🟦🟦🟦
🇺🇿Oʻzbekiston davlat jahon tillari universiteti 1-ingliz tili fakultetida talaba-yoshlarning boʻsh vaqtini mazmunli tashkil etish hamda ularni jismoniy faollikka targʻib qilish maqsadida qizgʻin va murosasiz sport oʻyinlari boʻlib oʻtdi

Tadbir boshida fakultet dekani Azzamov Yusuf Radjaboyevich tomonidan qizgʻin nutq soʻzlanib, yoshlarga sportda zafarlar, ahillik va koʻtarinki kayfiyat tilandi.Musobaqa davomida talabalarimiz oʻzlarining chaqqonligi, jamoaviy birdamligi va gʻalabaga boʻlgan irodasini yaqqol namoyon etishdi.

Har bir bahs doʻstona ruh va quvnoq olqishlar ostida oʻtdi.
Musobaqa barcha gʻolib va faol ishtirokchilarda unutilmas taassurotlar qoldirdi.

🌐Biz ijtimoiy tarmoqlarda:
📱Telegram | 📱Instagram

➡️Universitetimizda start olgan “Kitobxonlik haftaligi” ning ilk kuni o‘ziga xos kayfiyat va samimiyatga boy “Salom challenge” bilan boshlandi

Milliy kiyim — milliy g‘urur
Milliy liboslarimiz xalqimizning boy tarixi, o‘zligi va ajdodlarimizdan meros bo‘lib kelayotgan bebaho qadriyatlarimizni o‘zida mujassam etadi. Erta tongdan “Talaba qizlar” yo‘nalishi hamda Ingliz tili 1-fakulteti hamkorligida universitetimizga kelgan professor-o‘qituvchilar hamda talabalar milliy liboslarda samimiy kutib olindi. Ularga iliq tilaklar bildirilishi va xush kayfiyat ulashilishi kunning yanada fayzli boshlanishiga sabab bo‘ldi.

🌐Biz ijtimoiy tarmoqlarda:
📱Telegram | 📱Instagram

💙💙💙
Oktyabr — “Sog‘lomlashtirish oyi” munosabati bilan Ingliz tili 1-fakultetida Sh.Xo’janiyozovaga biriktirilgan 2522-guruh talabasi Abdusamadova Feruza tashabbusi bilan “Oktyabr — salomatlik sari yangi qadam” shiori ostida mazmunli va ko‘tarinki ruhda sog‘lomlashtirish treningi tashkil etildi.

Treningning asosiy maqsadi talaba-yoshlar o‘rtasida sog‘lom turmush tarzini keng targ‘ib qilish, jismoniy faollikni kundalik hayotning ajralmas qismiga aylantirish, sog‘lom odatlarning inson salomatligi va hayot sifatidagi ahamiyatini yanada chuqurroq anglatishdan iborat bo‘ldi.

Treningning eng qizg‘in va zavqli lahzalarida talabalar ikki jamoaga bo‘linib, o‘zaro bellashdilar. Har bir topshiriq jamoaviy birdamlik, chaqqonlik, topqirlik, tezkorlik va o‘zaro qo‘llab-quvvatlashni talab etdi. Ishtirokchilar har bir mashq orqali nafaqat ballar to‘plashga, balki o‘z imkoniyatlarini namoyon etish, faol bo‘lish va jamoa bilan birgalikda maqsad sari intilishga ham muvaffaq bo‘ldilar.

🌐Biz ijtimoiy tarmoqlarda:
📱Telegram | 📱Instagram

🟦🟦🟦
21-oktyabr Oʻzbek tiliga davlat tili maqomi berilgan kun

🇺🇿1989-yil 21-oktyabr kuni Oʻzbek tiliga davlat tili maqomi berilgani munosabati bilan Oʻzbekiston davlat jahon tillari universiteti Ingliz tili 1-fakultetida oʻzbek tiliga bagʻishlangan bayram tadbiri boʻlib oʻtdi.

Tadbirni Ingliz tili 1-fakulteti dekani Azzamov Yusuf Radjaboyevich ochib berildi hamda barcha yigʻilganlarni xalqimizning bebaho milliy boyligi boʻlmish Oʻzbek tilining davlat tili sifatida qabul qilingan kum bilan samimiy muborakbod etdi. Dekan oʻz nutqida davlat tilining jamiyatimizdagi oʻrni va yoshlar hayotidagi ahamiyatiga alohida toʻxtalib oʻtdi.

Ushbu tantanali tadbirda Oʻzbekiston “Adolat” sotsial-demokratik partiyasi vakillari, xususan, Oʻzbekiston "Adolat" sotsial-demokratik partiyasi Siyosiy Kengashi raisining oʻrinbosari Raxmonov Abdukamol Shodiyevich ishtirok etib, talaba-yoshlarni qutlugʻ bayram bilan samimiy tabrikladi va tilimizning jamiyatdagi oʻrni haqida iliq fikrlar bildirdi.

Tadbir davomida talabalar tomonidan tayyorlangan adabiy-badiiy,shoirona chiqishlar va kuy-qoʻshiqlar yigʻilganlarga koʻtarinki kayfiyat ulashdi. Bu orqali ona tilimizning boyligi va jozibasi yana bir bor yorqin namoyish etildi.

🌐Biz ijtimoiy tarmoqlarda:
📱Telegram | 📱Instagram