📢OCHIQ MULOQOT: TAKLIFLAR VA YANGI TASHABBUSLAR

📅12-oktabr kuni O'zDJTU Ingliz tili 1-fakultetida "Qizlarjon" klubi, "Lider qizlar" klubi hamda yoshlar masalalari bo'yicha mas'ullar ishtirokida ochiq suhbat bo'lib o'tdi.
Suhbatda Ingliz tili 1-fakulteti xotin-qizlar masalalari bo'yicha dekan maslahatchisi Tojibayeva N.K hamda Ingliz tili 1-fakulteti yoshlar masalalari bo'yicha dekan maslahatchisi Murtozayev J.J. ishtirok etdilar.

Muloqot davomida fakultetda rejalashtirilgan tadbirlar, yangi tashabbuslar va talabalar faolligini oshirishga qaratilgan takliflar muhokama qilindi. Mas'ul talaba qizlar o'z g'oya va takliflarini taqdim etib, fakultet hayotini yanada mazmunli va faol qilish yuzasidan fikr almashdilar.

Shu munosabat bilan "Lider qizlar" klubi raisi Mardonova Shohida Shodmonovna hamda "Qizlarjon" klubi raisi Yuldasheva Aziza Umid qizini yangi va mas'uliyatli vazifaga tayinlanishlari bilan samimiy tabriklaymiz! Ularga kelgusi faoliyatlarida ulkan muvaffaqiyat, kuch-g'ayrat va yangi tashabbuslarda omad tilaymiz!.

Ochiq muloqot, yangi g'oyalar, samarali hamkorlik va ezgu tashabbuslar sari muhim qadam.

🌐Biz ijtimoiy tarmoqlarda:
📱Telegram | 📱Instagram

🟦🟦🟦

O‘ZDJTUDA XALQARO QIZLAR KUNI MUNOSABATI BILAN BAYRAM TADBIRI BO‘LIB O‘TDI

O‘zbekiston davlat jahon tillari universitetida 11-oktabr — Xalqaro qizlar kuni munosabati bilan bayram tadbiri hamda “Lider qizlar” va “Qizlarjon” klublari a’zolari uchrashuvi tashkil etildi.

Tadbirda O‘zDJTU rektori Ilxomjon Tuxtasinov hamda rektorning xotin-qizlar masalalari bo‘yicha maslahatchisi Shohida Batirovna ishtirok etdi.

Tadbirni ochib bergan O‘zDJTU rektori Ilxomjon Tuxtasinov o‘z nutqida Xalqaro qizlar kunining mazmun-mohiyati, mamlakatimizda xotin-qizlarni qo‘llab-quvvatlash, ularning ta’lim olishi, o‘z salohiyatini ro‘yobga chiqarishi va jamiyat hayotida faol ishtirok etishi uchun yaratilayotgan imkoniyatlar haqida to‘xtaldi.

Rektor o‘z tabrigida qizlarni Vatan kelajagining bunyodkorlari sifatida e’tirof etib, ularning bilim olishi, yetakchilik qobiliyatlarini rivojlantirishi va yangi marralarni zabt etishi muhimligini ta’kidladi. Shuningdek, yosh qizlarning tashabbuslarini qo‘llab-quvvatlash, ularda mas’uliyat va liderlik ko‘nikmalarini shakllantirishga alohida e’tibor qaratdi.

Bayram doirasida “Lider qizlar” va “Qizlarjon” klublari faoliyati, ularning tashabbuslarini yanada rivojlantirish hamda qizlarning universitet hayotidagi faolligini oshirish masalalari yuzasidan fikr almashildi. Shuningdek, klublar sardorlariga ishonchnomalar topshirish marosimi bo‘lib o‘tdi.

Bayram tadbiri samimiy muloqot, ezgu tilaklar va ko‘tarinki kayfiyatda o‘tdi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦

INGLIZ TILI 1-FAKULTETIDA O‘TKAZILGAN TADBIRLAR.

Bugun O‘zbekiston davlat jahon tillari universiteti Ingliz tili 1-fakultetida talaba-yoshlarning ma’naviy dunyoqarashini kengaytirish, milliy qadriyatlarni ulug‘lash, sog‘lom turmush tarzini targ‘ib qilish hamda talabalar faolligini oshirishga qaratilgan qator tadbirlar tashkil etildi.

🇺🇿Milliy qadriyatlar targ‘iboti
“Intellektual haftalik” doirasida “Salom challenge” tashabbusi o‘tkazilib, professor-o‘qituvchilar va talabalar milliy liboslarda kutib olindi. Tashabbus milliy qadriyatlar va o‘zlikni anglash tuyg‘ularini mustahkamlashga xizmat qildi.

⚖️Giyohvandlikka qarshi kurash
“Giyohvandlikka qarshi kurashish — sog‘lom hayot garovi” mavzusidagi profilaktik tadbirda zararli odatlarning salbiy oqibatlari, huquqiy savodxonlik va sog‘lom turmush tarzining ahamiyati muhokama qilindi.

🟢“Inson qadri uchun!” tamoyili
Prezident Shavkat Mirziyoyevning davlat mustaqilligining 35 yilligiga bag‘ishlangan tantanali marosimdagi nutqi mazmun-mohiyatiga bag‘ishlangan ma’rifiy uchrashuvda inson qadr-qimmati, bag‘rikenglik, o‘zaro hurmat va mas’uliyat masalalariga e’tibor qaratildi.

📍Ochiq muloqot: yangi tashabbuslar
“Qizlarjon” va “Lider qizlar” klublari hamda yoshlar masalalari bo‘yicha mas’ullar ishtirokida ochiq muloqot o‘tkazildi. Unda kelgusi rejalar, yangi g‘oyalar va talabalar faolligini oshirish masalalari muhokama qilindi. Shuningdek, klub raislariga yangi vazifalarida muvaffaqiyatlar tilandi.

✅Mazkur tadbirlar talabalarning ma’naviy kamoloti, milliy qadriyatlarga hurmati va ijtimoiy faolligini oshirishga xizmat qiladi.

🌐 Bizni ijtimoiy tarmoqlarda kuzating:
📱Telegram | 📱Instagram