🟦🟦🟦Adaptatsion jarayonni yaxshilashga qaratilgan psixologik trening

Joriy yilning 22-sentabr kuni O‘zbekiston davlat jahon tillari universiteti psixologi Z. Xayrullayeva hamda Ikkinchi ingliz tili fakulteti tyutori M. Kenjayeva hamkorligida talabalarning yangi ta’lim muhitiga ijtimoiy-psixologik moslashuvini qo‘llab-quvvatlash maqsadida psixologik trening mashg‘uloti tashkil etildi.

Treningning asosiy maqsadi talabalarning moslashish jarayonini yengillashtirish, guruhdagi ijtimoiy-psixologik iqlimni yaxshilash, guruhiy birdamlikni mustahkamlash hamda o‘zaro samarali muloqot ko‘nikmalarini rivojlantirishdan iborat bo‘ldi.
Mashg‘ulot davomida ishtirokchilarning guruhga integratsiyalashuvi, o‘zaro ishonch, empatik munosabat, faol tinglash va konstruktiv muloqot ko‘nikmalarini shakllantirishga qaratilgan interaktiv psixologik mashqlardan foydalanildi.

Shuningdek, har bir guruh a’zosining individual psixologik xususiyatlari, shaxsiy imkoniyatlari va guruhdagi ijtimoiy rolini anglashiga sharoit yaratildi. Trening jarayonida talabalarni jamoaviy faoliyatga jalb etish, o‘z fikrini erkin ifodalash va guruhdagi o‘z rolini konstruktiv tarzda namoyon etishiga alohida e’tibor qaratildi.
Mashg‘ulot yakunida talabalarda ijtimoiy moslashuvchanlik, o‘zaro qo‘llab-quvvatlash, jamoaviy hamkorlik va psixologik qulaylikni kuchaytirishga qaratilgan tavsiyalar berildi.

🌐Biz ijtimoiy tarmoqlarda:
Telegram | Instagram

❗ Oʻzbekiston davlat jahon tillari universiteti Ingliz tili 1-fakultetida 1-kurs talabalari uchun tibbiy koʻrik tashkil etildi

Tekin tibbiy koʻrikka tajribali shifokorlar jalb etildi hamda ular tomonidan turli kasalliklarning oldini olish, to‘g‘ri ovqatlanish, kun tartibiga rioya qilish va jismoniy faollikni oshirish bo‘yicha tavsiyalar berildi.

Mazkur tibbiy ko‘rik talabalarning salomatligiga jiddiy e’tibor qaratish, sog‘lom turmush tarzini targ‘ib qilish va profilaktik chora-tadbirlarni kuchaytirishga xizmat qiladi.

🌐Biz ijtimoiy tarmoqlarda:
Telegram | Instagram

🟦🟦🟦

REKTOR IJARA XONADONLARIDA BO‘LDI

O‘zbekiston davlat jahon tillari universiteti rektori Ilxomjon Tuxtasinov Ingliz tili 1-fakulteti talabalarining yashash sharoitlari bilan yaqindan tanishish maqsadida ular istiqomat qilayotgan ijara xonadonlariga tashrif buyurdi.

Tashrif davomida rektorga fakultet dekani va mas’ul xodimlar hamrohlik qildi. Talabalarning yashash sharoiti, xavfsizligi, maishiy qulayliklari va mavjud ehtiyojlari o‘rganildi.

Rektor xonadon egalari va talabalar bilan suhbatlashib, ularning kundalik turmushi, oziq-ovqat ta’minoti hamda dars tayyorlashlari uchun yaratilgan sharoitlar bilan qiziqdi. Talabalarning taklif va mulohazalari tinglanib, murojaatlari yuzasidan tegishli tushuntirishlar berildi.

Shuningdek, talabalarga isitish tizimlaridan foydalanishda ehtiyotkor bo‘lish, elektr energiyasidan oqilona foydalanish, elektr jihozlarini nazoratsiz qoldirmaslik hamda yong‘in xavfsizligi qoidalariga qat’iy rioya qilish yuzasidan tavsiyalar berildi.

Rektor talabalar uchun xavfsiz va qulay yashash sharoitlarini ta’minlash muhimligini ta’kidladi.

🌐 Biz ijtimoiy tarmoqlarda:
Telegram | Instagram | Facebook | Sayt