📚✨ Ingliz tili 1-fakulteti tyutori N.Masadikova boshchiligida o‘ziga biriktirilgan talabalar bilan Yoshlar ijod saroyiga ma’naviy-ma’rifiy tashrif amalga oshirildi.

Tashrif davomida talabalar Yoshlar ijod saroyida yaratilgan zamonaviy shart-sharoitlar, yoshlar uchun tashkil etilgan ijodiy va intellektual loyihalar hamda turli madaniy-ma’rifiy yo‘nalishdagi faoliyatlar bilan yaqindan tanishdilar.

Mazkur tashrif talabalarning dunyoqarashini kengaytirish, ularning ijodiy salohiyatini rivojlantirish hamda bo‘sh vaqtlarini mazmunli tashkil etishga xizmat qildi.

✨ Yoshlarni har tomonlama qo‘llab-quvvatlash va ularning iste’dodini ro‘yobga chiqarishga qaratilgan bunday tadbirlar kelgusida ham davom ettiriladi.

“Sun’iy intellektning zulmatli tomoni”

Ingliz tili 1-fakulteti 2515, 2516, 2518 va 2511-guruh talabalari ishtirokida “Sun’iy intellektning zulmatli tomoni” mavzusida mazmunli tadbir tashkil etildi.
Tadbir davomida sun’iy intellektning foydali jihatlari bilan bir qatorda uning ehtimoliy xavf va salbiy tomonlari ham talabalarga batafsil tushuntirildi. Ishtirokchilar mavzu yuzasidan o‘z fikr-mulohazalarini bildirib, qiziqarli muhokamalarda faol qatnashdilar.
Mazkur tadbir Ingliz tili 1-fakulteti tyutori M. Allamova boshchiligida o‘tkazildi.
✨ Zamonaviy texnologiyalarni to‘g‘ri anglash - kelajak uchun muhim qadamlardan biridir!

Oʻzbekiston davlat jahon tillari universiteti

1-ingliz fakulteti Sh.Xoʻjaniyozovaga biriktirilgan 2521-guruh iqtidorli talabasi Raximova Asal tomonidan "Muhammad Yusuf" tavalludiga bagʻishlangan "She'r yozish" tanlovi tashkil qilindi.

Muhammad Yusuf — qalblarda yashaydigan shoir. Shu sababli tanlov doirasida koʻplab isteʼdodli yoshlar oʻzlarining qalamlariga mansub, dildan yozilgan samimiy sheʼrlari bilan faol ishtirok etishdi. Har bir satrda vatanga boʻlgan muhabbat, sadoqat va shoir xotirasiga boʻlgan yuksak ehtirom sezilib turdi.

Natijalar:
🔹 Ishtirokchilar oʻz ijodiy namunalari bilan mahoratlarini namoyish etishdi.
🔹 Eng yaxshi sheʼrlar saralab olindi.
🔹 Barcha ishtirokchilarga esdalik sertifikatlari topshirildi.


📌Kanalni kuzatishda davom eting:
https://t.me/talaba_rivojlan_platforma

Barcha talabalarga faollik uchun tashakkur! Biz bilan birga boʻling, yangi tanlovlar hali oldinda!

🎞 Oʻzbekiston davlat jahon tillari universiteti Ingliz tili 1-fakulteti 2517-guruh talabalari hamda Jahon adabiyoti kafedrasi katta oʻqituvchisi Ollaberganova D.(PhD) tashabbusi bilan mazmunan boy va badiiy jihatdan yuksak darajada sahna koʻrinishlari tashkil etildi. Ushbu tadbir talaba-yoshlarning ijodiy salohiyatini namoyon etish, ularning sahna madaniyati va badiiy tafakkurini rivojlantirishga qaratilgan muhim tashabbuslardan biri boʻldi.

📜 Tadbir davomida “Kuyov” spektakli talaba-yoshlar tomonidan katta mahorat, sahnaviy madaniyat va obrazlarga chuqur kirib borish orqali sahnalashtirildi. Har bir rol ijrochisi oʻz obrazini ishonarli va ta’sirchan tarzda gavdalantirib, tomoshabinlar e’tiborini oʻziga jalb qila oldi. Spektakl jarayonida sahna bezaklari, aktyorlik mahorati hamda jonli ijro uygʻunligi tadbirga alohida ruh bagʻishladi.
🎓 Mazkur sahna koʻrinishi tadbirga tashrif buyurgan mehmonlar va tomoshabinlarda katta taassurot qoldirdi. Ayniqsa, yosh ijrochilarning sahnadagi ishonchli harakati, nutq madaniyati va ijodiy yondashuvi yuqori baholandi.

📌 Bunday madaniy-ma’rifiy tadbirlar talabalarning nafaqat ijodiy qobiliyatini rivojlantirish, balki ularning jamoada ishlash, erkin fikrlash va oʻz iste’dodini namoyon etish koʻnikmalarini shakllantirishda muhim ahamiyat kasb etadi. Shu bilan birga, bu kabi tashabbuslar yoshlarning sahna san’ati va umumiy madaniyatga boʻlgan qiziqishini yanada oshirishga xizmat qiladi.

📚 Oʻzbekiston davlat jahon tillari universiteti Ingliz tili 1-fakulteti 2518-guruh talabalari hamda Jahon adabiyoti kafedrasi katta oʻqituvchisi Ollaberganova D.(PhD) tashabbusi bilan badiiy jihatdan puxta ishlangan sahna koʻrinishi tashkil etildi. Ushbu tadbir talaba-yoshlarning ijodiy imkoniyatlarini yuzaga chiqarish, ularning sahna madaniyati va estetik didini yuksaltirishga qaratilgan muhim madaniy tashabbus sifatida e’tirof etildi.

💡 Tadbir davomida “Kelinlar qoʻzgʻoloni” spektakli talaba-yoshlar tomonidan yuksak mahorat bilan ijro etildi. Asar sahnalashtirish jarayonida talabalar oʻzlariga biriktirilgan rollarga chuqur yondashib, har bir obrazni ishonarli va ta’sirchan tarzda gavdalantira oldilar. Ular sahnada nafaqat aktyorlik mahoratini, balki nutq ravonligi, harakat uygʻunligi hamda sahnaviy madaniyatni ham yuqori darajada namoyon etdilar.
Talabalar oʻz zimmasiga yuklatilgan mas’uliyatni chuqur his qilgan holda, spektakl davomida puxta tayyorgarlik va jiddiy yondashuv natijasida yuqori saviyadagi ijroni taqdim etdilar. Sahnadagi har bir epizod tomoshabinni oʻziga jalb etib, asarning mazmun-mohiyatini yanada yorqinroq ochib berdi.

📺 Mazkur sahna koʻrinishi nafaqat ishtirokchi talabalar, balki tadbirga tashrif buyurgan mehmonlar va tomoshabinlarda ham katta taassurot qoldirdi. Yosh ijrochilarning ijodiy yondashuvi, obrazlarga kirib borish qobiliyati va sahnadagi erkin harakati keng e’tirof etildi hamda ularning mahorati alohida tahsinga sazovor boʻldi.

📌 Shu kabi madaniy-ma’rifiy tadbirlar talabalarning ijodiy fikrlashini rivojlantirish, ularning oʻz ustida ishlashga boʻlgan intilishini kuchaytirish hamda sahna san’ati va milliy madaniyatga boʻlgan qiziqishini yanada oshirishda muhim ahamiyat kasb etadi.