🇺🇿 INSON QADRI ULUG‘, XOTIRA ABADIY

9-may — Xotira va qadrlash kuni xalqimiz tomonidan yuksak hurmat va ehtirom bilan keng nishonlanadi. Ushbu sana ajdodlarimiz xotirasini yod etish, keksalarni qadrlash hamda tinchlikning bebaho ne’mat ekanini anglashga undaydi.

🗓 Shu munosabat bilan, 2026-yil 7-may kuni 2401-guruh talabalari Ingliz tili integrallashgan kursi N1 kafedrasi o‘qituvchisi Dilnoza Rasulova boshchiligida poytaxtimizdagi muqaddas maskanlardan biri — “Motamsaro ona” monumentiga tashrif buyurdilar.

✨ Tashrif davomida talabalar Vatan ozodligi va bugungi osoyishta hayotimiz yo‘lida jon fido qilgan ajdodlarimiz xotirasiga hurmat bajo keltirdilar. Tadbir yoshlar qalbida vatanparvarlik, sadoqat, milliy g‘urur va minnatdorlik tuyg‘ularini yanada mustahkamlashga xizmat qildi.

Yurtimiz tinch, xalqimiz omon, ajdodlar xotirasi esa hamisha barhayot bo‘lsin!

📚 Kitobxonlik – tafakkur va ma’naviyat manbai

1-ingliz fakultetida yoshlar o‘rtasida kitobxonlik madaniyatini rivojlantirish, talabalarning dunyoqarashini kengaytirish hamda mutolaa orqali ma’naviy kamolotga yetaklashmaqsadida tyutor M.Kenjayeva tomonidan “Kitobxonlik – tafakkur qanoti” nomli ma’rifiy tadbir tashkil etildi.

Tadbir davomida talabalar o‘zlari sevib mutolaa qilgan asarlari haqida fikr almashib, kitoblarning inson hayotidagi o‘rni, ilm olishdagi ahamiyati hamda kitobxonlikning yosh avlod tarbiyasidagi beqiyos roli haqida mulohazalar bildirdilar.

Faol talabalar tomonidan badiiy chiqishlar, kitob tavsiyalari hamda qiziqarli savol-javoblar tashkil etilib, tadbir samimiy va ma’naviy ruhda o‘tdi.

📖 Kitob — inson qalbini boyituvchi, tafakkurni yuksaltiruvchi eng yaqin do‘stdir.
📚 Kitobxon yoshlar — kelajak poydevoridir.

Mazkur tadbir talabalarda mutolaa madaniyatini mustahkamlash, kitobga bo‘lgan muhabbatni yanada oshirishga xizmat qildi.

🕊 “BURCH, JASORAT, MATONAT” shiori ostidagi tadbirlar davom etmoqda!

Ingliz tili birinchi fakulteti tyutori Mavluda Allamova boshchiligida 2517-guruh talabalari tomonidan “9-may — Xotira va qadrlash kuni” munosabati bilan “Motamsaro ona” haykali poyiga gullar qo‘yildi. 💐
Tadbir davomida bugungi tinch va osuda hayotimiz uchun jon fido qilgan jasur ajdodlarimiz yod etilib, ularning porloq xotirasiga chuqur hurmat bajo keltirildi. 🙏

O‘tganlar xotirasi qalblarimizda mangu yashaydi, yurtimiz tinchligi va osoyishtaligi esa doimo barqaror bo‘lsin! 🇺🇿✨

#yoshlarkuni #harpayshanba

🌸 Gullar sayli - ko‘ngillarga bahor ulashgan onlar!

 Yoshlar kuni munosabati bilan 2510-guruh talabalari tyutor Mavluda Allamova boshchiligida shahrimizning eng go‘zal va tarovatli maskaniga aylangan “Toshkent gullar bayrami”ga tashrif buyurdilar. 🌷✨
Mazkur madaniy-ma’rifiy sayohat talabalar uchun nafaqat maroqli hordiq, balki estetik zavq va unutilmas taassurotlar manbai bo‘ldi. Rang-barang gullarning betakror jilosi hamda muattar ifori yoshlar qalbiga quvonch va bahoriy kayfiyat ulashdi. Sayl davomida talabalar tabiatning go‘zalligidan bahramand bo‘lib, mazmunli madaniy hordiq chiqardilar.

Ko‘zlarda quvonch, dillarda iliq taassurotlar bilan o‘tgan ushbu kun barchaning xotirasida yorqin lahza sifatida muhrlanib qoladi. 📸💖