🎓 1-kurs talabalari bilan profilaktik suhbat o‘tkazildi

O'zbekiston davlat jahon tillari universiteti Ingliz tili 1-fakulteti 1-kurs talabalari ishtirokida odob-axloq qoidalariga rioya qilish, ichki tartib-intizom, talabalarning huquq va majburiyatlari hamda profilaktik masalalar yuzasidan ma’rifiy suhbat tashkil etildi.

🗓Suhbatda xotin-qizlar masalalari bo‘yicha rektor maslahatchisi Sh. Shamutalova, IPMBIB boshlig‘i F. Xabiyeva, shu bo'lim fakultet mutaxassisi D.Matyakubova,profilaktika inspektori M. Nurmuhammedova hamda tyutorlar ishtirok etib, talabalarga universitetning odob-axloq qoidalariga qat’iy rioya qilish, ta’lim jarayonida faol va mas’uliyatli bo‘lish, jamoat joylarida o‘zini munosib tutish hamda turli salbiy holatlarning oldini olish bo‘yicha tushuntirishlar berdilar.

📚Bunday uchrashuvlar talabalarning huquqiy va ijtimoiy madaniyatini yuksaltirish, universitet muhitida sog‘lom ma’naviy-axloqiy muhitni mustahkamlash hamda turli huquqbuzarliklarning oldini olishda muhim ahamiyat kasb etadi.

🌐 Biz ijtimoiy tarmoqlarda:
Telegram | Instagram

🇺🇿 “Yagona Vatan, yagona xalq bo‘lib, yangi hayot va kelajak yaratamiz!”

“35-10-10” formati asosida “Mustaqillik darsi” o‘tkazildi
Ingliz tili 1-fakulteti talabalari ishtirokida Tyutorlar Sh.Xo’janiyozva,D.Xurramova hamda Y.Tadjiyeva tomonidan O‘zbekiston Respublikasi mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Mustaqillik darsi” tashkil etildi.

Tadbir davomida talabalarga mustaqillikning tarixiy ahamiyati, yurtimizda amalga oshirilayotgan islohotlar, milliy qadriyatlar hamda yoshlarning Vatan ravnaqidagi o‘rni haqida ma’lumotlar berildi.Shuningdek, talabalar bilan ochiq muloqot, savol-javob va interaktiv mashg‘ulotlar o‘tkazilib, ularning Vatanga dahldorlik va kelajakka bo‘lgan ishonchini yanada mustahkamlashga e’tibor qaratildi.

🇺🇿Yagona Vatan — yagona xalq — yagona maqsad!

🌐Biz ijtimoiy tarmoqlarda:
Telegram | Instagram

🆕Inklyuziv ta’lim - teng imkoniyatlar muhiti

Inklyuziv ta’lim -ta’lim oluvchilarning individual ehtiyojlari, imkoniyatlari va psixologik xususiyatlarini inobatga olgan holda, barcha talabalar uchun teng ta’lim olish imkoniyatini ta’minlashga qaratilgan yondashuvdir.

Joriy yilning 21-sentabr kuni universitet psixologi Z.Xayrullayeva hamda Ingliz tili 1-fakulteri tyutori Yu. Muxiddinova hamkorligida nogironligi bo‘lgan va ijtimoiy himoyaga muhtoj talabalarni psixologik qo‘llab-quvvatlash, ijtimoiy-psixologik moslashuvini kuchaytirish hamda inklyuziv ta’lim muhitini shakllantirishga qaratilgan uchrashuv tashkil etildi.
Uchrashuv davomida talabalarga universitetda inklyuziv ta’lim tamoyillari asosida yaratilgan shart-sharoitlar, mavjud imkoniyatlar va ta’lim jarayonida foydalanishlari mumkin bo‘lgan qulayliklar haqida batafsil ma’lumot berildi.
Shuningdek, talabalarning psixologik farovonligini ta’minlash, ta’lim muhitiga muvaffaqiyatli moslashuvini qo‘llab-quvvatlash, shaxsiy imkoniyatlarini ro‘yobga chiqarish va ijtimoiy faolligini oshirish masalalariga alohida e’tibor qaratildi.

Suhbat jarayonida psixologik xizmatning asosiy yo‘nalishlari, psixologga murojaat qilish tartibi, individual psixologik maslahat olish imkoniyatlari hamda psixologik yordamning maxfiylik tamoyili asosida amalga oshirilishi tushuntirildi.
Uchrashuv yakunida talabalar uchun psixologik xavfsiz, qo‘llab-quvvatlovchi va diskriminatsiyadan xoli ta’lim muhitini shakllantirish, ularning huquq va manfaatlarini psixologik jihatdan qo‘llab-quvvatlash hamda ta’lim jarayonida teng imkoniyatlarni ta’minlash muhimligi ta’kidlandi.

🌐Biz ijtimoiy tarmoqlarda:
Telegram | Instagram