Talabalar yotoqxonasiga tashrif

🔥Jahon tillari universiteti ingliz tili 1-fakulteti tyutorlari A.Azimova va Yu. Tadjiyeva tomonidan 2-sonli talabalar turar joyiga tashrif amalga oshirildi. Tashrif davomida talabalar bilan samimiy suhbatlar o‘tkazilib, ularning yashash sharoitlari, kundalik hayoti va o‘qish jarayonlari bilan yaqindan tanishildi.

✨Shuningdek, xonalar tozaligi va tartib-intizomi ko‘zdan kechirildi. Talabalarga tozalikni saqlash, o‘zaro hurmat va hamjihatlik muhitini mustahkamlash bo‘yicha tavsiyalar berildi.

💫Bunday tashriflar talabalar bilan yanada yaqin muloqot o‘rnatish, ularning muammolarini o‘z vaqtida aniqlash va ijobiy muhitni shakllantirishda muhim ahamiyat kasb etadi.

Ingliz tili birinchi fakulteti tyutori D.D. Xurramova tomonidan talabalarning ma’naviy-ma’rifiy dunyoqarashini kengaytirish, tarixiy xotira va milliy qadriyatlarga hurmat tuyg‘usini yanada mustahkamlash maqsadida navbatdagi tashkiliy tadbir amalga oshirildi.

Mazkur tashabbus doirasida tyutor o‘ziga biriktirilgan guruh talabalari bilan birgalikda “G‘alaba bog‘i” yodgorlik majmuasiga tashrif buyurdi. Tashrif davomida talabalar yurtimiz tarixida muhim o‘rin tutgan voqealar, Ikkinchi jahon urushi yillaridagi xalqimizning jasorati va matonati haqida batafsil ma’lumotlarga ega bo‘ldilar.

Sayohat jarayonida talabalar majmua hududidagi tarixiy obidalar, yodgorliklar hamda ekspozitsiyalar bilan yaqindan tanishib, ajdodlarimizning mardligi va fidoyiligi haqidagi bilimlarini yanada boyitdilar. Ushbu tashrif yoshlar qalbida vatanparvarlik tuyg‘ularini kuchaytirish, tinchlikning qadriga yetish hamda tarixiy merosimizni asrab-avaylashga bo‘lgan mas’uliyat hissini shakllantirishda muhim ahamiyat kasb etdi.

Ingliz tili birinchi fakulteti tyutori D.D. Xurramova tashabbusi bilan 1-kurs talabalari uchun “Shon-sharaf” muzeyiga ma’naviy-ma’rifiy tashrif tashkil etildi. Ushbu tashrif talabalarning tarixiy ongini yuksaltirish, ularda vatanparvarlik tuyg‘ularini mustahkamlash hamda ajdodlarimizning boy merosiga hurmat ruhida tarbiyalash maqsadida o‘tkazildi.

Tashrif davomida talabalar muzeyning turli bo‘limlari bilan yaqindan tanishib, yurtimiz tarixining muhim bosqichlari, xususan, xalqimizning mardlik va jasorat namunalarini aks ettiruvchi eksponatlar haqida batafsil ma’lumotlarga ega bo‘ldilar. Muzey fondida saqlanayotgan tarixiy hujjatlar, noyob suratlar, harbiy anjomlar va boshqa qimmatli eksponatlar yoshlar qalbida chuqur taassurot qoldirdi.

Shuningdek, talabalar uchun tashkil etilgan ekskursiya davomida mutaxassislar tomonidan qiziqarli ma’lumotlar berilib, savol-javoblar orqali ularning bilimlari yanada mustahkamlandi. Bu esa talabalarning tarixga bo‘lgan qiziqishini oshirish, mustaqil fikrlash ko‘nikmalarini rivojlantirishga xizmat qildi.

Mazkur tashrif nafaqat ta’limiy, balki tarbiyaviy ahamiyatga ega bo‘lib, yosh avlodni milliy qadriyatlarimizga hurmat ruhida tarbiyalash, ularda Vatanga sadoqat, fidoyilik va mas’uliyat tuyg‘ularini shakllantirishda muhim omil bo‘ldi.

Bunday ma’naviy-ma’rifiy tadbirlarni izchil davom ettirish orqali talabalarning intellektual salohiyatini oshirish, ularni har tomonlama yetuk shaxslar etib voyaga yetkazish yo‘lida samarali natijalarga erishish mumkin.

🎬 Kinochilar uyiga tashrif 🎬

✅Ingliz tili 1-fakulteti talabalari va tyutor A.Azimova va J.Achildiyev bilan maroqli tashrif uyushtirildi. Ushbu tashrif davomida kino san’ati olami, uning yaratilish jarayonlari hamda kino ijodkorlarining mehnati haqida qiziqarli ma’lumotlarga ega bo‘lishdi.

✨Talabalar uchun bu nafaqat dam olish, balki ularning dunyoqarashini kengaytiruvchi, san’atga bo‘lgan qiziqishini yanada oshiruvchi muhim tajriba bo‘ldi.

💫Bunday tashriflar yoshlarning madaniy saviyasini oshirishda, ularni estetik ruhda tarbiyalashda alohida ahamiyat kasb etadi. ✨