🟦🟦🟦🟦

INGLIZ TILI 1-FAKULTETIDA O‘TKAZILGAN TADBIRLAR

📆 Bugun O‘zbekiston davlat jahon tillari universiteti Ingliz tili 1-fakultetida talaba-yoshlarning sportga bo‘lgan qiziqishini oshirish, ilmiy salohiyatini rivojlantirish hamda ekologik madaniyatini yuksaltirishga qaratilgan qator tadbirlar o‘tkazildi.

⚽️ Sport musobaqalari doirasida futbol va voleybol bo‘yicha saralash o‘yinlari o‘tkazilib, universitet miqyosidagi bellashuvlarda fakultet sharafini himoya qiladigan iqtidorli talabalar tanlab olindi.

📚 “Ilm — kelajak poydevori” to‘garagi mashg‘ulotida ilmiy maqola va ilmiy tezisning farqlari, akademik yozuv tamoyillari ilmiy ishlarni tayyorlash masalalari yoritildi.

🌿 Eco Union jamoasi tomonidan ekologik madaniyatni yuksaltirish, universitet hududida ozodalikni saqlash va yoshlarda tabiatga nisbatan mas’uliyat hissini kuchaytirishga qaratilgan faoliyat olib borildi.

✅ Mazkur tadbirlar talabalarning sport, ilm-fan va ekologiya yo‘nalishlaridagi faolligini yanada oshirish hamda ularning tashabbuslarini qo‘llab-quvvatlashga qaratildi.

🌐Biz ijtimoiy tarmoqlarda:
📱Telegram | 📱Instagram

📚 MA’NAVIY-MA’RIFIY TASHRIF

Ingliz tili 1-fakulteti tyutori N.M.Masadikova o‘ziga biriktirilgan talabalar bilan birgalikda Adiblar xiyobonida joylashgan Toshkent muzeyiga tashrif buyurdi.

✨ Mazkur tashrifdan ko‘zlangan maqsad — talaba-yoshlarning tarixiy va madaniy merosimizga bo‘lgan qiziqishini oshirish, ularning ma’naviy dunyoqarashini kengaytirish hamda milliy qadriyatlarimizga hurmat ruhida tarbiyalashdan iborat.

🏛️ Tashrif davomida talabalar yurtimiz tarixi, boy madaniy merosi va buyuk ajdodlarimizning hayot yo‘li haqida qimmatli ma’lumotlarga ega bo‘ldilar. Bunday ma’naviy-ma’rifiy tadbirlar yosh avlodning bilim va tafakkurini boyitish, ularda milliy g‘urur va vatanparvarlik tuyg‘ularini mustahkamlashda muhim ahamiyat kasb etadi.

🇺🇿 Ma’naviyatli yoshlar — yurt kelajagi!

🌐Biz ijtimoiy tarmoqlarda:
📱Telegram | 📱Instagram