Oʻzbekiston davlat jahon tillari universitetida lyun — Avgust oylari payshanba — “Yoshlar kuni” doirasida o‘tkazilgan “Ko‘ngillilik — kelajak” mavzusida rahbarlar, volontyorlar va yoshlar ishtirokida munozara forumni tashkil etish tadbirlarida Ingliz tili 1-fakulteti Tyutori Sh.Xo'janiyozovaga biriktirilgan 2525-guruh talabasi Sharifova Nozima faol ishtirok etdi. Nozima Sharifova — IT Community of Uzbekistan volontyori sifatida o'z faoliyatini olib bormoqda.27-iyun kuni Andijon shahrida AI va IT sohasidagi karyeraga bag‘ishlangan yirik tadbirlar seriyasi — uzoq kutilgan Roadshow bo‘lib o‘tadi. Tadbir davomida ekspertlar IT sohasida karyera qurish, startaplarni rivojlantirish hamda AI’ni professional o‘sishda joriy etish bo‘yicha amaliy tajribalari bilan o‘rtoqlashadilar.Sharifova Nozima ushbu tadbirda Spiker sifatida ishtirok etadi.

Mahallalardagi keksalar, nogironlar va yolg'iz yashovchilarga yordam beruvchi yagona ko‘ngillilik aksiyasi

   📆 Joriy yilning 18-iyun sanasida  Xuroson MFY  keksalari, nogironligi bo‘lgan shaxslar hamda yolgʻiz yashovchi fuqarolarni qoʻllab-quvvatlash maqsadida O'zDJTU ingliz tili 1-fakulteti ma'naviy ma'rifiy ishlar va yoshlar masalalari bo'yicha dekan muovini hamda tyutorlar tashabbusi bilan ko‘ngillilik aksiyasi tashkil etildi.

❇️Aksiya davomida ko‘ngillilar tomonidan ularning holidan xabar olinib, uy-roʻzgʻor ishlarida ko‘mak berildi, suhbat qurilib, maʼnaviy qoʻllab-quvvatlash ishlari amalga oshirildi.

📎Bunday ezgu tashabbuslar jamiyatimizda mehr-oqibat, insonparvarlik va birdamlik tuygʻularini yanada mustahkamlashga xizmat qiladi. Keksalarimizning duosi, nogironligi bo‘lgan insonlarning quvonchi va yolgʻiz yashovchilarning minnatdorchiligi ko‘ngillilar uchun eng katta ragʻbat bo‘ldi.

18-iyun kuni O‘zbekiston davlat jahon tillari universitetida xalqaro hamkorlik doirasidagi navbatdagi onlayn uchrashuv bo‘lib o‘tdi!
Uchrashuvda 1-8 iyul kunlari Ingliz tili 1 -fakultetiga Summer Camp dasturi doirasida tashrif buyurishi rejalashtirilayotgan Indoneziyaning Universitas Surabaya vakillari hamda Laschool direktori ishtirokidagi tashrif oldidan muhokamalar olib borildi.

Muhokamalarda O‘zDJTU Ingliz tili 1-fakulteti dekani G.I. Ergasheva, Qo‘shma ta’lim dasturlarini muvofiqlashtirish bo‘limi boshlig‘i F. Rashidova hamda hamkor tashkilotlar vakillari ishtirok etdilar.
Uchrashuv davomida doktorantlar uchun qo‘shma ta’lim dasturlarini yo‘lga qo‘yish, ilmiy rahbarlikni hamkorlikda tashkil etish, qo‘shma ilmiy tadqiqotlarni amalga oshirish, akademik almashinuv imkoniyatlarini kengaytirish, professor-o‘qituvchilar va doktorantlar mobilitetini rivojlantirish masalalari muhokama qilindi. Shuningdek, doktorantlarning ilmiy stajirovkalari, qo‘shma ilmiy seminarlar tashkil etish hamda xalqaro ilmiy jurnallarda hamkorlikda maqolalar chop etish istiqbollari yuzasidan fikr almashildi.

Tomonlar kelgusida doktorantura bosqichida qo‘shma ta’lim dasturlarini amaliyotga joriy etish, ilmiy hamkorlikni yanada mustahkamlash hamda xalqaro darajadagi yuqori malakali ilmiy-pedagogik kadrlar tayyorlash bo‘yicha o‘zaro manfaatli takliflarni muhokama qildilar.

Mazkur uchrashuv O‘zDJTU va Indoneziya oliy ta’lim muassasalari o‘rtasidagi xalqaro ilmiy-ta’limiy hamkorlikni yangi bosqichga olib chiqish, ayniqsa doktorantlar uchun xalqaro ta’lim va ilmiy tadqiqot imkoniyatlarini kengaytirishga xizmat qilishi kutilmoqda.