🗓️ 24-aprel kuni Ingliz tili birinchi fakulteti, Ingliz tili integrallashgan kursi N1 kafedrasi o‘qituvchilari Z. Irgasheva hamda Z. Samiyeva tomonidan
“Are we shaping our identities freely, or are social expectations silently controlling our ideas?”
mavzusida to‘garak mashg‘uloti tashkil etildi.

📎Mazkur mashg‘ulot davomida talabalar shaxsiyat va oʻz fikrlarini shakllantirish masalalarini tahlil qilib, jamiyatning inson qarorlariga ta’siri yuzasidan o‘z fikr-mulohazalarini bildirdilar. Interaktiv usullar asosida olib borilgan dars talabalarni erkin fikrlashga undadi hamda ingliz tilida muloqot ko‘nikmalarini rivojlantirishga xizmat qildi.

📌Ushbu toʻgarak mashgʻuloti nafaqat til koʻnikmalarini rivojlantirish, balki talabalarni mustaqil fikrlashga, oʻz "men"ini anglashga va jamiyatdagi oʻrnini tushunishga undadi.

📚 Yoshlar qalbida kitobga mehr: Kitobxonlik muhokamasi yuqori saviyada o‘tkazildi

Oʻzbekiston Davlat Jahon Tillari Universiteti Ingliz tili 1-fakulteti, Ingliz tili integrallashgan kursi N1 kafedrasi katta oʻqituvchisi Z.Irgasheva rahbarligida Uchtepa tumani 287-umumiy oʻrta taʼlim maktabida 2401-guruh talabalari Risboyeva Nafosat hamda Nosirova Iroda tashabbusi bilan kitobxonlik muhokamasi tashkil etildi.

📌Mazkur tadbir davomida ishtirokchilar o‘qigan asarlari yuzasidan o‘z fikr-mulohazalarini bildirishdi, kitoblarning mazmun-mohiyati, qahramonlar xarakteri va asarning tarbiyaviy ahamiyati chuqur tahlil qilindi. Muhokama jarayoni jonli savol-javoblar, erkin fikr almashuv va bahs-munozaralar bilan boyitildi.

📎Bunday uchrashuvlar yoshlarning kitobga bo‘lgan qiziqishini oshirish, ularning tafakkur doirasini kengaytirish hamda mustaqil fikrlash ko‘nikmalarini rivojlantirishda muhim ahamiyat kasb etadi.

🗓O‘zDJTU Ingliz tili 1-fakulteti tyutorlari — N.M. Masadikova, A. Azimova va Sh. Tursunovalar tashabbusi bilan talabalar o‘rtasida atoqli shoir Muhammad Yusuf tavalludiga bag‘ishlangan mazmunli va badiiy ruhga boy she’riy kecha tashkil etildi.
📜Tadbir davomida talabalar shoirning Vatanga muhabbat, insoniylik, sadoqat va sof tuyg‘ularni tarannum etuvchi mashhur she’rlaridan namunalar ijro etdilar. Har bir chiqish o‘ziga xos badiiy ifoda, his-tuyg‘u va ijodiy yondashuv bilan ajralib turdi. Ba’zi talabalar sahna ko‘rinishlari orqali shoir she’rlarining mazmunini yanada jonliroq aks ettirishga harakat qildilar.
📍Mazkur she’riy kecha talabalarning adabiyotga bo‘lgan qiziqishini yanada oshirish, ularning nutq madaniyati va sahna mahoratini rivojlantirish, shuningdek, milliy merosimizga hurmat ruhida tarbiyalashda muhim ahamiyat kasb etdi.

XALQARO HAMKORLIK

Bugun, 27-aprel kuni 1-ingliz fakultetida “Yosh tilshunos” to‘garagi doirasida xalqaro amaliy dars tashkil etildi. Mazkur tadbir O‘zbekiston davlat jahon tillari universiteti hamda Ozarbayjon tillar universiteti o‘rtasida imzolangan memorandum asosida amalga oshirilib, ikki oliygoh talabalari ishtirokida o‘tkazildi.
🎓 Mavzu:
“Til kompetensiyasini shakllantirishda sun’iy intellektning o‘rni”

👨‍🏫 Tashkilotchilar:
Umumiy tilshunoslik kafedrasi o‘qituvchilari — Xo‘jayev Dilshod G‘ayratovich hamda katta o‘qituvchi Nosirova Mubina Olimovna

💡 Dars jarayonida:
✔️ Individual o‘qitish yondashuvlari
✔️ Til ko‘nikmalarini rivojlantirish usullari
✔️ Sun’iy intellekt asosida tahlil va baholash
✔️ Interaktiv va motivatsion muhit
✔️ Ko‘p tillilik va madaniyatlararo kommunikatsiya

🌐 Ushbu xalqaro amaliy tadbir memorandum asosidagi hamkorlikning yorqin natijasi bo‘lib, ikki universitet o‘rtasidagi ilmiy, metodik va ta’limiy aloqalarni yanada mustahkamlashga xizmat qildi.