.

Bugungi X yuqutni ertangi 2X yutqazishdan ustun qo’yadi.

Erta uchun daraxt ekish? Yo’q - o’rniga bugun kesib daromad qiladi.

Ko’chirib 5 oladi, ilm olmay diplom oladi, tanish bilish bilan ishga kiradi — yolg’on, pora va sabrsizlik.

Qisqa yo’l - qing’ir yo’l.
Hozir yutdi, keyin yutqazdi.

Keyinni o’ylang.

Fikrlashda Nuqsonlar (5-qism)

Yana bir nuqson - kichik fikrlash.

Kichik qarorlarda falajlanib qolgan insondan katta ishlar qilishni kutmang.

Ikir-chikir narsalar ustida bosh qotiradi.
Bugun nima kiysam ekan, nima yesam ekan deb ko’p o’ylanadi — unga juda og’ir.

O’zi haqida ko’p qayg’uradi.
O’zgalar haqida qayg’ursa edi, kattaroq ishlar qilardi…

Men kichkinaman,
Niyatim katta, deb yeng shimaring.

Fikrlashda Nuqsonlar (6-qism)

Yana bir nuqson - ko’p fikrlash.

Ko’p o’ylash shol qiladi — harakatsizlikka olib keladi.

Ko’p o’ylash — tavakkulning aksi.
Natija faqat Robbimizdan ekanligiga iymon keltirgan inson albatta amallariga e’tibor qaratadi, ammo tayanmaydi.

O’xsharmikan deb xavotirda qilgan ishingiz qanday o’xshasin?

Tavakkul qiling.

Fikrlashda Nuqsonlar (7-qism)

Yana bir nuqson - salbiy fikrlash.

Shum o’ylovli inson 2 bor yutqazadi — hayolda, hayotda.

Optimizm — ko’p narsani kutish degani emas, balki kelajakka umid, yaxshi niyat bilan boqish degani.

Yaxshi hayollarda yurgan inson yuziga tabiiyki nurli tabassum yuguradi.

Imkoniyatlaringizga muammo sifatida qaramang.

Yaratganga shukrona ayting.

15 yil avval bir kuni ayamni chuqur o’ylovda ko’rdim.

Men: Aya, nimani o’ylayapsiz?
Ayam: Ijarani o’ylayapman
Men: O’ylamang, bu dunyoda hamma ijarada yashaydi.

Bir kuni uy ham oldik, bu gapimni haligacha eslaydilar.

Fikrlashda Nuqsonlar (8-qism)

Yana bir nuqson - boqimanda fikrlash.

Hamma ham qachondir bola bo’lgan, ya’ni boqilgan.

Ba’zilar bu bolalikni qo’yib yuborgisi kelmaydi - ulg’ayib ham boshqalardan ishlarini qilib berishlarini kutadi.

Kattalardan ruxsat olish kerak deb o’ylaydi - katta bo’lib ham doim o’zgalar fikri bilan qiziqadi.

Imtiyoz izlaydi.
Alohida e’tibor, muomola kutadi.

O’zidan bechora yasaydi.
Boshqalar kelib qutqarishini kutadi.

O’zini o’zi qutqarmaydi.

Fikrlashda Nuqsonlar (9-qism)

Yana bir nuqson - fikrni ko’p o’zgartirish.

Qilaman. Yo’q qimayman.

Qisammikan. Qimasammikan.

<oradan 5 yil o’tdi>

Iee, o’shanda qilishim kerak ekan.

Yechimi oddiy.
Istixora qiling va qiling.

O’xshasa ham xursandsiz,
o’xshamasa ham.

Fikrlashda Nuqsonlar (10-qism)

So’ngi nuqson - fikrga amal qilmaslik.

Fikr qildindi,
ammo amal qilinmadi -
hech narsa o’zgarmadi.

Amal fikrni qiymatli qiladi.

Qo’rqoq aqlli insonlar ko’p, jur’at va jasorat topish qiyinroq.

Bugun 1-noyabr, 2025-yil.
Google va dasturchilikdan ketgan 1-kunim — mustaqillik kunim.

Jur’at qiling.

Toshkentga yetib keldim
Toshkent ham yetib kepti

Aeroportda reysim 2 soatga kechikdi.

Bu vaqtda Jenevada tadqiqotchi olima inson bilan gaplashib qoldim. Elektron sigaretlarni ta'sirini o'rganarkan.

Uzoq muddatda qanday ta’sir ko’rsatishini bilmaymiz, sotuvga chiqqaniga hali 10 yil ham bo’lmadi, 30 yilda aniq bilib olamiz dedi.

30 yil ilgari nima iste’mol qilardik?
Novvot choy, mayiz-u murabbolar, och qoringa - yana sahardan.

Toshkentga kelib, buvimni ko’rgani bordim. Shifoxona oyoqlari yiringlab, kesilgan insonlar bilan to’la - qandli diabet. U insonlarni ko’rsangiz shakardan 100 metr uzoqdan yurar edingiz.

Endi 30 yildan keyingi shifoxonalarni tasavvur qiling.

Boyroq

Tirik ——————- o’likdan
Erkin ————— qaramdan
Sog’lom ———— kasaldan
Qarzsiz ——— qarzdordan
Hunarli ——— hunarsizdan
Beruvchi ——— oluvchidan
Qanoatli —— qanoatsizdan
Iqtisodchi — soviruvchidan

Qobiq.

- Do’stim, nega jimsan
- Nima g’aming bor?
…
- Balg’amim bor

Toshkentga kelganimda balg’am ishlab chiqarish 🚀

Tashqaridan qaraganda qaror ahmoq ko’rinmay, daho bo’la olmaydi.

Odamlar qaroringizni maqullashlarini istasangiz, o’rtacha bo’lishga rozi bo’ling.

Hamma qilayotgan ishlarni qilib, hech kim erishmagan natija kutmang.