📚 ADIBLAR XIYOBONIGA MA’NAVIY-MA’RIFIY SAYOHAT

🌿 O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini 2026-yilda amalga oshirish bo‘yicha “Yo‘l xaritasi”ning 31-bandi hamda Oliy ta’lim, fan va innovatsiyalar vazirligining 2026-yil 11-sentabrdagi 04/61-7826-sonli xatiga muvofiq, 2026-yil 14-sentabr kuni O‘zbekiston davlat jahon tillari universiteti Ingliz tili 1-fakulteti 1-bosqich talabalari ishtirokida Adiblar xiyobonida ma’naviy-ma’rifiy va sport tadbirlari tashkil etildi.

📖 Tadbir taniqli shoir va tarjimon Aleksandr Faynberg haykali poyida o‘tkazilib, yoshlarning adabiyotga bo‘lgan qiziqishini oshirish, milliy va jahon adabiyoti namoyandalarining ijodiy merosini o‘rganish hamda talabalarning bo‘sh vaqtini mazmunli tashkil etishga qaratildi.

🎭 Tadbir davomida talabalarga Adiblar xiyobonida o‘rnatilgan haykallar, adib va shoirlarning hayoti hamda ijodiy faoliyati haqida ma’lumotlar berildi. Talabalar o‘zlari bilgan ma’lumotlarni o‘zaro almashib, adabiyot namoyandalarining boy ijodiy merosi yuzasidan fikr va mulohazalarini bildirdilar.

🏃‍♀️ Shuningdek, tadbirning sport qismida talabalar o‘rtasida turli harakatli sport o‘yinlari tashkil etilib, ularning jamoaviy hamkorligi, faolligi va sog‘lom turmush tarziga bo‘lgan qiziqishini oshirishga alohida e’tibor qaratildi.

😊 Mazkur ma’naviy-ma’rifiy sayohat 1-bosqich talabalari uchun ko‘tarinki kayfiyatda, do‘stona va samimiy muhitda o‘tkazildi.

🌱 Bunday tadbirlar yoshlarning ma’naviy dunyoqarashini boyitish, kitobxonlik va adabiyotga bo‘lgan qiziqishini oshirish, shuningdek, ularni faol va tashabbuskor bo‘lishga undashda muhim ahamiyat kasb etadi.

https://t.me/first_faculty_official

Talabalarning yashash sharoitlari o‘rganildi

O‘zbekiston davlat jahon tillari universiteti Ingliz tili 1-fakulteti dekani Azzamov Yusuf Radjaboyevich fakultet rahbariyati bilan birgalikda 1- va 2-sonli talabalar turar joylariga tashrif buyurib, talabalarning yashash sharoitlari bilan yaqindan tanishdi.

Tashrif davomida talabalar turar joylaridagi xonalar, umumiy foydalanish hududlari hamda sanitariya-gigiyena holati ko‘zdan kechirildi. Talabalarning yashashi, dam olishi va ta’lim olishi uchun yaratilgan sharoitlar o‘rganilib, mavjud imkoniyatlar va aniqlangan kamchiliklarga alohida e’tibor qaratildi.

Shuningdek, fakultet rahbariyati tomonidan talabalar bilan bevosita suhbatlar o‘tkazilib, ularning turar joyidagi sharoitlari, kundalik ehtiyojlari, mavjud muammolari va takliflari tinglandi. Talabalarning murojaatlari yuzasidan mas’ullar bilan fikr almashilib, ularni imkon qadar tezkor hal etish bo‘yicha tegishli choralarni ko‘rish masalalari muhokama qilindi.

O‘rganish jarayonida talabalarning xavfsizligi, sanitariya-gigiyena talablariga rioya etilishi, xonalarda tartib-intizomni ta’minlash hamda turar joylarda sog‘lom ma’naviy-ijtimoiy muhitni shakllantirish masalalariga ham e’tibor qaratildi.

Tashrif yakunida talabalar uchun yanada qulay, xavfsiz va munosib yashash sharoitlarini yaratish, aniqlangan kamchiliklarni bartaraf etish hamda talabalar murojaatlarini o‘z vaqtida ko‘rib chiqish yuzasidan fakultet mas’ullariga tegishli tavsiya va topshiriqlar berildi.

Bunday o‘rganishlar talabalarning yashash sharoitlarini muntazam nazorat qilish, ularning muammolarini bevosita o‘rganish va mavjud masalalarni o‘z vaqtida hal etishga xizmat qiladi.

📚 TYUTOR VA TALABALAR O‘RTASIDA OCHIQ MULOQOT O‘TKAZILDI

O‘zbekiston Respublikasi Vazirlar Mahkamasining 2025-yil 17-oktabrdagi “Oliy ta’lim tashkilotlarida tyutorlik faoliyatini tashkil etish tartibi to‘g‘risida nizomni tasdiqlash haqida”gi 656-son qarori 2-ilovasi bilan tasdiqlangan chora-tadbirlar rejasining 13.1-bandida talabalar va tyutorlar o‘rtasida muntazam uchrashuvlar, davra suhbatlari hamda ochiq muloqot sessiyalarini tashkil etish vazifasi belgilangan.

Mazkur vazifalar ijrosini ta’minlash maqsadida O‘zbekiston davlat jahon tillari universiteti Ingliz tili 1-fakultetida talabalar bilan navbatdagi ochiq muloqot tashkil etildi.

Muloqot jarayonida Ingliz tili 1-fakulteti tyutori D.D. Xurramova o‘ziga biriktirilgan guruh talabalari bilan uchrashib, ularning ta’lim jarayonidagi ishtiroki, o‘quv faoliyati, fakultetdagi ijtimoiy-ma’naviy muhitga moslashuvi hamda talabalik davridan unumli foydalanish masalalari yuzasidan suhbat olib bordi.

Ochiq muloqot davomida talabalar o‘zlarini qiziqtirgan savollar, taklif va mulohazalarini erkin bayon etdilar. Shuningdek, talabalarning murojaatlarini tinglash, mavjud muammolarni aniqlash va ularni o‘z vaqtida hal etish bo‘yicha tegishli tavsiyalar berildi.

Bunday uchrashuvlar talaba va tyutor o‘rtasidagi samarali hamkorlikni mustahkamlash, yoshlarning muammolarini o‘rganish, ularning tashabbuslarini qo‘llab-quvvatlash hamda ta’lim-tarbiya jarayonining samaradorligini oshirishga xizmat qiladi.

🇺🇿 Ingliz tili 1-fakulteti — yoshlar bilan hamnafas, ularning har bir tashabbusi va muammosiga e’tiborli!