❤️❤️❤️
VATAN XOTIRASI — MUQADDAS QADRIYAT

Ingliz tili 1-fakulteti tyutori N.M. Masadikova o‘ziga biriktirilgan talabalar bilan birgalikda Toshkent shahridagi Mustaqillik maydonida joylashgan “Motamsaro ona” haykaliga tashrif buyurdi.

Tashrif davomida talabalar xalqimizning Ikkinchi jahon urushida qurbon bo‘lgan farzandlari xotirasiga hurmat bajo keltirdilar. Mazkur maskan yosh avlod qalbida Vatanga muhabbat, tinchlikning qadriga yetish, tarixiy xotiraga hurmat va ajdodlar jasoratiga ehtirom tuyg‘ularini yanada mustahkamlashda muhim ahamiyat kasb etadi.

🌐Biz ijtimoiy tarmoqlarda:
📱Telegram | 📱Instagram

🇺🇿TRADITIONS OF YOUR NATIVE TOWN

🇺🇿OʻzDJTU 1-ingliz tili fakulteti Ogʻzaki nutq amaliyoti va tinglab tushunish koʻnikmalari fani oʻqituvchisi Irgasheva Madina Irgashovna hamda tyutor Inamova Mahliyo Ayubjonovna boshchiligida 2626-guruh talabalari ishtirokida qiziqarli va mazmunli dars tashkil etildi.

Dars davomida Oʻzbekistonimizning milliy anʼanalari, urf-odatlari, qadriyatlari va madaniyati bilan yaqindan tanishdik. Goʻyo yurtimizning 12 ta viloyati boʻylab sayohat qilib, har bir hududning oʻziga xos jihatlarini kashf etgandek boʻldik.

🌍Mashgʻulotimizda nafaqat yurtimiz viloyatlari, balki Qoraqalpogʻiston hamda Xitoy Respublikasi fuqarolari boʻlgan talabalarimiz ham ishtirok etib, oʻz madaniyati va anʼanalari bilan oʻrtoqlashdilar. Bu esa darsimizga yanada oʻzgacha ruh, rang-baranglik va samimiylik bagʻishladi.

Turli ijodiy topshiriqlar, qiziqarli oʻyinlar va jamoaviy faoliyatlar orqali milliy taomlar, urf-odatlar va betakror anʼanalarni oʻrgandik. Shu bilan birga, ingliz tilida fikr bildirish, tinglab tushunish va jamoada ishlash koʻnikmalarimizni rivojlantirdik.

🌐Biz ijtimoiy tarmoqlarda:
📱Telegram | 📱Instagram

🤝Hamkorlik davom etmoqda

Sergeli tumani 277-IDUM da tashkil etilgan “English club” to’garagidan lavhalar.

📌2026-yil 17-oktabr kuni Ingliz tili amaliy fanlar N°1 kafedrasi 2503-guruh talabasi O’rolova Laylo va 2502-guruh talabasi Xoshimboyeva Rayxona va mas’ul o’qituvchi G’anisher Jurayev tomonidan 277-IDUM da til ko’nikmalarini shakllantirish bo’yicha to’garak mashg’ulotining navbatdagi darsi o’tkazildi. To’garakda 5-“V” va 5-“G” sinf o’quvchilari qatnashdi.

To’garak jarayonida o’quvchilar “Modal verbs” va “Present Simple” bo’yicha yangi ma’lumotlarga ega bo’ldi va bilimlarini mustahkamladi.

Bundan tashqari, dars davomida o’quvchilarga reading testlarni bajarish texnikalari o’rgatildi, mavzu doirasida test ham ishlashdi va o’tilgan mavzuni mustahkamlab olishdi.

🌐Biz ijtimoiy tarmoqlarda:
📱Telegram | 📱Instagram

🟦🟦Talabalar turar joyida psixologik holat o‘rganildi.

Talabalarning ruhiy salomatligini qo‘llab-quvvatlash, ularning psixologik holatini o‘rganish hamda yashash sharoitlari bilan yaqindan tanishish maqsadida talabalar turar joyida uchrashuv tashkil etildi.

Uchrashuv davomida IPMBIB Ingliz tili 1-fakulteti mutaxassisi D.Matyakubova hamda tyutor M.Allamova talabalar holidan xabar olib, ularning kayfiyati, ruhiy holati va kundalik hayotiga oid masalalar bilan qiziqdilar. Talabalar bilan samimiy suhbatlar o‘tkazilib, ularning muammo va takliflari tinglandi.

Shuningdek, talabalarga zarur hollarda psixologik yordam ko‘rsatish, ularni har tomonlama qo‘llab-quvvatlash hamda sog‘lom ma’naviy-psixologik muhitni shakllantirishga alohida e’tibor qaratildi.

📌Bunday uchrashuvlar talabalarning o‘zini xavfsiz va qo‘llab-quvvatlangan his etishiga, ularning ta’lim olishi va shaxsiy rivojlanishi uchun qulay muhit yaratishga xizmat qiladi.

🌐Biz ijtimoiy tarmoqlarda:
📱Telegram | 📱Instagram

📚«YOSH KITOBXON» TANLOVI OʻTKAZILDI

Bugun 🇺🇿Oʻzbekiton davlat jahon tillari universiteti Ingliz tili 1-fakultetida yoshlar o‘rtasida kitobxonlik madaniyatini yuksaltirish, badiiy adabiyotga bo‘lgan qiziqishni oshirish va mustaqil fikrlash ko‘nikmalarini rivojlantirish maqsadida tashkil etilgan «Yosh kitobxon» tanlovi bo‘lib o‘tdi.

🔖Tanlov davomida ishtirokchilar saralangan o‘zbek va jahon adabiyoti durdonalari bo‘yicha o‘z bilimlari hamda tahliliy salohiyatlarini namoyon etishdi.

Bellashuv jarayonida talabalarimiz asarlarning teran mazmunini ochib berib, qahramonlar xarakterini tahlil qilishdi va o‘zlarining mustaqil mushohadalari bilan hakamlar hay’atida katta taassurot qoldirishdi.

🌐Biz ijtimoiy tarmoqlarda:
📱Telegram | 📱Instagram

🧠 “ZAKOVAT” — BILIMLAR BELLASHUVI DAVOM ETMOQDA!

🏆 O‘zbekiston davlat jahon tillari universiteti Yoshlar ittifoqi hamda Ingliz tili 1-fakulteti rahbariyati hamkorligida “Zakovat” intellektual o‘yinining II-turi bo‘lib o‘tmoqda.

🔥 Ayni damda jamoalar o‘rtasida qizg‘in bellashuv kechmoqda. Ishtirokchilar berilayotgan savollarga javob topish, mantiqiy fikrlash va bilimlarini sinovdan o‘tkazish orqali o‘zaro raqobatlashmoqda.

✨ Har bir savol — yangi sinov, har bir javob esa jamoa uchun muhim qadam! Bellashuv jarayoni ko‘tarinki ruhda davom etmoqda.

🌐Biz ijtimoiy tarmoqlarda:
📱Telegram | 📱Instagram