"Til ko'nikmalarini rivojlantirish" to'garagidan lavhalar

📌 22- aprel sanasida Ingliz tili birinchi fakulteti,  Ingliz tili amaliy fanlar 1 kafedrasi o'qituvchisi Jo'rayev G'. tomonidan birinchi kurs talabalari uchun "Til ko'nikmalarini rivojlantirish" to'garagining navbatdagi mashg'uloti bo'lib o'tdi. 

📎 To'garak davomida talabalarga yozma nutqdagi imlo xatolarini oldini olish yo'llari tanishtirildi.

📎 Talabalarga ma'lumotlar taqdimot tariqasida tanishtirilgani mavzuni yanada tushunarliroq qildi. To'garak davomida turli interaktiv vazifalar bajardilar. Mavzuga oid qizg'in suhbat olib borildi. 

📎 Talabalar mashg'ulot davomida kichik guruhlarda ma'lum mavzu asosida kichik matn tuzishdi va o'zaro matnlarni tekshirib, imlo xatolar ustida birga ishlandi.

📌 To'garak so'ngida talabalar o'zlarini qiziqtirgan savollarga javob olishdi.

🎨🧵 RASSOMCHILIK, KASHTACHILIK VA TO‘QUVCHILIK TANLOVI BO‘LIB O‘TDI 🧶

O‘zDJTU Ingliz tili 1-fakulteti Ingliz tilini o‘qitish metodikasi N1 kafedrasi mudiri V.R. Ochilova hamda iqtidorli talaba Erkinboyeva Aziza Ruslonovna tashabbusi bilan ijodiy tanlov doirasida rassomchilik, kashtachilik va to‘quvchilik yo‘nalishlari bo‘yicha bellashuv bo‘lib o‘tdi ✨

📌 Tanlov davomida ishtirokchilar o‘zlarining ijodiy yondashuvi, didi va mahoratini namoyon etib, turli yo‘nalishlarda yaratilgan noyob ishlar orqali barchaga katta taassurot qoldirdilar 🎨

🧵 Kashtachilik va to‘quvchilik yo‘nalishida esa milliy an’analarimiz va nafis qo‘l mehnati o‘z aksini topdi.

🏆 Tanlov yakunida ishtirokchilar o‘z mahoratlarini namoyon etib, hakamlar hay’ati jumladan, o'qituvchilarimiz Zakirova Nigora, Kuchkarova Maftuna va Turaxonova Badia tomonidan munosib baholandi. Eng yaxshi deb topilgan ishtirokchilar aniqlanib, maxsus sertifikatlar hamda esdalik sovg‘alari bilan taqdirlandilar 🎁

🇺🇿O’zDJTU
Ingliz tili birinchi fakulteti tyutori D.D. Xurramova tashabbusi bilan 1-kurs talabalari uchun har Payshanba kuni “Yoshlar kuni” doirasida ma’naviy-ma’rifiy tadbirlar muntazam ravishda tashkil etib kelinmoqda. Ushbu tashabbusdan ko‘zlangan asosiy maqsad — yoshlarning bo‘sh vaqtini mazmunli o‘tkazish, ularning madaniy saviyasini oshirish hamda san’at va adabiyotga bo‘lgan qiziqishini yanada kuchaytirishdan iborat.

🎭Navbatdagi tadbir doirasida talabalar “O‘zbekiston Milliy Drama Teatri”ga tashrif buyurib, “Behalovat koshona” nomli sahna asarini tomosha qildilar. Ushbu spektakl o‘zining mazmun-mohiyati, hayotiy voqealarga boyligi hamda chuqur tarbiyaviy ahamiyati bilan talabalarda katta taassurot qoldirdi.

Tomosha davomida talabalar sahna madaniyati, aktyorlik mahorati va asar g‘oyasi haqida yaqindan tasavvurga ega bo‘ldilar. Tadbir yakunida esa ular o‘z fikr-mulohazalari bilan o‘rtoqlashib, bunday madaniy tashriflar yoshlar tarbiyasida muhim o‘rin tutishini ta’kidladilar.

Mazkur tashrif talabalar uchun nafaqat maroqli hordiq, balki ularning ma’naviy dunyosini boyituvchi muhim tajriba bo‘ldi.

✅Bugun biz uchun unutilmas kun bo‘ldi ,ingliz tili 1-fakulteti 2-kurs talabalari va tyutor A.Azimova birgalikda G'alaba bog'iga tashrif buyurdik. Ushbu maskan yurtimiz tarixi, jasorat va mardlik timsoli sifatida qalblarda chuqur iz qoldiradi.
✨Bog‘ bo‘ylab sayr qilar ekanmiz, ajdodlarimizning buyuk jasorati, tinchlik yo‘lida qilgan fidokorona xizmatlari yana bir bor yodga olindi. Har bir burchagida tarix nafasi sezilib turadigan bu muqaddas maskan barchamizni chuqur o‘yga toldirdi.
💥Tashrif davomida talabalar bilan tarixiy xotira, Vatanga sadoqat va tinchlikning qadri haqida suhbatlar o‘tkazildi. Bu esa yoshlar qalbida yanada mas’uliyat va faxr tuyg‘ularini uyg‘otdi.
⚡️Bunday maskanlarga tashrif buyurish — nafaqat bilim, balki ma’naviy boylik hamdir.