Bugun O‘zbekiston Davlat Jahon tillari universiteti Ingliz tili 1-fakulteti, Ingliz tili integrallashgan kursi 1-kafedrasi 2412-guruh talabalari ustozlari Irgasheva Zulfizar boshchiligida Zangiota ziyoratgohiga tashrif buyurishdi.

Mazkur ziyorat davomida talabalar yurtimizdagi muqaddas maskanlardan biri bo‘lgan Zangiota majmuasining boy tarixi, uning xalqimiz ma’naviy hayotidagi o‘rni haqida batafsil ma’lumotlarga ega bo‘lishdi. Zangiota ziyoratgohi asrlar davomida ezgulik, sabr-toqat va poklik timsoli sifatida qadrlanib kelinayotgani alohida ta’kidlandi.

Talabalar ziyorat davomida nafaqat tarixiy obidalar bilan tanishdilar, balki o‘zaro suhbatlar orqali milliy qadriyatlarimiz, urf-odatlarimiz va ajdodlarimiz merosiga bo‘lgan hurmat tuyg‘ularini yanada mustahkamlashdi. Bunday ma’naviy-ma’rifiy tashriflar yoshlarning dunyoqarashini kengaytirish, ularni komil inson bo‘lib yetishishida muhim o‘rin tutadi.

Safar davomida iliq muhit, samimiy muloqot va unutilmas taassurotlar hukm surdi. Ushbu tashrif har bir ishtirokchining qalbida yorqin xotira bo‘lib qolishi shubhasiz.

📚 “Ifodali o‘qish” tanlovi saralash bosqichi muvaffaqiyatli yakunlandi!

Ingliz tilini o‘qitish metodikasi N1 kafedrasi tomonidan tashkil etilgan “Ifodali o‘qish” tanlovining saralash bosqichi yuqori saviyada va tartibli ravishda o‘tkazildi. Mazkur tanlov talabalarning og‘zaki nutq madaniyatini rivojlantirish, ifodali o‘qish ko‘nikmalarini mustahkamlash hamda ularning ijodiy va kommunikativ kompetensiyalarini oshirishga qaratilgan.
Tanlovni tashkil etishda Ingliz tilini o‘qitish metodikasi N1 kafedrasi mudiri Ochilova Vazira Rustamovna rahbarligida kafedra professor-o‘qituvchilari — Turaxonova Badia, Zakirova Nigora, Boltayeva Durdona, Kuchkarova Maftuna, Mardonova Mohinbonu hamda Juraboyeva Gulmira faol ishtirok etdilar. Ular tomonidan tanlovning mazmuni, baholash mezonlari va tashkiliy jarayonlari puxta ishlab chiqildi.
Tanlov jarayonida Ingliz tili birinchi fakulteti dekani Ergasheva Guli Ismailovna ham bevosita ishtirok etib, ishtirokchilarning chiqishlarini kuzatib ularga o‘z tavsiyalarini berdilar. Dekan tomonidan tanlov ishtirokchilari samimiy tabriklanib, ularning kelgusi o‘qish va kasbiy faoliyatlarida muvaffaqiyatlar tilandi.
Saralash bosqichida ishtirokchilar o‘zlarining ifodali o‘qish mahorati, talaffuz aniqligi, intonatsiya va sahnaviy chiqishlari orqali baholandi. Shuningdek, ularning mahoratiga qarab nominatsiyalar bo'yicha taqdirlandilar. Tanlov yuqori darajada qiziqarli va raqobat muhitida bo'lib o‘tdi.

📍O‘zDJTU 2-son talabalar turar joyida

“Biz ommaviy madaniyatga qarshimiz” mavzusida Ingliz tili 1-fakulteti Umumiy tilshunoslik kafedrasi professor-o‘qituvchilari Yusupbayeva Muxayyo G‘ayrat qizi va Sharipova Dilnoza To‘lqin qizi tomonidan mazmunli uchrashuv va davra suhbatlari o‘tkazildi.

💬 Tadbir davomida yoshlarni milliy qadriyatlarimizga hurmat ruhida tarbiyalash, ommaviy madaniyatning salbiy ta’sirlariga qarshi mafkuraviy immunitetni shakllantirish, global axborot oqimida to‘g‘ri yo‘l tanlash kabi dolzarb masalalar keng muhokama qilindi.

📚 Suhbat jarayonida ommaviy madaniyat tushunchasi, uning ijobiy va salbiy jihatlari, yoshlar ongiga ta’siri, shuningdek, milliy o‘zlikni asrash va rivojlantirish yo‘llari haqida atroflicha fikr almashildi.

🗣 Talabalar o‘zlarini qiziqtirgan savollar bilan murojaat qilib, faol ishtirok etdilar hamda mavzu yuzasidan o‘z fikr-mulohazalarini bildirdilar.

✨ Tadbir yakunida yoshlarni ma’naviy barkamol etib tarbiyalashda bunday uchrashuvlarning ahamiyati alohida ta’kidlandi.

❗️ Aleksandr Faynberg tanlovida ishtirok etganlarni natijalari e'lon qilindi, hamda sertifikatlar bilan taqdirlanishdi☺️

Tanlovga kelib tushgan ko‘plab ijodiy ishlar orasidan eng mahoratli, nutqi ravon va she’rni qalban his qilib ijro etgan ishtirokchilarni saralab olish hakamlar hay’ati uchun oson bo‘lmadi. Yakuniy natijalarga ko‘ra, quyidagi ishtirokchilar g‘olib deb topildi:

✅ G‘oliblarimiz quyidagilar:
• 1-o‘rin:Karimova Mehribon
• 2-o‘rin:To'xtaraliyeva Dilnoza
• 3-o‘rin:Eshmuratova Aysuliw

Barcha g‘oliblarimizni ushbu muvaffaqiyat bilan muborakbod etamiz! Hamda ishtirokchilarga o‘z minnatdorchiligimizni bildiramiz.