🟦🟦🟦🟦

INGLIZ TILI 1-FAKULTETIDA O‘TKAZILGAN TADBIRLAR

Bugun O‘zbekiston davlat jahon tillari universiteti Ingliz tili 1-fakultetida talabalar uchun munosib sharoitlar yaratish, kitobxonlik madaniyatini rivojlantirish hamda talaba-yoshlarning intellektual salohiyati va faolligini oshirishga qaratilgan qator tadbirlar amalga oshirildi.

📍 Talabalar yashash sharoitlari — doimiy e’tiborda.
Fakultet mas’ullari tomonidan ijara xonadonlarida istiqomat qilayotgan talabalar holidan xabar olindi. Tashrif davomida talabalarning yashash va mustaqil ta’lim olish sharoitlari, xonadonlarning kuz-qish mavsumiga tayyorgarligi hamda texnika xavfsizligi qoidalariga rioya etilishi o‘rganildi. Shuningdek, talabalar bilan samimiy muloqot o‘tkazilib, ularning takliflari, ehtiyojlari va mavjud muammolari tinglandi.

🇺🇿 Book Club — kitobxonlik sari ilk qadam.
Fakultetda tashkil etilgan Book Club loyihasining ilk uchrashuvi bo‘lib o‘tdi. Uchrashuv davomida ishtirokchilar o‘zaro tanishib, klubning asosiy maqsadlari, faoliyat yo‘nalishlari va kelgusidagi rejalari bilan tanishdilar. Mazkur loyiha yoshlar o‘rtasida kitobxonlik madaniyatini rivojlantirish, fikr almashish va bilim doirasini kengaytirishga xizmat qiladi.

📚 Dekan kubogi — Zakovat intellektual turniri.
Fakultet talabalari o‘rtasida Dekan kubogi doirasida «Zakovat» intellektual o‘yinining saralash — fakultet bosqichi tashkil etildi. Bellashuv davomida jamoalar o‘z bilimlari, mantiqiy fikrlash qobiliyati, zukkoligi va tezkorligini namoyon etdilar. Mazkur musobaqa talaba-yoshlarning intellektual salohiyatini yuzaga chiqarish hamda jamoaviy hamkorlik ko‘nikmalarini mustahkamlashga qaratildi.

✅ Ushbu tashabbuslar talabalar uchun munosib sharoitlar yaratish, kitobxonlikni keng targ‘ib etish va yoshlarning intellektual salohiyatini rivojlantirishga xizmat qiladi.

🌐 Bizni ijtimoiy tarmoqlarda kuzating:
📱Telegram | 📱Instagram

🟦🟦🟦

🏆 DEKAN KUBOGI: “ZAKOVAT” INTELLEKTUAL TURNIRI G‘OLIBLARI TAQDIRLANDI!

📚 Kecha Ingliz tili 1-fakulteti talabalari o‘rtasida bilim, mantiqiy fikrlash va jamoaviy hamjihatlikni sinovdan o‘tkazuvchi “Zakovat” intellektual turniri yuqori saviyada tashkil etildi. 🔥

✨ Bugun esa musobaqada g‘oliblikni qo‘lga kiritgan jamoalarni tantanali taqdirlash marosimi bo‘lib o‘tdi.

🥇 1-o‘rin — Slyzerin 🏆
🥈 2-o‘rin — She Knows 🥈
🥉 3-o‘rin — Nova va Everest 🎖️

👏 Barcha ishtirokchilarni munosib natijalari bilan tabriklaymiz! G‘olib jamoalarga kelgusidagi bellashuvlarda ham ulkan zafarlar, yangi marralar va yanada katta muvaffaqiyatlar tilaymiz!

🧠 Zakovat — bilim, tafakkur va g‘alaba sari yo‘l! 🚀

🌐Biz ijtimoiy tarmoqlarda:
📱Telegram | 📱Instagram

🇺🇿Oʻzbekiston davlat jahon tillari universiteti Ingliz tili 1-fakultetida navbatdagi samarali ochiq dars

2026-yil, 14-oktabr kuni Ingliz tili 1-fakulteti Ingliz tili amaliy fanlar 1-kafedrasi stajyor-o’qituvchisi Ismoilova Marxabo tomonidan “Og‘zaki nutq amaliyoti” fanidan rejalashtirilgan ochiq dars muvaffaqiyatli tarzda o‘tkazildi.

✅Dars mavzusi: “Traditions of English-speaking countries”
✅Dars davomida zamonaviy metodlar qo‘llandi:
— Student-centered approach
— Interactive speaking tasks
— Pair & group discussions

Mashg‘ulot ikki nafar tajribali o‘qituvchi tomonidan kuzatildi.Talabalar esa mashg‘ulot jarayonining jonli, qiziqarli va amaliy ko‘nikmalarni rivojlantirishga qaratilganini ta’kidlab, faol ishtirok etishdi.

O‘tkazilgan ochiq dars nafaqat bilim almashish maydoni, balki zamonaviy pedagogik strategiyalarni amalda sinab ko‘rish va tajriba almashish uchun ham muhim platforma bo‘ldi.

🌐Biz ijtimoiy tarmoqlarda:
📱Telegram | 📱Instagram

🎭✨ IJODIY KASTING: ISTE’DODLAR NAMOYISHI! 🎤💃

🇺🇿 Bugun O‘zbekiston davlat jahon tillari universiteti Ingliz tili 1-fakultetida universitet miqyosida tashkil etiladigan teatr spektakli va ijodiy chiqishlar uchun iqtidorli talabalarni saralash maqsadida kasting bo‘lib o‘tdi.

🎬 Kasting davomida talabalarning aktyorlik mahorati, obrazga kirish qobiliyati, sahnada o‘zini tutishi hamda ijodiy salohiyati sinovdan o‘tkazildi. Shuningdek, qo‘shiqchilik va raqs yo‘nalishlarida ishtirok etgan talabalar o‘z iste’dodlarini namoyish etdilar.

❗️Kasting doirasida teatr bosqichiga saralash ham o‘tkazilib, talabalarning turli obrazlarni gavdalantirish mahorati, sahnaviy qobiliyati va ijro salohiyati baholandi. Natijalarga ko‘ra, kelgusidagi teatr spektakli va ijodiy chiqishlarda ishtirok etish uchun munosib nomzodlar saralab olindi.

✔️ Mazkur tashabbus talabalarning iste’dodlarini yuzaga chiqarish, ijodiy salohiyatini rivojlantirish hamda universitetimizning madaniy-ma’rifiy hayotida faol ishtirok etishlari uchun keng imkoniyatlar yaratadi.

👏 Kastingda faol qatnashgan barcha talabalarga minnatdorlik bildiramiz!

🌐Biz ijtimoiy tarmoqlarda:
📱Telegram | 📱Instagram