🏛📚 2026-yil 15-may kuni Ingliz tili amaliy fanlar №1 kafedrasi professor-o‘qituvchilari — p.f.d (DSc), professor Isroilova D.M hamda dotsent Xolbekova B.A 1-sonli talabalar turar joyiga tashrif buyurdilar.

✨ Tashrif davomida talabalarning yashash sharoitlari har tomonlama o‘rganilib, ularning turmush tarzi, darsdan tashqari faoliyatlari hamda bo‘sh vaqtlarini mazmunli o‘tkazish imkoniyatlari bilan yaqindan tanishildi. Professor-o‘qituvchilar talabalar uchun yaratilgan qulay va zamonaviy sharoitlarni yuqori baholadilar.

🗣 Shuningdek, ma’naviyat xonasida talabalar ishtirokida “Diniy ekstremizm va terrorizmga qarshimiz” mavzusida davra suhbati tashkil etildi. Suhbat davomida yoshlarni turli yot g‘oyalardan asrash, tinchlik va osoyishtalikni qadrlash masalalariga alohida e’tibor qaratildi..

🧹Tozalikka e'tibor — har birimizning burchimiz!

📆Kuni kecha, joriy yilning 15-may sanasida ingliz tili birinchi fakultetining iqtidorli talabasi Ochilova Xurshida tomonidan tashkil etilgan "Eco step" loyihasi asosida 2401-guruh a'zolari tomonidan 4-etajdagi xonalar tartibga keltirildi.

🌿Bunday tashabbuslar ko'payayotgani quvonarli hol, albatta. Hech birimiz o'quv xonalarimizning ozodaligiga e'tiborsiz bo'lmaylik. Xonalarning saranjomligi o'qishga bo'lgan ishtiyoqni oshiradi, shuningdek, o'zgacha kayfiyat ham paydo qiladi.

📌Mazkur loyiha doirasida amalga oshirilgan tashabbus xonalarning ozodaligiga hissa qo'shish bilan bir qatorda guruh a'zolari orasida birlik va hamjihatlikni ham yana-da mustahkamladi, desak mubolag'a bo'lmaydi.

💫Hech birimiz o'quv xonalarimizning ozodaligiga e'tiborsiz bo'lmaylik!

"Til ko'nikmalarini rivojlantirish" to'garagidan lavhalar

📌 15- may sanasida Ingliz tili birinchi fakulteti,  Ingliz tili amaliy fanlar 1 kafedrasi o'qituvchisi Ikromova Ra'no tomonidan birinchi kurs talabalari uchun "Til ko'nikmalarini rivojlantirish" to'garagining navbatdagi mashg'uloti bo'lib o'tdi. 

📎 To'garak davomida yozma nutqda uyg'unlikka erishish ( coherence and cohesion) usullari muhokama qilindi.

📎 Mavzu talabalarga tushuntirib o'tilgandan so'ng, talabalar kichik guruhlarda ishlagan holda ma'lum mavzu asosida uyg'unlikka e'tibor berib, paragraf yozish vazifasini bajarishdi.

📎 Talabalar vazifani bajarib bo'lgach, o'z paragraflarini boshqa guruhlarga taqdim qilishdi. Boshqa guruhlar paragrafdagi uyg'unlikka oid o'z fikr-mulohazalarini aytib o'tishdi.

📌 To'garak so'ngida talabalar o'zlarini qiziqtirgan savollarga javob olishdi. Bu "Til ko'nikmalarini rivojlantirish " to'garagining yakuniy mashg'uloti bo'lgani uchun keyingi yilda ham bu kabi to'garaklarni davom ettirishga kelishildi.

🌞✨ MORNING ZUMBA WITH STUDENTS — MUVAFFAQIYATLI YAKUNLANDI! ✨💃

UzWAVE markazi tomonidan talabalar o‘rtasida sog‘lom turmush tarzini targ‘ib qilish, ularning jismoniy va ruhiy salomatligini mustahkamlash hamda universitet hayotiga ijobiy energiya olib kirish maqsadida tashkil etilgan “Morning Zumba” mashg‘uloti yuqori kayfiyatda bo‘lib o‘tdi. 💪🎶

Mashg‘ulot Ingliz tili nazariy aspektlari kafedrasi katta o‘qituvchisi Nigora Alimxanova boshchiligida o‘tkazildi. Ustozimiz o‘zlarining dinamik harakatlari va cheksiz g‘ayratlari bilan har bir ishtirokchini yangi kunga ruhlantira oldilar. 🌟

Ertalabdan sport maydoniga yig‘ilgan talabalarimiz mashg‘ulotlarda faol ishtirok etib, universitet hududini samimiy tabassumlar, jamoaviy birdamlik va yorqin energiya bilan to‘ldirishdi. 🤍

Ertalabki baxtli lahzalarni biz bilan baham ko‘rgan barcha ishtirokchilarga o‘z minnatdorchiligimizni bildiramiz! 💫

Doimo faol, sog‘lom va pozitiv kayfiyatda bo‘ling! Keyingi Zumba mashg‘ulotlarimizni o‘tkazib yubormang! 💃🔥

UzWAVE jamoasining faol a’zosiga aylaning va biz bilan birga chinakam energiyani his eting! 🌞🎶

👉 @UzWAVE_center ❤️