Ingliz tili birinchi fakulteti tyutorlari D.D. Xurramova va Sh. Xo‘janiyozova tashabbusi bilan 1-bosqich talabalari ishtirokida O‘zbekiston xalq shoiri Abdulla Oripov ijodiga bag‘ishlangan ma’naviy-ma’rifiy adabiy kecha tashkil etildi.

Mazkur tadbir talabalarda milliy adabiyotimizga bo‘lgan qiziqishni oshirish, buyuk shoirning boy ijodiy merosini keng targ‘ib etish hamda ularning badiiy tafakkurini rivojlantirish maqsadida o‘tkazildi.

Adabiy kecha davomida talabalar tomonidan Abdulla Oripovning hayoti va ijodiy faoliyati haqida atroflicha ma’lumotlar berildi. Xususan, shoirning o‘zbek adabiyotidagi o‘rni, uning she’riyatida Vatanga muhabbat, insoniylik, sadoqat va yuksak ma’naviyat g‘oyalari chuqur ifoda etilgani alohida ta’kidlandi. Tadbir ishtirokchilari tomonidan shoirning mashhur she’rlari — “O‘zbekiston”, “Sen yetim emassan”, “Ona tilimga”, “Men nechun sevaman O‘zbekistonni” kabi asarlari ifodali tarzda o‘qildi va tahlil qilindi.

Shuningdek, adabiy kechada Abdulla Oripovning “Haj daftari”, “Yillar armoni”, “Munojot”, “Najot qal’asi” kabi kitoblari haqida ham so‘z yuritilib, ularning mazmun-mohiyati keng yoritib berildi. Talabalar ushbu asarlar orqali shoirning falsafiy qarashlari, hayotiy tajribasi va inson ruhiyati tasviridagi mahoratini chuqur his etganliklarini bildirdilar.

Tadbir davomida sahna ko‘rinishlari, badiiy chiqishlar va she’rxonliklar tashkil etilib, adabiy muhit yanada jonlantirildi. Bu esa talabalarning ijodiy qobiliyatlarini namoyon etish bilan birga, ularning nutq madaniyatini va sahna madaniyatini rivojlantirishga xizmat qildi.

🌟 Salomatlik – tuman boylik: Universitetimizda "Jahon salomatligi kuni" keng nishonlandi!

Bugungi shiddatli zamonda sog‘lom turmush tarziga amal qilish har bir yoshning asosiy vazifasidir. Shu munosabat bilan universitetimizda talabalarning tibbiy savodxonligini oshirish maqsadida mazmunli tadbir tashkil etildi.🩺🍎

🔹 Tadbir tashkilotchilari:
Tajribali tyutorimiz Allamova Mavluda Komilboyevna boshchiligida hamda universitetimizning malakali hamshirasi Abdusattorova Nigora O‘rolboevna ishtirokida davra suhbati o‘tkazildi.

👥 Ishtirokchilar:
Tadbirda 2510, 2511, 2513, 2518 hamda 2508-guruh talabalari faol ishtirok etishdi. 🎓

📌 Tadbir davomida nimalar muhokama qilindi?
✅ To‘g‘ri ovqatlanish va uyqu rejimiga amal qilish;
✅ Bahorgi mavsumiy kasalliklarning oldini olish;
✅ Talabalar o‘rtasida jismoniy tarbiya va sportning ahamiyati;
✅ Shaxsiy gigiyena qoidalariga rioya qilish bo‘yicha muhim tavsiyalar.

Hamshira Nigora O‘rolboevna talabalarga kundalik hayotda kerak bo‘ladigan birinchi tibbiy yordam ko‘rsatish va salomatlikni asrashning "oltin qoidalari" haqida amaliy maslahatlar berib o‘tdi. 👩‍⚕️✨

Uchrashuv qizg‘in savol-javoblar va interaktiv muloqot tarzida o‘tdi. Tyutor Mavluda Komilboyevna ta’kidlaganidek: "Sog‘lom talaba — jamiyatimizning mustahkam ustuni va porloq kelajagi demakdir!"

🚀 Salomatligingizga bugundan e’tiborli bo‘ling!

#JahonSalomatligiKuni #SoglomTurmushTarzi #UniversitetHayoti #Talabalar #TibbiyMadaniyat #Salomatlik

📚Joriy yilning 15-aprel sanasida Ingliz tili 1-fakultetida tyutorlar A.Azimova, J.Achildiyev va D. Matyakubovalar tashabbusi bilan atoqli adabiyotshunos olim, akademik Aziz Qayumov tavalludining 100 yilligiga bag‘ishlangan davra suhbati tashkil qilindi.

📖 Mazkur tadbirda 2-bosqich talabalari ishtirok etib, Aziz Qayumovning o‘zbek adabiyotshunosligi rivojiga qo‘shgan ulkan hissasi, ilmiy merosi va ma’naviy qadriyatlarimizni boyitishdagi o‘rni haqida fikr almashdilar.

📝Davra suhbati davomida olimning hayoti va ijodi yuzasidan ma’ruzalar tinglandi, uning ilmiy faoliyati yosh avlod uchun ibrat maktabi ekani alohida ta’kidlandi.
Tadbir ko‘tarinki ruhda, mazmunli va esda qolarli tarzda o‘tkazildi.

Talabalar turar joyida ochiq muloqot va muhim uchrashuv

Ingliz tili 1-fakulteti dekani Guli Ergasheva hamda Ijtimoiy muhitni barqarorlashtirish bo‘limi bosh mutaxassisi M. Abdullaeva tomonidan 2-sonli talabalar turar joyiga tashrif amalga oshirildi.

Tashrif davomida talabalar bilan samimiy va ochiq muloqot tashkil etilib, ularning yashash sharoitlari, o‘qish jarayonidagi muammolari, taklif va mulohazalari tinglandi. Suhbat jarayonida talabalarning bo‘sh vaqtini mazmunli tashkil etish, ichki tartib-qoidalarga rioya qilish hamda sog‘lom ijtimoiy muhitni shakllantirish masalalariga alohida e’tibor qaratildi.

Uchrashuv qariyb ikki soat davom etib, mazmunli va jonli ruhda o‘tdi. Ayniqsa, talaba-qizlar bilan olib borilgan suhbat motivatsion ruhda tashkil etilib, ularning kelajakdagi maqsadlari, shaxsiy rivoji va faolligini oshirish masalalari muhokama qilindi.

Shuningdek, mutasaddilar tomonidan talabalarga zarur tavsiyalar berilib, ularni qiziqtirgan savollarga batafsil javoblar taqdim etildi. Kelgusida talabalar bilan hamkorlikda yangi loyihalarni amalga oshirish, ularning tashabbuslarini qo‘llab-quvvatlash borasida aniq rejalar belgilab olindi.

Mazkur uchrashuv talabalarning muammolarini o‘z vaqtida aniqlash, ularni bartaraf etish hamda ta’lim muassasasida sog‘lom va faol ijtimoiy muhitni shakllantirishda muhim ahamiyat kasb etdi