🟦🟦🟦

Aziz ustoz va murabbiylar! Hurmatli professor-o‘qituvchilar!

Sizlarni, ta’lim va tarbiya sohasining barcha jonkuyar xodimlari hamda faxriylarini 1-oktabr — O‘qituvchi va murabbiylar kuni bilan chin qalbimdan samimiy muborakbod etaman!

Ustoz — inson hayotida chuqur iz qoldiradigan, uning bilim va dunyoqarashi, ma’naviyati hamda kelajakdagi yo‘lini belgilashga katta hissa qo‘shadigan sharafli kasb egasidir. Ayniqsa, oliy ta’lim tizimida faoliyat yuritayotgan professor-o‘qituvchilarning yosh avlodni zamonaviy bilim va ko‘nikmalar bilan qurollantirish, ularni mustaqil fikrlaydigan, yuksak ma’naviyatli va Vatanga sadoqatli insonlar etib tarbiyalashdagi o‘rni beqiyosdir.

Davlatimiz rahbari Shavkat Mirziyoyev O‘qituvchi va murabbiylar kuni munosabati bilan yo‘llagan tabrigida: “Milliy yuksalishning tayanch asosi – maktab, texnikum va oliygohlar ekanini siz, azizlar albatta yaxshi tushunasiz. Shu bois, bu borada biz avvalo sizlarga – muhtaram ustoz va murabbiylarimizga tayanamiz”, deya ta’kidladi.

Darhaqiqat, bugungi kunda ta’lim-tarbiya tizimida amalga oshirilayotgan keng ko‘lamli islohotlar, yoshlarimizning xalqaro maydondagi yutuqlari, oliy ta’lim va ilm-fan rivojidagi natijalar zamirida, avvalo, fidoyi ustozlarning mashaqqatli mehnati mujassam.

Universitetimiz professor-o‘qituvchilari uchun bu yil ham yutuq va e’tiroflarga boy bo‘ldi. Ustozlarimiz orasidan davlat mukofotlariga munosib ko‘rilganlar, “Oliy ta’lim a’lochisi” ko‘krak nishoni bilan taqdirlanganlar hamda boshqa yuksak e’tiroflarga sazovor bo‘lganlar safi kengaydi. Bu natijalar professor-o‘qituvchilarimizning ta’lim, ilm-fan va yoshlar tarbiyasi yo‘lidagi ko‘p yillik samarali mehnati, fidoyiligi va kasbiga bo‘lgan sadoqatining munosib e’tirofidir.

O‘zbekiston davlat jahon tillari universitetida ta’lim sifatini yuksaltirish, ilmiy salohiyatni oshirish, zamonaviy bilim va innovatsiyalarni ta’lim jarayoniga keng joriy etish, yoshlarning xorijiy tillarni puxta egallashi hamda xalqaro maydonda munosib o‘rin egallashi yo‘lida professor-o‘qituvchilarimiz tomonidan katta mehnat qilinmoqda. Universitetimizning yutuqlari, ilmiy natijalari, xalqaro hamkorlikdagi muvaffaqiyatlari va talabalarimizning qo‘lga kiritayotgan natijalarida Siz, aziz ustozlarning hissangiz alohida o‘rin tutadi.

Aziz ustozlar!

Sizlar yosh avlodga shunchaki bilim bermaysiz — ularni hayotga tayyorlaysiz, qalbiga ezgulik va mehr, ongiga mas’uliyat, Vatanga sadoqat tuyg‘ularini singdirasiz. Bugun yoshlarimizning erishayotgan yutuqlari va yuksak marralari zamirida Sizlarning zahmatli mehnatingiz, fidoyiligingiz va cheksiz e’tiboringiz mujassam.

Barchangizga mustahkam sog‘liq, oilaviy baxt-saodat, xotirjamlik va sharafli faoliyatingizda ulkan muvaffaqiyatlar tilayman. Ilm yo‘lidagi izlanishlaringiz, ta’lim va tarbiya borasidagi ezgu mehnatingiz samarasi yanada ziyoda bo‘lsin!

1-oktabr — O‘qituvchi va murabbiylar kuni muborak bo‘lsin, aziz ustozlar!

O‘zbekiston davlat jahon tillari universiteti rektori
Tuxtasinov Ilxomjon Madaminovich

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦Hurmatli va aziz ustozlar, qadrli murabbiylar!

Sizlarni 1-oktabr — Oʻqituvchi va murabbiylar kuni munosabati bilan Oʻzbekiston davlat jahon tillari universiteti Ingliz tili 1-fakulteti dekani, Azzamov Yusufjon Radjaboyevich hamda fakultet jamoasi nomidan chin qalbimizdan muborakbod etamiz! 

Sizning fidokorona mehnatingiz, yuksak mahoratingiz va ezgu qadriyatlaringiz yosh avlod taʼlim-tarbiyasida, ularning yetuk mutaxassis boʻlib yetishishida beqiyos oʻrin tutadi. 

Sizlarga mustahkam sogʻlik, oilaviy baxt, ijodiy ilhom va barcha ezgu ishlaringizda ulkan muvaffaqiyatlar tilaymiz! 
Bayramingiz muborak boʻlsin, aziz ustozlar!

🌐Biz ijtimoiy tarmoqlarda:
Telegram | Instagram

1-oktyabr Oʻqituvchi va murabbiylar kuni

Oʻzbekiston davlat jahon tillari univetsiteti Ingliz tili 1-fakulteti 2601-guruh talabasi Maxammatkulova Zeboning ushbu qutlugʻ bayram munosabati bilan barcha aziz va muhtaram ustozlarimizga bagʻishlab tayyorlagan samimiy she’riy tabrigi

🌐Biz ijtimoiy tarmoqlarda:
Telegram | Instagram

🟦🟦🟦🟦🟦🟦🟦🟦🟦

1-OKTABR — O‘QITUVCHI VA MURABBIYLAR KUNI MUNOSABATI BILAN PROFESSOR-O‘QITUVCHILAR O‘RTASIDA “ENG YAXSHI BLOG” TANLOVI

O‘zbekiston davlat jahon tillari universitetida professor-o‘qituvchilar o‘rtasida O‘qituvchi va murabbiylar kuni munosabati bilan “Eng yaxshi blog” tanlovi o‘tkaziladi.

🎯 Tanlovning maqsadi

Tanlov professor-o‘qituvchilarning media va ijodiy faolligini oshirish, ilmiy-ma’rifiy kontent yaratishni rag‘batlantirish, ilg‘or pedagogik tajribalarni ommalashtirish hamda ta’lim-tarbiya jarayonida zamonaviy axborot texnologiyalaridan samarali foydalanishni qo‘llab-quvvatlash maqsadida tashkil etiladi.

👥 Tanlovda kimlar ishtirok etishi mumkin?

Tanlovda O‘zbekiston davlat jahon tillari universitetida faoliyat yuritayotgan professor-o‘qituvchilar ishtirok etishlari mumkin.

▪️ Ishtirok yakka tartibda amalga oshiriladi.
▪️ Har bir ishtirokchi tanlovga bitta blog materiali bilan qatnashishi mumkin.

💡 Qanday materiallar taqdim etish mumkin?

Blog materiallari quyidagi mavzulardan biriga bag‘ishlanishi mumkin:

▪️ ta’lim va innovatsiyalar;
▪️ tilshunoslik va madaniyat;
▪️ ma’naviyat va ma’rifat;
▪️ yoshlar tarbiyasi va ta’lim-tarbiya masalalari;
▪️ ilmiy tadqiqotlar va pedagogik tajribalar.

Materiallar quyidagi shakllarda tayyorlanishi mumkin:

✏️ Matnli blog — maqola yoki post;
🎥 Video blog (vlog) — mavzu bo‘yicha videomaterial;
🎓 Ta’limiy blog — dars jarayoni, ilmiy tushuntirishlar va boshqa ta’limiy kontent.

Tanlovga taqdim etiladigan material muallif tomonidan mustaqil tayyorlangan bo‘lishi lozim.

📌 Ijodiy ishlarni topshirish muddati

Professor-o‘qituvchilar tayyorlagan tanlov ishlarini 2026-yil 5-oktabrga qadar o‘z fakultetlarining ma’naviy-ma’rifiy ishlar bo‘yicha dekan o‘rinbosarlariga taqdim etishlari lozim.

⏰ 5-oktabr — tanlov ishlarini topshirishning so‘nggi kuni!

📋 Tanlov ishlari quyidagi mezonlar asosida baholanadi:

▪️ ilmiy va ma’rifiy ahamiyati;
▪️ mavzuning dolzarbligi;
▪️ materialning mazmundorligi va tushunarliligi;
▪️ ijodiy yondashuv;
▪️ auditoriyaga ta’sirchanligi va axborot qiymati.

🏆 G‘oliblar qanday rag‘batlantiriladi?

🥇1-o‘rin — mehnatga haq to‘lashning eng kam miqdorining 2 barobari miqdorida pul mukofoti;

🥈 2-o‘rin — mehnatga haq to‘lashning eng kam miqdorining 1,5 barobari miqdorida pul mukofoti;

🥉 3-o‘rin — mehnatga haq to‘lashning eng kam miqdorida pul mukofoti.

Faol ishtirokchilar universitet tomonidan diplom bilan taqdirlanadi.

📢Tanlov natijalari universitetning rasmiy veb-sayti va ijtimoiy tarmoqlarida e’lon qilinadi.

📱G‘olib deb topilgan blog materiallari universitetning axborot resurslarida hamda ma’naviy-ma’rifiy tadbirlar doirasida keng targ‘ib qilinishi mumkin.

✨ Hurmatli professor-o‘qituvchilar! Ilmiy, ma’rifiy va ijodiy kontentingiz bilan “Eng yaxshi blog” tanlovida ishtirok eting!

🗓️ Tanlov ishlarini topshirishning so‘nggi muddati — 5-oktabr!

Tanlov nizomi

🌐 Biz ijtimoiy tarmoqlarda:
Telegram | Instagram | Facebook | Sayt

🙂🙂🙂🙂🙂🙂🙂🙂🙂🙂

5-9-oktabr kunlari universitetimizda MEGA HAFTALIK-🖐”5 TASHABBUS HAFTALIGI” bo'lib o'tadi.

Haftalik davomida siz sport, san’at, IT va dasturlash, hunarmandchilik, adabiyot va shu kabi qator sohalardagi musobaqa va ko’rik-tanlovlarda ishtirok etishingiz mumkin.

Hafta yakunida esa sizni tantanali taqdirlash marosimi va eng asosiysi gala konsert kutmoqda...

Bir chetda qolmang, o'zingizni ko'rsating, iste'dodingizni namoyon qiling va g'olib bo'ling🥳

👍Yoshlar ittifoqi boshlang’ich tashkiloti siz uchun doimo eng yaxshisini ilinadi

Bizni ijtimoiy tarmoqlarda kuzating:
📱Telegram |📱Instagram