🟦🟦🟦
104-maktabda “Eng faol kitobxon” bellaşuvi bölib ötdi

Bugun 28-oktabr kuni 104-sonli umumta’lim maktabida öquvçilar örtasida kitobxonlikni keng tarğib qiliş, kitobga bölgan qiziqiş va mehrni oşiriş maqsadida “Eng faol kitobxon” nomli ma’rifiy bellaşuv taşkil etildi.

Uşbu tadbir Ingliz tili birinçi fakulteti Ingliz tilini öqitiş metodikasi №1 kafedrasi öqituvçisi Mohinbonu Mardonova tomonidan yuqori saviyada ötkazildi. Bellaşuvda maktabning 5-“J” sinf öquvçilari juda katta qiziqiş va yuqori tayyorgarlik bilan faol qatnaşdilar.

Tadbir davomida öquvçilar özlari sevib öqigan va mutolaa qilgan badiiy asarlari haqida atrofliça gapirib berişdi, qahramonlar timsoliga va asarlarning tarbiyaviy ahamiyatiga alohida töxtalib ötdilar. Şuningdek, bellaşuv doirasida qizğin va mazmunli savol-javoblar ötkazildi. Unda öquvçilar nafaqat özlarining sevimli kitoblari böyiça berilgan savollarga, balki özbek va jahon adabiyoti durdonalari yuzasidan yöllangan savollarga ham izçil, mantiqiy hamda teran javoblar berib, özlarining dunyoqaraşi va bilim darajalarini namoyiş etişdi.

Bellaşuv yakunida faolligi, topqirligi va zukkoligi bilan ajralib turgan barça qatnaşçilar esdalik sovğalari hamda taşakkurnomalar bilan munosib taqdirlandilar.

Mazkur tadbir öquvçilarda mutolaa madaniyatini şakllantiriş, ularning oğzaki nutqi hamda mantiqiy fikrlaş könikmalarini rivojlantiriş va eng muhimi, kitobsevarlik muhitini yanada mustahkamlaşga xizmat qildi.

🌐Biz ijtimoiy tarmoqlarda:
📱Telegram | 📱Instagram

2026-yil 28-oktabr kuni universitet tomonidan belgilangan vazifalar asosida talabalar turar joyida istiqomat qilayotgan talabalar holidan xabar oliş va ularning böş vaqtlarini mazmunli ötkaziş maqsadida ikki nafar professor-öqituvçi Murodullayeva Zebiniso va Kuzaxmedova Alina taşrif buyurişdi.

Mazkur taşrifdan asosiy maqsad talabalar örtasida sport tadbirlarini ötkaziş va talabalarning sportga bölgan qiziqişlarini va faolliklarini oşirişdan iborat böldi.Talabalar örtasida turli sport musobaqalari taşkillaştirildi, xususan şaxmat va şaşka kabi öyinlarda faol bölişdi, öyin oxirida ğoliblar aniqlanib, turli diplom va faxriy yorliqlar bilan taqdirlanişdi.

Tadbir söngida talabalarga şunday sport musobaqalarida faol qatnaşiş va soğlom turmuş tarziga rioya qilgan holda muntazam sport bilan şuğullaniş böyiça tavsiyalar berildi. Tadbir juda ajoyib, kötarinki kayfiyatda ötdi, talabalar ustozlar taşrifidan juda mamnun böldi.

🌐Biz ijtimoiy tarmoqlarda:
📱Telegram | 📱Instagram

Özbekiston davlat jahon tillari universiteti Ingliz tili 1-fakulteti “Ingliz tili nazariy aspektlari №1” kafedrasi dotsenti Xamzayev Sobir Amiroviç 2026 yil 28-oktabr kuni fakultetning 25-31 guruh talabalari bilan birgalikda “Turizm tili” fanidan talabalarning nazariy bilimlarini amaliy maşğulotlar orqali mustahkamlaş, milliy tariximiz, xalqimizning tarixiy xotirasi hamda qatağon qurbonlari hayoti va faoliyati bilan yaqindan taniştiriş maqsadida “Şahidlar xotirasi” maydonida sayyor maşğulot ötkazdi.

Maşğulot davomida talabalarga “Şahidlar xotirasi” maydonining taşkil etiliş tarixi, uning xalqimiz ma’naviy hayotidagi örni hamda siyosiy qatağonlar davrida nohaq jazolangan, ta’qib qilingan va hayotdan bevaqt kö‘z yumgan vatandoşlarimiz xotirasini abadiylaştiriş borasida amalga oşirilgan işler haqida ma’lumot berildi.

Sayyor maşğulot davomida talabalar tarixiy yodgorliklar, xotira majmuasi va uning ramziy mazmuni bilan tanişdilar. Ularga tarixiy xotirani asraş, ajdodlar merosini qadrlaş, milliy özlikni anglaş hamda yoş avlodda vatanparvarlik tuyğularini mustahkamlaşning ahamiyati tuşuntirildi.

Şuningdek, talabalar bilan mavzu yuzasidan savol-javoblar, fikr almaşiş va muhokamalar taşkil etildi. Ular tarixiy voqealardan tegişli xulosalar çiqariş, mustaqil fikr bildiriş hamda tarixiy-ma’naviy merosga hurmat bilan yondaşiş böyiça öz qaraşlarini bayon etdilar.

🌐Biz ijtimoiy tarmoqlarda:
📱Telegram | 📱Instagram