🟦🟦Talabalar yashash sharoitlari doimiy e’tiborda

Bugun Ingliz tili birinchi fakulteti dekani Azzamov Yusuf Radjaboyevich, yoshlar masalalari va ma’naviy-marifiy ishlar boʻyicha dekan muovini Lapasov Nizomiddin Shakarboyevich, Matyakubova Dinora Anvarovna, Mahliyo Ayubjanovna hamda bir guruh mas’ullar ijara xonadonlarida istiqomat qilayotgan talabalar xonadonlariga tashrif buyurdilar.

Tashrif davomida talabalar uchun yaratilgan yashash va mustaqil ta’lim olish sharoitlari, xonadonlarning kuz-qish mavsumiga tayyorgarligi hamda texnika xavfsizligi qoidalariga rioya etilishi atroflicha o‘rganildi.
Shuningdek, dekan talaba-yoshlar bilan samimiy suhbatlashib, ularning o‘qish jarayonidagi takliflari, maishiy muammolari va ehtiyojlarini tingladi.

🌐Biz ijtimoiy tarmoqlarda:
📱Telegram | 📱Instagram

🟦🟦🟦
Fakultetimizda dekan kubogi uchun zakovat turniri boʻlib oʻtdi

Ingliz tili 1-fakulteti talabalari oʻrtasida bilimlarni sinovdan oʻtkazuvchi, mantiqiy fikrlash va jamoaviy bahsga boy boʻlgan Zakovat intellektual oʻyini yuqori saviyada tashkil etildi.

Oʻyinda eng kuchli, bilimdon va chaqqon jamoalar oʻzaro kuch sinashdilar. Har bir savol jamoalardan tezkorlik, teran fikrlash va ajoyib jamoaviy hamjihatlikni talab etdi.

Barcha qatnashchilarga faollik va qiziqarli oʻyin uchun minnatdorchilik bildiramiz.Gʻolib boʻlgan jamoalarni samimiy muborakbod etamiz va kelgusi intellektual bellashuvlarda ham ulkan zafarlar tilaymiz.

🌐Biz ijtimoiy tarmoqlarda:
📱Telegram | 📱Instagram

🟦🟦🟦🟦

INGLIZ TILI 1-FAKULTETIDA O‘TKAZILGAN TADBIRLAR

Bugun O‘zbekiston davlat jahon tillari universiteti Ingliz tili 1-fakultetida talabalar uchun munosib sharoitlar yaratish, kitobxonlik madaniyatini rivojlantirish hamda talaba-yoshlarning intellektual salohiyati va faolligini oshirishga qaratilgan qator tadbirlar amalga oshirildi.

📍 Talabalar yashash sharoitlari — doimiy e’tiborda.
Fakultet mas’ullari tomonidan ijara xonadonlarida istiqomat qilayotgan talabalar holidan xabar olindi. Tashrif davomida talabalarning yashash va mustaqil ta’lim olish sharoitlari, xonadonlarning kuz-qish mavsumiga tayyorgarligi hamda texnika xavfsizligi qoidalariga rioya etilishi o‘rganildi. Shuningdek, talabalar bilan samimiy muloqot o‘tkazilib, ularning takliflari, ehtiyojlari va mavjud muammolari tinglandi.

🇺🇿 Book Club — kitobxonlik sari ilk qadam.
Fakultetda tashkil etilgan Book Club loyihasining ilk uchrashuvi bo‘lib o‘tdi. Uchrashuv davomida ishtirokchilar o‘zaro tanishib, klubning asosiy maqsadlari, faoliyat yo‘nalishlari va kelgusidagi rejalari bilan tanishdilar. Mazkur loyiha yoshlar o‘rtasida kitobxonlik madaniyatini rivojlantirish, fikr almashish va bilim doirasini kengaytirishga xizmat qiladi.

📚 Dekan kubogi — Zakovat intellektual turniri.
Fakultet talabalari o‘rtasida Dekan kubogi doirasida «Zakovat» intellektual o‘yinining saralash — fakultet bosqichi tashkil etildi. Bellashuv davomida jamoalar o‘z bilimlari, mantiqiy fikrlash qobiliyati, zukkoligi va tezkorligini namoyon etdilar. Mazkur musobaqa talaba-yoshlarning intellektual salohiyatini yuzaga chiqarish hamda jamoaviy hamkorlik ko‘nikmalarini mustahkamlashga qaratildi.

✅ Ushbu tashabbuslar talabalar uchun munosib sharoitlar yaratish, kitobxonlikni keng targ‘ib etish va yoshlarning intellektual salohiyatini rivojlantirishga xizmat qiladi.

🌐 Bizni ijtimoiy tarmoqlarda kuzating:
📱Telegram | 📱Instagram